Wednesday, 31 July 2019

BILLI KAY BACHAY

Ek billi kay teen (3) bachay thay wo har waqt apas me larty rehty thay, ek din billi ne unhain samjhaya k larna ghagarna achi bat nhe jo bachay apas me larty hain dushman unhain asani se nuqsaan poncha sakty hain. Bachay bat ko suntay or unsuni krdaty. Ek din bachay apas me lar rahy thay k ek kuttay ne unhain dekh lia wo pass aakr tamasha dekhne laga or un ke larai ke khub tareefain krne laga, unhain ubharta k or maro or maro. Kuttay ke niyat thek na the wo chah raha tha k bachay apas me lar lar k halqaan hojayen or ek dusray ko zakhmi krlen taaky wo unhain aasani se harap krsakay. Bachay ke darakht k saye me lar rahy thay uper darakht kay uper ek billa soo raha tha wo billi k bachon k larne ke awaz sun kr uth gaya, jb usne dekha k kutta unhain mazeed larne per uqsaa raha hai to wo kuttay ke chal ko samajh gaya. Billay ne socha k bachon ko sabaq milna chahye. Kuttay ko billay k darakht per bethnay ke khabar na tha. Jesy he bachay lar lar kr thak gaye, kuttay ne do (2) bachon ke dum per apna paun rakha or ek (1) ko apne munh se daboch lia, bachay is achank hamlay se dar gaye or rone lagy. Billay ne socha k ab bacho ko sabaq mil gaya hai ab un ke jaan bachani chahye, billay ne darakht se kuttay per chilang laga de, kutta is achanak hamlay se be khabar tha usne dono bachon ke dum per se apna paun hataya taaky is hamlay ke jawabi karwai krsaky. Billa ek tajurbekar laraka tha usne dusray he lamhay kuttay ke aankh per apna panja mara taaky wo teesray bachay ko bhi chor de, kutta jo pehle he is achanak hamlay se thora khofzada tha ab harbara gaya usne teesray bachay ko chora or forann wahan se bhaga. Jb wo bhag gaya to billa un daray sehmay bachon k pas aya or unhain samjhaya k apas me larna jagharna achi bat nhe, Itefaq me barkat hai, teeno apas me mil kr kuttay ka muqabla krsaktay thay. Teeno bachon ko billay ke bat samajh me aagaye or unhone wada keya k ab wo kabhi bhi apas me nhe larengay.

Tuesday, 30 July 2019

PAGAL KUTTA

Ek gali me ek pagal kutta ghumta rehta tha wo hr anay janay waly per bhonkta tha, ek din us gali se ek anjana shaks guzra wo kuttay ke is harkat se nawaqif tha usay bhonkta dekh kr usne usay pathar mara kutta dar gaya or bhonkta hua wahan se bhag gaya. Aglay din phir us shaks ka us gali se guzar hua magar wo kutta usay dekh kr dar gaya or door hogaya.

Ajeeb bat to hai magar sochnay ke k kuttay ne jis insaan se pathar khaya us per na sirf bhokna chor dia balkay us se darnay bhi laga lakin phir bhi apni bhoknay wali adat se baz nhe aya. Yehe mamlaat kuch hamary sat bhi hain, hm sari zindagi dusron per bhonkty rehty hain magar jahan koi agay se jawab dene wala aajaye to us k samne bhoknay se ghabraty hain. 

Sunday, 28 July 2019

PAKISTANI DRAMO KE HAQEEQAT

Pakistani dramo ko aurat k dil me mard k leye nafrat dalne ka sb se bara zariya samjha jaye to galat na hoga. Jis terha se hamari nojawan larkiyon k dil me nafrat paida ke ja rahi hai r un k dimagh me mukhtalif khayalat k zariye se brain washing ke ja rahi hai wo kese se bhi dhaki chupi nhe. Mukhtalif topics per dramy banaye jaty hain r phir ye kaha jata hai k is mashray me jo ho raha hai usi per drama banaya ja raha hai. Zara sochiye 22 crore kay is mulk me koi bhi hadsa kese larki k sat paish aye to ek hangama shuru hojata hai r phir us per dramy banna shuru hojaty hain. Yehe waja hai k larkiyan shadi se bhagna shuru hogaye hain r apne carrier ko zada importance dene lagi hain.

Shohar Se Badguman Krna:

Kyun k mulk-e-Pakistan me aaksriyat Musalmanon ke hai lehaza target bhi musalman khawateen he hain jinhain shadi se door krnaa asal maqsad hai. Shadi k bad ke zindagi ko bohat takleef dy r mushkil dekhaya jata hai, un k zehno me ye bat bethai ja rahi hai k shohar shadi k kuch arsay k bad zalim hojata hai, ya mohabbat krna chor deta hai. Kyun k dramay khawateem shok se dekhti hain lehaza chahye to yehe tha k khawateen ke galtiyon ko point out keya jata take wo apni zindagi ko bethar se bethar tarikay se guzarain. Magar ulta dekhaya jata hai in ko dusron ke galtiyan dekhai jati hain

Badgumani (misconcepts) ko phelane ke kosheh ke jati hai maslaan dramo me dekhaya jata hai k shohar ka kese k sat chakar chal raha hota hai wo der se ghar aata hai to bivi jb us se der se anay ke waja puchti hai to wo office k kam ka bahana krdeta hai. Sochne ke bat hai ek aam aurat jb is qism ke chezen dekhay ge aur waqai us ka shohar office k kam ke waja se der se ghar aye or apne der se anay ke waja bataye to ab  aurat ko badgumani se kon rokay ga.

Nasal Kushi Ka Ek Tariqa:

Lazmi se bat hai agar Musalman aurtain shadi se door hona shuru hojayen ge to is se Musalmanon ke naslen km hona shuru hojayen ge or dushmana-ne-Islam jo pehle he Musalmanon ke nasal kushi krne me lagy huay hain unhain bhi zada mehnat nhe krna pary ge.

Algarz shadi se door krne k leye jo mumkin hota hai wo keya jaraha hai, social media per fake accounts bana kr larkiyon ko badguman keya jata hai, unhain bekhaya jata hai, un ko dhamkiyan de jati hain, ye bhi ek bunyadi waja hai jis ke waja se larkiyan shadi se door horahi hain.

Mukhtalif college or universities me kuch larkay (jin ka taluq mukhtalf jamaton ot tanzeemon k sat hota hai) dakhla (admission) sirf is waja se lety hain take wo larkiyon ko apny payar k jaal me phansa saken or unhain istemaal kr k chor den in me qadyani or deegar mazhab se taluq rakhne waly bhi hoty hain jo apni asal pechan ko chupaty hain or larkiyon ke zindagi k sat khel jaty hain, baqi larkiyan jb ye soorat-e-haal dekhti hain to wo bhi larkon se badguman hojati hain or shadi se katra kr apne carrier ko ahymeeyat (importance) dena shuru krdeti hain.


Carrier Ke Ahymeeyat:

Pehle dramo me dekhaya jata tha k end me Miya Bivi hasi khushi rehne lagty hain per ab dekhaya jata hai k end me Miya Bivi alag alag rehne lagty hain. Begam sahiba na to talak lati hain na sat rehti hain balky kahen door ja k bas jati hain r apna carrier banany lagti hain, in se koi puchay k ye carrier kb tk chaly ga kia 60 70 sal ke umar me bhi wo is qabil hongi ya phir unhain ek sahary or ek family ke zarurat hogi, yaa un ka irada kese old age house me paray rehne ka hai. Kyun k nokari to tb tk hai jb tk ap nokar hain kese company ke jb nokari krne k qabil he na rahein to amdani kahan se hogi.

Had hoti hai brain washing ke bhi, in dramo me to Matric r Inter ke hui larkiyon ko bhi bary bary auhdon per betha deya jata hai jahan MBA, PhD keye huon ko jahilon ke terha bana kr betha dekhaya jata hai, or wo unhain lecture de rahi hoti hain k company ko ks terha run keya jata hai, very funny.

Larkay Bhi Badguman:

Jahan ek taraf Musalman larkiyon k dil me Musalman larkon k leye nafrat bethai ja rahi hai wahen dusri trf social media k zariye se Larkon ko larkiyon ka galat roop dekhaya jata hai, jis ke waja se un k dil me bhi larkiyon k leye nafrat paida hona shuru hogaye hai jis ka aksar izhar zulm ke surat me hamary mashray me nazar aata hai kabhi koi kese larki per tezab phenk deta hai to koi khanjar se waar krna shuru krdeta hai. Yahan tk k choti bachiyon ko bhi zulm ka nishana banaya jaraha hai. Is hawaly se hum phir kabhi kese or topic me details me discuss krengy.

Musalmanon se sirf itne guzarish hai k Khudara aqual se kaam lain or in fitnon se khud ko door rakhain, QURAN ko samjhain taaky khud ke bhi sahi terbiyat ho saky or aanay wali nasloon kay Emaan ke bhi hifazat ho sakay.

Saturday, 27 July 2019

TIK TOK KA FITNA

Tik tok dour-e-hazir me tezi se mashoor hony wali application hai jis ne aaty he ratings k guzishta tamam records tor deye. Tezi se maqbool hony wale ye application na sirf nojawano ke tawajja ka markaz hai balky is se bari umer k log bhi mutassir horahy hain

Be-Hayai Or Fahashi:


Tafreeh k nam per jis qadar tezi se behayai phelai ja rahi hai wo kese se dhaki chupi nhe, jawan larkiyan tik tok per aakr mujra krna shuru krdeti hain or badnaseebi ye k un k gharwalon ko bhi is ke khabar nhe k un ke betiyan apna kamra (room) bnd kr k kia krrahi hoti hain. Afsos ka muqam hai walaidain k leye k wo apni aulad se is qadar la-perwa hochuky hain, phir yehe aulad apni man-mani krti hai to wo aap ko apni nafarman lagne lagti hai. Aulad ko nafarmani ka rasta kis ne dekhaya? Sirf-o-sirf aap ke la-parwahe ne unhain bigar dia.

Yehe nojawan larkiyan kal ko jb maayen banengi to kia terbiyat krengi, in ko to khud terbiyat ke zarurat hai. Na koi dekhne wala hai or na koi in fitnon se bachane wala hai, ye wohi fitnay hain jin k mutaliq kaha gaya hai k fitnay tmhary gharon me dakhil hojayen gy, or wo hochukay hain, dekhna ye hai k hm ne in fitnon se mutasir hona hai ya khud ko bachana hai.

Bachon Ke Terbiyat:


Algarz ye k hamary mashray me terbiyat ke kami ke waja se ye fitna tezi se chotay bachon ko bhi mutassir krraha hai, kam umri me unhain bohat se aesi batain pata chal rahi hain jo unhain nhe pata hona chahyen, magar afsos to un maa baap per hai jo khud he apni aulad k dushman bany huay hain, zara se entertainment k leye or un ko masroof rakhne k leye mukhtalif social media sites per un ka account bana dety hain, ye bhi nhe sochty k aap ne khuli choot dy de duniya walon ko k wo aap k bachon ko behkaayen, un k zehno ko kharab krain, mazhab se unhain badguman karain, aap k dushman to chahty he yehe hain k un ke rasai aap k bachon tk mumkin ho taaky wo unhain behka kr aanay wali nasloon ko har terha se apni marzi ke soch k mutalliq dhal sakain, or aap ne social media k zarye se un ka ye kaam aasan krdia.


Mustaqbil Ke Ek Jhalak:

Agar ye silsala ise terha chalta raha to bohat jald hamari naslain Islam se mukammal tor per door hojayen ge. QURAN to hm wese he almari me bnd kr k rakh chukay hain or Deen sikhty hain social media or mukhtalif websites k zarye se. Hidayat ghar me mojood hai or hum usay internet per dhund rahy hain.

Hum to thora bohat yaad hone ke waja se apne bachon ko kuch bata bhi dety hain, zara sochain aap ke aulad jis ne QURAN kabhi khol kar nhe samjha wo apni aulad ko kia samjhaye ge?

Social media k zarye se munafiqeen Islam k roop me QURANI Ayaa'at ka galat terjuma krty hain or phir us ka galat matlab nikal kr logon k zehno me shukook-o-shubaat paida krty hain. Zahri se bat hai ek Musalman jb Islam ko samjhay ga he galat to phir wo kese k samne Islam ko kesy defend kry ga or natijatan samne wala kafir usay dalail de de kr gumrah krdy ga. Ye sb waqai hamary mashray me horaha hai, Bloggers ko to aap sb janty he hongy is terha k bohat se pages or sites hain jo munafiqeen ka kirdaar ada krrahay hain or log unhain musalman samajh kr un ke bat sun rahy hain or apne he dil me Islam k khilaf shukook-o-shubaat paida krrahy hain.

Agar yehe haal raha to mustaqbil me Musalman bhi europe-o-america jesy Essaiyon ke terha hongy jo khud apne mazhab k mutaliq confuse hochuky hain or tezi se liberalism ke taraf barh rahay hain jo k sidha sidha ALLAH ka inkaar hai, jo (physical phenomena of nature) per yaqeen krty hain yani ye kainaat khud ba khud wujood me ai hai. Jb k hamara Emaan hai k ALLAH ne banaya hai isay.

Apni aulad kay Emaan ke khud fikar karain k kal ko qayamat k din wo ALLAH ke bargah me aap ke shikayat krengy k aap ne unhain Deen nhe sikhaya jis ke waja se aaj wo jahannum me dakhil horahay hain, lehaza aap ko bhi jahannum me dala jaye ga.

ALLAH hm sb k Emaan ke hifazat farmaye. Aameen!

Friday, 26 July 2019

AURAT HE AURAT KE DUSHMAN

Mard to bechara kabhi maa ko razi krne k chakar me bivi per zulm kr bethta hai to kabhi bivi ko manany k chakar me apni jannat se khud ko mehroom krleta hai, asal me to aurat he aurat ke dushman hai, jb saas bahoo me ikhtalaf ho or bahoo sat na rehna chahy, ya maa baitay se us ke bivi ko chornay ke bat kray, to aesi soort me mard kia kray?

Aurat tarakki kr k bary bary auhdon tk to jaa bethi magar apni tez zuban per aaj tk qabu na paa saki, tana znii krne ka fun to koi mard in se sikhay, ye dusri aurton per tanz marne se kabhi bazz nhe aaten, aqual wahen guthnon me hai

TV Dramo Ka Asar:

Sabar to jesy khatam hota ja raha hai aurat me or uper se TV dramas bhi yehe kam krty hain aurat k sabar per dramy bana bana kr us me tanziya jumlay add krty hain, har mozuu per dramy banaty hain taky har qism ke aurat ko bad tameez or bad mizaaj banaya ja saky jo sirf apny bary me sochay or baqi logon ko nazar andar krdy.

In TV dramas k zarye se badgumani bohat zada phalai ja rahi hai, har bat ka ulta matlab nikaal kr dekhaya jata hai jis ka nuqsaan ye hota hai k jo aurat zada dramy dekhti hai us se jab bhi koi bat kray to wo un baton ka wohi matlab leti hai jo in TV dramas me bataya jata hai, natijaa ye k aurat badguman ho ho kr ander he ander guthne lagti hai. Maslaan ek dramay me dekhaya gaya k shohar ka kahen dusri aurat k sat chakar chal raha hota hai lakin jb shohar der se ghar aata hai or us ke bivi us se der se ghar anay ke waja puchti hai to wo usay kehta hai k aaj office me bohat kam tha is waja se der hogai or bivi mutmain hojati hai

Aaj kal dramon me aurat ko rota dhota or cheekhtay chillaty huay dikhaya jata hai, jasbati pan ko had se zada dikhaya ja raha hai, jis ka ghar ke aurton per asar par raha hai magar wo khud is bat se be-khabar hain k un k ander tabdeeli aarahi hai. Iddat ka jis terha mazak uraya jata hai or jis terha bura bhala kaha jata hai wo kese se dhaka chupa nhe hai, iddat me guzarne waly waqt ko aesa bana kr dekhaya jata hai k koi zulm ke inteha hogai ho or Islam ko badnam keya jata hai. Ajeeb bat hai ek trf to Islam k ahekamat per amal nhe keya jata uper se Islam ko he badnam keya jata hai, shadi k waqt aurat ko Islam us ka jaiz haq meher ke soorat me deta hai jo wo apni marzi se decide krti hai taaky mustaqbil me agar us ka shohar usay chor de ya wo bewa hojaye to meher ke raqam iddat k doran usay kam aasaky, meher ke raqam ko aurat kese business me bhi laga kr aamdani hasil kr sakti hai jo k us ke zaati malkiyat hogi. Magar Islam k ahekamat ke dhajiyan uraaie jati hain or ulta aurat ko he loota jata hai jahaiz ke soorat me jis ka Islam se door door tk koi wasta nhe or ye khalisatan hindooaana rasam hai, magar yahan bhi aurtain aap ko sb se agay nazar ayengi, bina jahaiz k to shadi he nhe hosakti, lanat ho aesi soch per or aesy logon per. Ye namard pata nhe kesy soo laty hain bivi k baap ke kamai per sharam bhi nhe aati in ko.

Khandani Ikhtalafat:

Bhai bhai apas me jitna lar len un me sulah hojati hai magar jesy he un ke zindagiyon me biviyan aajati hain ye sulah kafi had tk namumkin hojati hai. Bhai apni behnon se door hona shuru hojaty hain. Aksar biviyan apnay susral ke har bat ko manfi (negative) or apnay maikay ke har bat ko musbat (positive) banany ke kosheh krti hain, apne maikay ko defend krti hain or susral me koi choti se bat bhi hojaye to usay baraa bana kr shohar k dil me nafrat bharne ke kosheh krti hain.

Aurat chahy to khandani ikhtalafat ko khatam kr sakti hai magar wo apni anaa ko bech me le aati hai or yehe chahti hai k dusra pehel karay wo pehle jhukay ya wo mafi mangy phir he sb kuch thek ho askta hai maaf krna darguzar krna to jesy bool he gaya hai isay.

Thursday, 25 July 2019

AAJ KE AURAT KE ZINDAGI

Aurat aik aisi makhlooq jis par jab bhi muashray naay ungli uthai to uski dada kosi karne k leye kai danishweron naay qalam uthaye. Magar aurat k masail roz-e-awwal se aaj taq waisay hi hain. Jo masail hamari maaon ko darpaish they un hi masail se aaj ki aurat bhi guzarrahi hai. Aaj bhi aurat ko apne mukaam ka nhe pata. Kal bhi beti ko yeh keh kr rukhsat kya jata tha k ab us ghar se tmhara janaza he uthay ga aur aaj bhi, magar halaat mein kisi had taq behtari aayi hai, aaj aurat zulm k khilaaf aawaz uthany k qabil hochuki hai, magar yahan bhi usay sha-oor ke zarurat hai.

Kia Talaq Maslay Ka Hal Hai?

Aaj aurat zulm honay per talaq le lainay ko sahi samajhti hai. magar kya is k saaray masail talaq se hal ho jatay hain?

Aksar larkiyan doosri shadi k baad bhi pehlay jaisay masail ka samna krti hain, balkay pehlay se bhi bad-tar halaat ka samna krti hai aur un k paas koi charah bhi nahi hota, mard badal jata hai magar halaat nahi. Hamein sochnay ki zaroorat hai k aakhir aesa kyun hai?

Jis terha ka hamara culture hai, yahan talaq k bad aurat ke zindagi bekar hojati hai, us ke zindagi me nokari kr k apna pait bharne kay siwa kuch nhe rehta, wo bhi jb tk hat-o-paon me dum hai, ek waqt k bad to wo bhi jawab de jayen gy phir kia krengi? Shohar k ek taany per talaq lene wali sari zindagi apni bhabiyon k taany sunti rehti hai.

Duniyavi Taleemat Or Media Ka Asar:

Aaj ki larki parhi likhi hai bashaour hai to woh apni zindagi se nalan kyun hai?
Meri nazar mein is muamlay mein hamaray danishwaron ka bohat ahem kirdaar hai k jin k qalam jb bhi uthay hamesha aurat ko mazloom kha, hum ney aurat ko la shaori tor par yeh samgha diya ke woh mazloom makhlooq hai.



Hum ney aurat ko degree to thama di magar aaj bhi usay ye nhe pata k us k asal me haqooq kia hain or faraiz kia hain, jis ka dil chahta hai uth kr aurat k haqooq-o-faraiz batana shuru krdeta hai, or aurat ultay sidhay hat paon mar kr apna ghar kharab kr bethti hai, ya talaq yafta hojati hai. Zulm ke inteha to yahan tk hai k mashray k jahil tareen log TV programs, dramo, social media, print media k zarye se aurat ko sikhana balky youn kahiye k behkana shuru krdety hain, usay sahi galat ke talemaat dena shuru krdety hain k jo usay thek lagy wo kray. Jaan lejeye man mani krne se kabhi bhi ghar abad nhe hoty mard kabhi bhi haar nhe many ga or natijatan ghar toot jaye ga, or jb k galti bhi aap ke ho to ye or bhi mushkil hai, apne mard ko apne kabu me rakhna hai to sb se pehle us ke izzat krna sikhen. Hamary taleemi nizam ne aurat ko jahan mard k baraber la kr khara krdia hai wahen usay bad tameez or man mani krne wali bhi bana dia hai. Bad-naseebi hai ye aaj ke aurat ke k wo apne mard ke izzat nhe krty or uper se ye nam nehad comedy dramas me to had se zada aurton ko apny shoharon se badtamezi krty huay dikhaya jata hai jo k brain washing ka ek zariya bhi hai, zahari se bat hai jis terha k namoonay lallo type k mard in dramon me dekhaye jaty hain wesy real me nhe hoty, aurat ke aesi badtamezi krne per to agay se sirf mard k hat ka thapar he aata hai, or phir ghar tootne ke nobat aajati hai. Yaad rakhain, taqatwar se larne per sirf apna he nuqsaan hota hai hamesha usay zer krna sikhen us ke hamdardi hasil karain is k leye pehle aap ko sabar krna pary ga

Huqooq Ke Jang:

Apne huqooq ko samjhain or apne faraiz per bhi tawajja den jb dono shohar or bivi apny apny huqooq ke jang ek dusray se larain gy k pehle mera haq, pehle mera haq, aesy to kese ko bhi haq nhe mily ga, haq chahye to pehle apna farz ada kejeye haq khud ba khud mil jaye ga, lazmi se bat hai k jb shohar apny faraiz per tawajja de ga to aurat ke huqooq khud ba khud puray hongy ise terha bivi apny faraiz per tawajja de ge to mard k huqooq khud ba khud pury hongy. Yehe bunyadi farq hai k apni apni jang larne k bajaye apne faraiz per tawajja den huqooq khud ba khud mil jayen gy.

Aurat Ke Kamzori:

Aaj ke aurat me sabar nhe hai larkiyan colleges or universities me apni pasand se shadiyan krrahi hain or phir 3 mahinay me he zara se larai per talaken le rahi hain, shohar agar kuch keh de to unhain itna bura lagta hai k nobat talaq tk aajati hai.

Aaj ke aurat me sabar khatam hota jaraha hai, mard ke taraf se badguman rehti hai, apni najaiz khuwaishon ka bojh us per dal deti hai or wo usay pura krty krty thak jata hai to jawab me usay ek he bat sunnay ko milti hai k mujhe kabhi khush nhe rakha, mera khayal nhe rakha. Yaad rakhain shohar ke nashukri aurat ko to ALLAH bhi maaf nhe kry ga.

Aurat Ke Taaqat:

Aurat ka sabar, us ke aulad, aurat ka apne mard ke izzat krna, us ke izzat ka khalay rakhna, us se darne k bajaye mohabbat se us ke bat manay, har haal me us k sat kharay hona, us ke har jaiz bat ko man-na. Aurat ko wo taaqat deta hai k mard us ka mohtaaj ho kr reh jata hai. Apne mard ke zarurat banain, musibat nhe.

Mard ke koi bat buri lagi ho ya us per ghussa aaya ho tab bhi us per ghussa krty waqt apni awaz ka khayal rakhain, us per akalay me ghussa karain or itne awaz me karain k awaaz kamray se bahir na jaye, wo aap ke bat ko zarur sunay ga or apni galti per bhi sharmida hoga, lakin is k br-aks agar aap sb k samne us se bad-tamezi karain ge to natija sirf judai he niklay ga.

Aurat Ke Brain Washing:

Aurat agar ghar k kam-kaj me dilchspi rakhti hai to usay kaha jata hai k mard k jabar ko tasleem krty huay wo majbooran aesa krti hai. La sha-oori tor per us k dimagh me ye bat bithane ke kosheh ke jati hai k wo ghar k kam me dilchspi sirf talaq k der ke waja se rakhti hai.

TV dramon k zarye se aurat per zulm dekhaya jata hai or usay ye batany ke kosheh ke jati hai k shadi me kuch nhe rakha asal chez us ka carrier hai. Carrier ko importance de jati hai k aurat k leye us ka carrier he sb kuch hai. Sochne ke bat hai ek musalman aurat jb apne carrier ko importance dena shuru krdy ge or shadi se door bhagy ge to natijatan musalmanon ke tadaad me tezi se kami aaye ge or yehe dushman bhi hm se chahty hain.

Aurat ko huqooq k nam per dokha deya jata hai usay larna sikhaya jata hai jb k larne se kese ko huqooq nhe milty, bari bari misaalen mojood hain log apne huqooq k leye hukumat se takrane ke kosheh krty hain or phir zulm-o-sitm ka shikar hojaty hain.

Aurat ko us k asal huqooq ka nhe bataya jata shadi k leye meher us ke sb se bari taqat hai jo wo apni marzi se decide krti hai taky agar mard usay chor de to iddat k doran ye meher us k kam aasakta hai, meher se milne waly paisay ko wo invest bhi krsakti hai, kese business me laga sakti hai. Iddat k bad wo kese or se shadi kr k wahan se bhi apni marzi ka meher hasil krsakti hai, magar is ko bhi bura bana dia gaya hai.

Wednesday, 24 July 2019

DUSHMAN PER GALBA PANE KE TARKEEB

Khul kar jung karne walay dushman se ziyada sulah ki paish kash karne walay dushman se dar kyun kay bohat saaray dushman din ko muzakaraat ki dawat dete hain aur raat ko hamla kar dete hain, mard talwar saat rakh kr sotay hain na k aurton ki terhan ghaflat k sath khawab gaahon mein. Khufia tor par bhi jung k liye tayyar rehna chahiye k dushman poshida hay hamla kar sakta hai. Tajurbah kaar log ahthyat se rehtay hain aur lashkar k liye dhaat ki talwar ban kar pehra dety rahty hain. Do kamzoor dushmanon mein be-khauf ho kar baithna hamaqat hai agar woh dono dost ho jayen to yeh kuch nah kar sakay ga lehaza aik ko baton mein laga kar dosray ka kaam tamam kardey! agar tera dushman larai chahay to tadbeer k sath talwar chala kar is ka khoon kardey! aur ja kar is k dushman se dosti kar le taa k is ka libaas hi is k liye qaid khanah ban jaye aur agar do dushman aapas mein lar parrin to tu apni talwar nayam mein daal le kyunkay bhairiye agar aapas mein lar parrin to bakriyan mehfooz ho jati hain.

FITNA-E-QADIYANIAT

Nojawan nasal ko qadyanyon se bacha lijiye. RASOOL ALLAH k deen ki khatir 5 minute is post ko day den.

Imaan Kay Lutairay:

Pakistan mein Imaan kay lutairay qadyani apni tadaad din ba din universities, colleges, schools aur tution centers mein barhaye jarahy hain jahan un ke tableeghi sargarmia Musalman larky larkiyon kay liye intahi muzir hai.

Taleemi Idaron Me Sergarmiyan:

Bohat se waqeat aisay samnay aeye hain k kuch idaron mein taleem haasil karne ke liye anay walay taalib-e-ilm qadyani class fellows se dosti ke nateejay mein Rabwah ki sair ko chal parre aur phir unhi kay hathon shikaar ho gaye aur apna Imaan luta baithy. Moon market Iqbal town mein aik idaray mein parhnay wala Shahzad Nami nojawan apne 2 qadyani class fellows ki dawat-o-tableegh se mutassir ho kar qadyani ho gaya. magar ALLAH kay fazal se khatam nabuwat ka lecture aur website visit karne ke baad qadyanit par laanat bhaij kar Musalman ho gaya. Faisalabad k PMC medical college mein qadyani larky larkiyon ki guzashta saal tableeghi sargarmia intahi urooj par poanch gayi theen. qadyani larkiyan apne hostels mein baqaida notice board laga kar Ahmedi dars-e-Quran k naam se program karti theen.

qadyanyon ney PMC ke samnay rehayshi scheme mein aik das (10) mrle ka makaan le rakha he jahan Musalman larky larkiyon ko khilanay pilanay kay bahanay le jaya jata he phir un ko wahan aayashi karwai jati hai aur sath 20 hazaar rupay mahana wazifa ki peshkash ki jati hai aur is ke aiwaz mutalba yeh hota hai k be-shak aap andar se Musalman rahain magar hamari bait form pur kar k wazifa haasil kar sakty hain. Yahan ke bohat se musalman larky larkiyon kay Imaan lutne ki dastaneen intahi afsoosnaak aur holnaak hain, aur is sab se bara almiya yeh hai k inhen roknay wala koi nahi.

Lahore ka usmaan qadyanyon se taluqaat ki binaa par un kay is dajl-o-fraib mein aa gaya kay Mirza qadyani k baray mein isstikhara kar liya jaye phir woh isstikhara kar k hamesha k liye murtid ho gaya aur apne doston azeezon ko mirzai bananay k liye din raat koshan rehta hai.

Achra kay Maroof thaikaydaar ka beta aala taleem k liye London gaya, wahan se aik qadyani khandan ney is se rishte k liye rabita kya. jab thaikaydaar sahib ney qadyaniat ki bunyaad par inkaar kya to unhon ney bataya k tumhara beta yahan aa kar hamhare sath uthta baithta tha aur ab woh hamhare aqeday par hai aur hamari marzi se chalay ga, ab hum is ki shadi kar rahay hain hum to sirf tumhe dawat day rahay hain k tum shadi mein shareek hona chahty ho to ho jao.

Jawani K Hathiyaar:

Jawani k hathiyaar se Musalman larkiyon aur larkon ke Imaan ki lout maar. Aik shakhs phone par ro raha tha, aur rotay hoye bta raha tha k meri beti Punjab university mein perhti hai woh qadyani ho gayi hai aur laakh samjhane k bawajood is ney marzai larky se shadi kar li he. (Is waqiye se hamain ye bhi maloom huwa k hamain apni aulaad ke deeni terbiyat per bhi tawajja deni chahye, aamaal ke sath sath aquaid ki nigrani bhi karni chahiye)

Chodhary colony Samanabad ka Jaleel pesey aur nokari ki lalash mein Samanabad ki qadyani jamaat k hathon murtid huwa aur apni biwi ko bhi qadyani bana liya. Is ki maa tamam Musalmanoon se appeal karti hai k koi hai jo mere is betay ka Imaan bacha le mein intzaar mein hoon (lekin bhorhi amma! abhi hmm so rahay hain Jaleel k sath nazar anay walay 5, 7 nojawan woh hain jo qadyani ho chuky hain aur unhon ney abhi taq apne gharon mein bataya bhi nahi hai.

rabwa se khobsorat libaas aur make up kar ke nikalny wali khobsorat larkiyan trainon aur basoon mein sawaar Sargodha se Faisalabad k route aur ird-gird kay dehaton mein phail jati hain aur jawani k hathiyaron se lais ho kar dawat deti hain aur senkron logon ko shikaar kar chuki hain. Afsos un senkron logon ko shikaar hone se roknay wala koi nahi.

Mulk k mukhtalif hisson mein qadyani larkiyon ki tableeghi jamaten ise terha nikalti hain.

Travel Agent Ya Kufar K Agent:

Kuch bad qismat travel agent Musalmanoon ko qadyaniat ki bunyaad par bahar bhejnay ki targheeb day kar bait form pur kerwatay hain, phir qadyani zahir kar k beron-e-mulk ka visa lagwate hain aur chand rupoo ki khatir un ka Imaan zaya kar dete hain. Yeh bohat se logon ko murtid kar ke bahar bhijwa chuke hain.

qadyanion ke duniya bhar mein ijtimaat munaqqid hote hain aur jummay k din bhi un ka har ilaqay mein ijtima hota hai, un ijtimaat mein woh musalmanoon ko laazmi le kar atay hain, un ijtimaat mein shirkat karne walay musalman kuch arsa baad qadyaniat ka hissa nazar atay hain.

Rafai Kamon Ki Aarr Mein Tableegh:

qadyani samaji behbood aur NGOs k zariye apne khaas maqasid k husool k liye har is jagah pohunch jatay hain jahan koi Qudrati aafat, museebat ya haadsa paish aata hai. Hadsaat mein logon ka maal, ghar baar, jaanun ka nuqsaan to pehlay hi ho chuka hota he, oopar se un mazloomon ki is museebat aur pareshani ka faida uthatay hoye Imaan ke daku apne hathiyaroon k sath wahan haazir ho jatay hain, aur jo jo log Imaan bechna chahin un ko achi khasi mara-aat di jati hain. Be-sahara logon ki kifalat kar k un ko apne dairay mein shaamil karte hain.

Aojri camp (1988 Hunza) mein qadyanyon ney bharpoor kaam kya.

2005 Hunza Baala coat mein anay walay zalzalay mein jahan tamam musalman un ki imdaad ke liye sir garam they wahan qadyani bhi apni sar garmion ko phelanay ke liye bharpoor kaam kar rahay they aur Imaan lutane walon ko mara-aat ki peshkash kar ke warghlaya jata raha aur mutadid musalmanoon ko qadyani banaya gaya. Aaj Rabwah mein pathan murabbi ban'nay ki tarbiyat letay nazar atay hain aur pathano k ilaqon mein qadyanyon ki barhti hui tadaad tashweesh naak he. Is waqt Swat aur gardo nawah ke museebat zadgaan musalman bhaieyon mein tableegh aur bait form bharvaane k liye qadyani bharpoor sir garam amal hain aur un ki bohat si NGOs wahan apne maqsad k husool k liye kaam kar rhi hain. Essaiyon ki terha mirzai bhi aisay ilaqon ka intikhab karte hain jahan k musalman ghareeb, jahil aur be-deen hote hain jaissa k Sindh k pasmandah ilaqay hain, wahan musalmanoon k siwa har mazhab barri taizi se apni taba aazmai kar raha hai.

Bevaon aur yatimon ki imdaad k zariye bhi qadyani musalmanoon ka Imaan lottay hain. Aik gharane ka kafeel musalman faut ho gaya. is ki bewa apne teen bachon ke taleemi akhrajaat bardasht nah kar saki aur school se inhen utha liya, un bachon mein se aik bachay ka class fellow bacha qadyani tha, is qadyani bachay k baap ney mauqa ko ghanemat jana aur bewa ki maali imdaad shuru kar di. Bachon ki taleem jari karwane k ilawa kharchay ki zimma daari bhi uthai aur bewa ko mazeed mustaqil maali imdaad faraham krna shuru kar di. aaj woh bewa maa is shakhs ki tableegh se qadyani ho chuki he, aur zahr he is ke bachay bhi qadyani hi banin gy.

(ALLAH mehfooz rakhay sb ko Ameen)

Is terhan kay waqeat bohat ziyada hain. jahan bhi koi group, jamaat fitnah qadyaniat k khilaaf kaam kar rhi he un se rabita karne par bohat se waqeat mil satke hain. Har university, college aur hospital mein aisay waqeat ro-numa hote rehtay hain. Is mauzo par mohtaram Mohammad Mateen Khalid ki kitaab 'qadyanit aik dahshat gard tanzeem' ka mutalea bhi faida mand rahay ga. Musalmanoon ko chahiye k woh dainee aur rafai sar garmion mein barh charh kar hissa len, aur is kaam ko itna philayin ke Musalmanoon ko un mirzaiyon k jaal mein phansnay ka mauqa hi nah miley.

Zara apna jaiza bhi lijiye, jo shakhs ALLAH k liye kaam karta hai, phir is ko parwah nahi hoti k koi 1 shakhs is kay sath hai ya 10, is k liye asal cheez sirf ALLAH ki raza hoti hai.

Is pegham ko har bandah Musalmanon taq pohuncha dey.

Tuesday, 23 July 2019

TAKKABUR KA ANJAAM

Ek jungle me ek bohat he magroor sher rehta tha jo har janwar ko apne se kamtar samajhta, ek dafa us ka guzar ek dariya k pas se hua wahan usne dariya se ek batakh ko nikalty huay dekha to guroor se bola k tm itne moti se ho or uper se choti choti or sookhi sookhi tangain, mujhe dekho ktne mazboot pair hain mere, batakh kuch na boli or pani me wapis chali gaye, sher bhi us ke pechay pechay gaya, dariya me ek magarmach bhi tha jo pehle se he batakh ke taq me tha, batakh k pani me jaty he magarmach us k taaqub me aya, batakh ne usay dekh lia or tezi se agagy barhne lagi, magarmach ne batakh ko door jaty dekha to mayoos hogaya k shikar hat se nikal gaya magar jald he usne pani me ek sher ko dekha jo batakh k pechay jane ke kosheh kar raha tha, magarmach dobara se pur-umeed hua or is dafa sher per hamla krne ke socha, sher ne bhi magarmach ko apni taraf aaty huay dekh lia magar jaldi jaldi tair na saka or magarmach ne usay pakar lia. Batakh door khari dekh rahi the usne sher se pucha k ab batao k kis kay pair achay hain, sher sharminda hogaya aur apni aankhain hamesha k leye band krlen.

Ise leye kehty hain kabhi takkabur nhe krna chahye kia pata ALLAH ne jo dusron ko deya ho wo un k leye aap se bethar ho, ALLAH janta hai hum nhe.

Monday, 22 July 2019

JANG KE HIKMAT-E-AMALI

Ae badshah! do (2) logon ki hifazat kar aik bahadur ki aur dosray raaz daar ki. Jo qalam aur talwar ki mashk nahi karta woh agar mar jaye to koi us per afsos nahi krta.

Kya yeh bahaduri hai kay dushman jung ki tayari mein ho aur to naach ganay mein mast ho? bohat se logon k hathon se hukoomat nikal gayi jabkay woh naach ganay mein mashgool they. Apni tareekh he utha kr dekh len, per hum itne nadaan hain phir bhi sabaq nhe sikhty, wohe laparwahi dushman naye naye hathiyaar bana bana kr hum per istemaal keye jaa raha hai or hum ALLAH ke baton ko bhool kr unhain razi krne me lagy huay hain halan k wo kabhi bhi hum se razi nhe hongy yahan tk kay hamain Emaan se pher kr kufur ke taraf bulayen gy.

Ye hamain sochna hoga k hum mustakbil ke jangon me kia hissa ada krne waly hain, kia hum dar kr gharon me ghus kr beth jayen gy, ya phir bahaduron ke terha bahir nikal kr dushmanon ka samna krengy.

Agar is mulk kay 6 crore nojawanon me 3 crore mard-e-mujahid (supahi) hon to duniya ke koi bhi taqat hamain hara nhe sakti.

JANG ME BUSDELI

Gurgin (Iran ka pehelvaan) ne apne betay se kaha (jabkay woh jung ki tayari mein masroof tha aur hathyaar bandh raha tha) agar to ne maidan-e-jung mein ja kar aurton ki terha bhaag aana hai to mat ja taa ke meri wajah se bahaduron ki izzat kharab nah ho kyun kay jo sawaar maidan-e-jung se bhaag jata hai woh sirf apna hi nahi balkay tamam bahaduron ka khoon baha daita hai. Aisay do dost barri bahaduri se jung karte hain jo hum jins honay k sath hum pyalaa aur hum zabaan bhi hon, kyunkay jab bhai dushman kay panjay mein hoga to is ko peechay hatnay mein sharam aaye gi haan! agar dost bhi be-wafai kar jaye to jaan bacha kar bhagnay ko ganemat jaan.

Bahadur wohi hota hai jo maidan-e-jang me (ye janty huay hi k jitna mushkil hai) haar nhe manta or aakhri dum tk larta rehta hai, usay mout ka khof nhe hota or na he wo dushman kay kese bhi waar se derta hai, wo jata he wapis naa anay kay leye hai. Tariq bin Zeyaad jesy bahadur jis ne maidan-e-jang me qadam rakhty he wapsi ka rasta band krdia, or apni kashtiyaan jala den k ab yahan se jeet kr he wapis jayen gy.

Aaj hamari quam ko bhi aesy he bahaduron ke zarurat hai jo jaan ke bazi lagane ka dum rakhti ho.

TAJURBAKARI

Dushman ke sath jung karne ki nobat aajay to bahaduron ko dushmanon se larne k leye bhej, sheron se lerna hoto babbar sheron ko bhej. Tajurbahcar logon se faida utha kyunkay purana bhariya (بھیٹریا) shikaar khailay hue hai. Jawanu se darny ki zaroorat nahi puranay  tajurbacar burhon se ahthyat lazmi hai kyunkay sher hathion ko giranay walay jawan boorhi lomri (Fox) k hilon ko nahi jantay. Khush naseeb log burhoon ki baat ko nazar andaaz nahi karte. Agar tujhy mulk abad chaheye to is ko no-jawano k supurd na kar or fauj ka salaar bhi maahir aur aazamaaye huay ko bana. To ne dekha nahi ke shikari kutta cheetay se bhi lar jata hai aur natajurbakar sher lomri (fox) se bhi bhaag jata hai. Bachpan ka shikari jung se bhi nahi darta aur kayi bachon ko bahadur bana deta hai. Aesh-o-ishrat mein palne wala larai (jang) dekhe ga to kanp uthay ga. Ise uthane k leye bhi 2 mardon ke zarurat pary ge or ye ek bachay se bhi haar jaye ga. Jung mein peeth phair kar bhagnay waly se hijra (shemale) behtar hai jo jang k dino me aurton waly kam karta hai.

Sunday, 21 July 2019

BAHADUR FAUJ

Jo shaks apni bahaduri k johar dikhaaye is ki hosla afzai karte hue is ko zaroor taraqqi dainee chahiye, taakay dobarah bhi jaan ke bazi laga dene ka is mein hosla peda ho phir agar muqaablay mein dajjal or yajooj majooj bhi aajayen to peechay nahi hattay ga. Lashkar ko aman k daur mein khush rakhna k jung ki haalat mein tairay kaam aeye. Fouj ke madad krna or un k kaarnamo ke hosla afzai krna hamaray leye zaruri bhi hai or naki ka bais bhi. 

Apni jaan ke bazi lagana asaan nhe hota. Kuch log ilzam lagaty hain k fouj ko paisa milta hai is leye wo koi naki ka kam nhe krrahy, aesy logon se sawal hai agar wo paisa in logon ko milna shuru hojaye to kia ye log bharat (india) ke sarhad k samne seena taan kr khary hongy? In ka munh usi waqt bnd hojaye ga, ye wo log hain jo na to mulk k sat mukhlis hoty hain or na he mulk k ander hoty hain, aesy logon ke baton ko nazar andaz krdena he in ke asal shikast hai.

Duniya me zour unhi qaumon ka chalta hai jin ke fouj taqatwar hai, jesy America, China, Russia, India, fouji taqat k balbutay per he ye duniya me apna zour dikhatay chaly aye hain. hindustan per jab angrezon ne qabza keya to us me bhi kamal un ke fauji salahiyat ka tha.

Hamain khud sochna hoga k hum apne sat mukhlis hain ya nhe agar to hain to hamain to phir hamain apne quam k har shaks k sat bhi mukhlis hona hoga, us ka bhi bhala sochna hoga. Hamari khudgarzi hamain kabhi aagy nhe barhne de gi, yehe khudgarzi aakhir me hamain 2number kamon ke taraf ragib krdeti hai.

Apni fauj ke har mumkin madad karain un ke hosla afzai karain, buray waqt me un k sat khary hon, un k khilaf koi bat na sunain km-az-km hum ye to krhe sakty hain.

BEHES KAY AAGAY BEEN BAJANA

Kesi mulk par aik zalim hukmaran musallat tha, is ny logon kay din ke ujalay ko raat ki tareqi mein badal diya logon ki neend haraam kar di. Din ko is k sataye hue raat ko ALLAH ke bargaah mein is kay khilaaf dast bazu utha kr bad-dua kartay. Kuch log is zamane ke aik buzurg k paas jaakar roye k is zalim ko Khuda ka vaastaa do ke zulm na kary, buzurg ny kaha: Mujhe sharam aati hai k is kay samnay apne Khuda ka naam lon kyun kay har koi ALLAH k paigam k laiq nahi hota. Jo Haq ko maanta hi na ho us k samnay Haq ka naam lia he na jaye. Yahi Haq, Haq walay k samnay hi kehna chahiye. Nadaan kay samne ilm k moti bekhairna banjar zameen mein beeg zaya karny k mutaradif hai. Jab is par assar hi nahi hoga to mujhe apna dushman jaan kar nuqsaan pohnchaye ga. Agar zalim mujh se khafa hai to taajjub nahi kyunkay woh chor hai aur mein chokidaar. Koshish sabhi karte hain lekin neki har koi nahi kr sakta.

AIK PEHELVAAN

Aik pehelvaan naay tang dast ho kar pusht par matti ke bori utha kr apna pait bherna shuru kar diya nihayat dil tang aur afsurda rehne laga k kahan barray barray bahaduron ko pachhara aur kahan yeh din? Log shehad peenay, murgh aur bakray khatay aur is be chaaray ki rootti saag paat ko taresti rehti. Kuttay billiyon ke jism per libas aur yeh be charah nanga. Hasrat se dua karta ke saari zindagi ka rizaq abhi mil jaye to chand din to aasani se guzar jayen. Aik din zameen khoud raha tha ke shoora ki haddi nazar aayi aur sath motiyon ka toota hwa haar paaya. 

Zamane ki gardish ka gilah nah kar ye to ghoomta hi rehta hai. pehelvaan ko thori tasalli hui ke jab anjaam sab ka aik hi jaissa hai to kya takhat nashen aur kya khaak nashen, haan naik Nami reh jaye gi. Malik, taaj takhat walay bhi chal diye aur gada or mohtaaj bhi, duniya se dhoka nah kha ye to bani he khatm hone k leye hai.

HAQ GOI

Aik darwaish ki haq goi se naraaz ho kar badshah ne mutkabbirana andaaz mein is ko jail mein daal diya. Wuzraa mein se kisi ne darwaish ko kaha badshah ko bharay darbaar mein is terhan nasiyaat karna munasib na tha. Darwaish ne kaha! haq baat kehna ibadat samjhta hon aur mujhe qaid khanaay ki koi parwah nhe k yeh chand lamho ki baat hai. Badshah ko darwaish ki wazeer se guftagu ka pata chala to is ne pegham bhijwaya kay chand lamhy nhe balky saari zindagi jail mein hi rehna paray ga. Darwaish ne wapas jawab diya ke kya to jaanta nahi duniya hai hi aik ghari. Darwaish kay liye khoshi aur‬ ghami barabar hai الحمدلله, to lashkar aur khazaanon mein khush hai to mein rang aur mehroomi mein bhi apne ALLAH se raazi hon. Jab hum dono ko mout aeye gi to chand dinon mein barabar ho jayen gay, koi nah pehchan sakay ga k darwaish kon hai aur badshah kon? Zalim badshah ko in baton se aur gussa aaya aur darwaish ki zuban kaat dene ka hukum diya. Go darwaish ne farmaya mujhe is se bhi farq nahi parre ga ke mera ALLAH baghair meri zabaan ke bhi jaanta hai ke mein kya kehna chahta hon mein zulm bardasht karoon ga jo meri akhirat behtar kar day ga balkay mujhe to khoshi hogi agar tujhe bhi martay waqt Imaan naseeb ho jaye.

Friday, 19 July 2019

MADARIS KO BADNAM KRNE KE SAZISH

Aaj kay is pur-fitan dour me Islam ke khidmat or us ko duniya me phelane ka zariya agar koi hai to wo sirf-o-sirf Madaris he hain. Madaris Islam k chotay chotay qilay hain jahan se Islami talimaat duniya bhar me phelti hain. Madaris he hain jinhone Islam ke khidmat ka theka uthaya hua hai.

Agar mulk-e-Pakistan k madaris ke bat ke jaye to dil se SUBHA ALLAH nikalta hai. Jahan duniyavi talimaat ka janaza nikla hua hai r talib-e-ilm mulk se bahir parhne jaty hain wahen madaris me log duniya se parhne k leye aaty hain, hindustan k madaris bhi kese se kam nhe magar jo baat Pakistan k madaris ke hai wo kahen nhe milti, baqaidaa courses hoty hain QURAN k alag, Hadees k alag, Fiqah k alag. Yahan mufti ya Aalim banna itna aasan nhe hota bohat mehnat krna parti hai.

Bad-qismati se ise mulk-e-Pakistan me madaris ko itna badnam keya jata hai k log madaris k baray me manfi (negative) sochna shuru krdety hain. Ek do waqiyaat ko issue bana k news media, social media, TV dramas k zarye se itna badnam keya jata hai k jis ke koi had nhe jo aata hai bhokna shuru krdety hain. Burai kahan nhe hoti, University or college to door ke bat hai school tk me kia kia hojata hai, ktne waqiyaat paish aaty hain magar na to unhain highlight keya jata hai or na he is waja se walidain apne bachon ko school bhejna chorty hain, or naa he un k zehno me school k hawaly se koi manfi (negative) soch paida hoti hai. Afsos hota hai Musalman ho kr apni is dohri soch per, hum apni chezon ko bura or gairon ke chezon ko acha sabit krty hain. Apne he Islam se beparwaa or la-talluq hochuky hain.

Agar yehe haal raha hamara to hamari aany wali nasal Islam se or Islam ke sahi talimaat se mehroom hojaye ge. Agar apni nasal k Emaan ke hifazat krni hai to phir madaris ke bhi hifazat krna hogi.

BACHPAN YAAD AATA HAI

Bachpan ka yaad aana ek aesi bemari jis ka koi ilaaj nhe, jisay yaad aata hai wo sb kam chor kr sirf rone lagta hai, us waqt kafiyat he kuch aesi hoti hai k jis ka ap k pass koi hal nhe hota or aap majboor ho kr rony lagty hain.

Bachpan me agar koi gham lag jaye to wo gham bhi aap ko kabhi chain se rehne nhe deta, kabhi na kabhi phir yaad aata hai or aap ko be-bas kr deta hai. Bachpan ka khel kood, dost yaar, bichray huay apne log, masomiyat bhara andaaz, sb bohat shiddat se jab yaad aye to bajaye is bat kay k rona shuru krden ye sochain k bachpan se pehle bhi ek duniya the yahan se hum aye hain, aaj hamne bachpan ke kese chez ko dekha ya apne purany mohally chaly gaye to hamain apna bachpan yad aana shuru hogaya, hum is duniya me aany se pehle bhi kahen mojood thay wahan ke bhi kuch yaadain hain jo QURAN me ALLAH ne jaga jaga yaad delai hain, waday hain kuch jo hum wahan ALLAH se kar kay is duniya me aye hain, magar hum yaad he nhe krna chahty kyun k hamara aakhrat me dil nhe lagta, hamara to dil he is duniya me laga rehta hai. Ise waja se hamara dum ghutna shuru hojata hai, ghabrahat shuru hojati hai.

Ajeeb haal kr chukay hain hum apna, hamain sochna hoga kay hum kahan jarahy hain or hamara dehan kis taraf hai werna to hum ajeeb-o-gareeb bemariyon ka he shikaar rahengy, koi shugar ka mareez, koi blood pressure ka mareez, koi tension ka to koi depression ka mareez he bana rahy ga.

Wednesday, 17 July 2019

DEHAN KIS TARAF HAI

Ham bhool jaty hain bohat see baton ko kyun k hamara un baton ke taraf zada dehan nhe hota, ye dehan he hai jo hamari soch ko badal deta hai or hamain pata bhi nhe chalta k hm badal chukay hain or hamary khayalaat badal chukay hain. Yehe badalty huay khayalaat nasal dr nasal muntaqil hoty chaly jaty hain. Insaan jb se is duniya me aya hai to aaty he us ne tarikki nhe karli, aaty he usne nai nai cheezen ijaad krna shuru krden, waqt guzarne k sat sat seekta gaya, ye seekhna bhi usay dehan ke badolat he mila k jb insaan ne ALLAH ke banai hui chezon ke taraf dehan dena shuru krdia tb usay un chezon ka istemal bhi samajh ana shuru hogaya, mitti or pathron se ghar banana shuru krdeye, darakht ke lakari se mukhtalif chezen banana shuru karden, or apne leye aasani ka samaan paida krne ka ek na ruknay wala silsila shuru hogaya, or aaj hum is tarakki yafta dour me dakhil hochuky hain k jahan sirf ek button dabane per hum apne bohat se masail hal kr lety hain.

Sochne ke bat sirf itne hai k kia hum sahi simth (direction) ke taraf ja rahay hain, bimar hm aaj bhi hoty hain balky pehlle se bhi zada khatarnak bimariyan sirf hamari waja se paida hui hain, mout ko hum aaj bhi nhe taal sakty, ghum, parishaniyan, sb wohi hain jo pehle bhi hua krti then phir kia badla, kia tarakki ke hamne, hamne sirf o sirf khud se masail paida keye phir un ka hal nikalna shuru krdia, maslaan aaj kal jitne bhi bimariyan hain un sb ko paida krne waly bhi hm insaan he hain plastic ya mukhtalif chemicals ka istemal ho, ya phir aaludgi (pollution) ye sb hamari he phalai hui hain phir jab in se bimariyan lagti hain to hum hospitals ka rukh krty hain or phir wahan se ya to dawa (medicine) lety hain ya phir machines se marammat (treatment) hoti hai, yani bimari bhi hum paida kren phir us kay ilaaj k leye dawa or machinay bhi hum khud banayen or ye tarakki ho rahi hai yani ek taraf masail bhi paida keye jarahy hain or dusri taraf un k hal k leye chezen bhi banai ja rahi hain. Darasal hum apni zaruriyaat me khud izafa krty hain or apna sara dehan ise taraf lagaye rakhty hain.

Hamain sochna hoga kay hum apne sat thek krrahy hain ya galat. Aaj hamara dehan kis taraf hai, hum apni haqeeqat ko bhoolty chaly ja rahay hain or is fani duniya me khooty chaly ja rahy hain, mout ko to nhe taal sakty magar phir bhi bewaqufon ke terha zindagi guzarty chaly jarahay hain.

ALLAH ne is duniya ko kis maqsad k leye banaya or hum kis kam me apna waqt zaya krrahay hain ham ne haqeeqat se apna dehan hata lia hai or parishaniyon me mubtala hogaye hain, paisa hamary leye sb se zada zaruri hai, hamary nazdeek sary masail ka hal paisa hai or ye bat hamary ander emaan ke surat ikhtiyar kargaye hai jabhi to paisa na ho to parishan hojaty hain or pisa hone per pur-sukoon (inna lillahi wa inna ilayhi rajioon) emaan ka to janaza he nikal chuka hai. ALLAH he hamary haal per rehem karay werna hamne to koi kasar nhe chori apne aap ko barbad krne me.

Hum na-shukray bhi ise waja se hain k hm ALLAH ke de hui naimaton ke taraf dehan nhe detay hamara dehan he nhe jata naimaton ke taraf. Is ke sb se bari waja bhi hamari manfi (negative) soch hai jo mukhtalif zarye se mahary ander parwan char rahi hai, news media or khas tor per TV dramy jo sirf mazloomiyat k qissay he sunaty rehty hain or manfi (negative) chezon ko phelaty hain. Darasal ye sb hamara dehan he hasil krna chahty hain or is me kamyab bhi hogaye hain jabhi hamaray mashray me tezi se ek dusray k leye manfi soch paida hochuki hai, zara se koi bat ho to shohar bivi k baray me or bivi shohar k baray me manfi sochna shuru krdeti hai, ise terha maan baap or aulad, dost, rishtedaar, daftar (office) ke log, ye sb ek dusray k baray me zara zara se baton per manfi sochna shuru krdety hain.

Apni soch ko badalna hoga or ye sirf o sirf apna dehan sahi chezon ke taraf krne se he mumkin hoga. ALLAH ke taraf rujoo kren, QURAN parhain, Namaz parhain, musbat (positive) logon me betha kren un se sikhen, yehe wo tarika-e-kaar hain jin ke badolat hum musbat soch ko apne ander paida kr sakty hain, werna dehan agar bad-gumani ke trf he jata raha or hmne ek dusray ko galat samajhna shuru krdia to sirf tension or depression k mareez bannay k siwa hamain kuch nhe mily ga.

MURGI KAY BACHAY

Ek murgi k char chozay thay wo apas me larty rehty or apni ammi ke bat nhe manty thay. Ek din murgi ne unhain mana keya k wo jangal me khelne na jayen kyun k wahan per kuch jangli billiyan aagaye hain jo murgi k bachon ko bohat shok se khati hain. Chozay pehle to apni ammi ke bat ko maan gaye magar phir bad me sochne lagy k agar hm jungle me nhe jayengy to phir khelengy kahan. Aakhir ek din wo jungle me chaly gaye, jungle me khelty kehlty bohat agay nikal gaye, thori der k bad unhone mehsoos keya k un k aas pass jhaariyon me koi mojood hai jo idher se udher horaha hai goya unhain chup kr dekh raha ho, ek choozay ko achanak apni ammi ke bat yad aye or usne sargooshi me baqi chozon ko bhi ammi ke bat yad delai. Ab to sb chozay parishan hone lagy k ab kia krengy ham to phans gaye, aakhir ye faisla keya k sb chozay khamoshi se khelty kehlty jhaariyon se door door apne ghar ke taraf barhengay, abhi wo ye soch he rahy thay k achanak ek bari se billi chelang (jump) mar kr un k samne agaye, chozay sehem gaye or apni ammi ko yad krne lagy, billi ne unhain khoon khowar nazron se dekhna shuru krdia, billi ne chozon per hamla krne ka irada he keya tha k achanak se ek or billi aagaye, us ke bhi chozon per niyat kharab hone lagi, pehle wali billi ne usay mana keya k ye sb us k shikar hain tm samne se hat jao, magar wo na mani, natijatan dono billiyan apas me larne lagyen, chozon ne moqa ganimat jana r wahan se bhag niklay, or ghar aa kr toba ke k ainda apni ammi ke bat ko nazar andaz nhe krengy.

To bachon hamain is kahani se ye pata chala k hamesha apny ammi abbu ke bat ko manna chahye chahy wo aap ko napasand he kyun na ho, unhain zada pata hota hai k aap k leye kia acha hai or kia bura.

Tuesday, 16 July 2019

BILLI SHER KE KHALA HAI

Ek jangle me ek din billi r sher ka amna samna hogaya, sher ne billi ko dekha to kehne laga tm dikhne me to hamari jesy ho per ho ham se bohat choti, tmhain dekh kr dusray janwar hamara mazak uraty hain, billi ne koi jawab na dia r munh pasaar kr chali gaye. Achanak ek din us sher ka samna apne purany dushman yaak se hogaya wo bohat he tagra tha, kai sheron ko usne apna seengh mar kr zakhmi keya tha, dono ka jb samna hua to sher ne socha k agar mai pechay hata to ye r bhi zada bahadur hojaye ga, chunacha sher ne hamla krne ka faisla krlia, dusri trf yaak ne bhi soch lia tha k agar sher ne us per hamla keya to wo is per apna wazan rakh kr beth jaye ga take wo bebas hojaye r kuch na kr saky, or aesa he hua, sher ne jesy he hamla keya r us ke gardan ko dabocha yaak ne apna pura wazan sher per de dia sher yaak ka wazan bardash nhe kr paya r gardan ko chor dia lakin yaak phir bhi na hata, ab to sher ka dam nikalne laga, pass he se billi guzar rahi the usne jab ne majra dekha to sher ke madad krne ko ponch gaye r yaak ke gardan per char gaye r apne panjay us ke gardan me garh deye, yaak ne bohat sir hilaya per wo billi ko apna seengh na mar saka, billi us ke gardan se chipki rahi r us k kaan per katna shuru krdia, ek panja wo yaak ke aankh per bhi mar deti, is ajeeb-o-gareeb hamly se yaak parishan aagaya r uth kr khara hogaya, yaak ka uthna tha k sher ne dobara hamla keya r us ke gardan ko tor dia. Yaak ko marne k bad sher ne billi ka shukriya ada keya r apne raviiye ke mafi mangi. Billi ne usay maaf krdia or wahan se chali gaye.

BADSHAH KA GHADON PER QABZA

Ek badshah bohat he zalim tha wo gareeb kisanon k ghaday cheen leta tha r un se kam leta, wo zalim unhain khane ko bhi nhe deta r had se zada bojh lad deta tha jis ke waja se ghaday do(2) char(4) din me mar jaty.

Ek dafa badshah apne darbariyon k sat sair ko nikla r door kese gaon ka rukh keya wahan poncha to kia dekhta hai k ek dehati apne ghaday ko danday se mar raha hai, badshah ne apne darbariyon se kaha k ja kr is se pucho k ye apne ghaday ko kyun mar raha hai, jb darbariyon ne ja kr waja puchi to us ne kaha k is me is gadhay ke he bhalai hai k ye mere haat se mar khaye darbariyon ne ye bat ja kr badshah ko batai to badshah ne kaha k us se is bhalai ke wazahat mango. Darbari dobara us dehati k pass gaye r us se wazahat mangi, jis per us ne bataya k badshah tandrust ghaday dekh kr unhain le jata hai r phir un se itna kam leta hai k wo mar jaty hain, mere pass ye ek he ghada hai jis se mai kam leta hun agar ye bhi badshah le gaya to mera guzara bohat mushkil hojaye ga. Darbariyon ne ye bat ja kr badshah ko batai to badshah apni harkat per dil he dil me sharminda hone laga or sochne laga k ainda wo aesa nhe kry ga.

BAAP KE JAGA BAITA


Jab Iran kay Badshah ne apni jaan afreen ALLAH kay hawalay ki aur is ka beta takht-e-shahi per betha aur apne baap ko aisi jagah par rakha k jahan na bethnay ki jagah the na teer andazi ke yani qabar. Dosray hi din beta bohat umdah sawari par sawaar ho kar ja raha tha k kise ahl-e-nazar ki nazar mein aa gaya jis ne dekhte hi kaha k khoob zawaal pazeer mulk-o-zamana hai kal he baap mra hai aur aaj beta rakaab mein paon daaley hue hai. Kya zamane ka chakkar hai k boorha apna dour khatm krta hai to jawan apna dour shuru krta hai. Aaj neki kar le k mulk tera hai kyun kay ho sakta hai kal kise dosray kay paas chala jaye.

Zindagi ek musalsal safar hai jis ke aakhri manzil mout hai. Kese ustad ne apne shagirdon se puch k bakray ke maa ne usay jangal me jane se mana keya, magar usne apne maa ke bat na mani or jangal chala gaya or wahan sher ka luqma ban gaya, batao agar wo maa ke bat man leta to kia bach jata? Ek shagird ne jawab dia k agar wo jangal na jata to sher ka luqma bannay se bach jata magar insaano ka luqma ban jata.

AIK MAJZOOB KE SHAH IRAN KO DANTH

Iran ke aik majzoob nay kasra (shah Iran) ko kaha! ae malik Jamshed (Iran ka badshah ho guzra hai) kay waris! to bta k agar yeh mulk Jamshed k paas hi rehta to tujhe ye tekht-o-taaj mil sakta tha? Nahi hargiz hargiz nahi badshah nay jawab diya. To phir sun! agar to qaroon (mashhoor maaldar insaan magar inthai kanjoos jo Hazrat Musa Alay Salam k zamane mein hwa aur Quran-e-Pak ki surah Al-Qasas mein is ka qissa bayan kya gaya hai) ka khazana bhi haasil kar le ga to tera wohi ho ga jo to logon par kharch kar jaye ga.

Samajhne ke bat hai, k aesi badshaht ya ameeri ka kia faida, jis se aakhrat ka nuqsaan hojaye, chahye to ye kay apni badshaht or ameeri ko ALLAH ke makhlook k leye istemal kren werna ek na ek din to sb chin he jana hai, phir kyun na us ke fikar ke jaye jo saat le kr jana hai, yani naik amaal.

MAZBOOT QILAH

Qazal Arsalan (Shah Iran) mazboot qilay ka maalik tha jiski bulandi pahar ki chouti se bhi onche thi, intehai mehfooz maqam par waqay tha. Aik buzurag roshan zameer tajurbah kar door daraaz se safar kar kay badshah kay paas aaya to badshah ne is se poocha k aisa mazboot-o-mehfooz maqam nahi dekha hai? Buzurg ne hans kar jawab diya? Qilah babarkat to hai magar mein isay mazboot nahi maanta is liye k tujh se pehlay is mein kitney rahay aur tairay baad bhi kitney rahen ge lehaza pehlon k daur ko yaad kar k ab wo aik payi k bhi maalik nahi rahay hain, jab koi makhlooq se na umeed ho jaye to Khuda ka fazl hi uski dastgeeri farmata hai aqalmand k nazdeek duniya gandagi ka ek dhair hai jis ka har lamha koi dosra maalik hota hai aur cora phaink kr chala jata hai.

Qilah chahy kitna he mazboot kyun na ho mout ko nhe rok sakta, mout sb qilon ko tor kr ponch jati hai, Insaan ka jism bhi ek qilah hai jis me rooh qaid hai, ham apni to hifazat krty hain per apni rooh ke hifazat nhe krty. Jis terha ham apne jism ke hifazat krty hain is se kahen gunah zada to hamain apni rooh ke hifazat krne chahye, kyun k jism to ek na ek din lazmi khatm hojana hai magar rooh to hamesha baqi rehne hai, agay k sary masail ise rooh ne sehne hain, agar rooh he be-chain rahi to agay hazaar jism bhi miljayen koi khushi nhe hogi.

BARKAT KIA HAI

Jahan ek taraf lakhon kamany wala ek aulad k hoty huay bhi parishan hai wahen chand hazaar kamane wala 2 bachon ka baap pur sukoon zindagi guzar raha hai. Waja sirf o sirf barkat, jo lakhon kama raha hai wo lakhon luta bhi raha hai, us k ghar k aakhrajaat bhi lakhon me ponch jaty hain, kabhi bemari me to kabhi ghar ke koi keemti chez kharab hogai, kabhi kahen kharch to kabhi kahen kharch or sary paisay khatm. Jb k dusri taraf na bemari na koi ghar ke pareshani na koi chez kharab na koi or waja r aakhir me kuch paisay bach jaty hain wo bhi jama krleta hai aagay k leye.

Ye sb rizq me barkat ka kamal hai jisay aaj ka insaan samajhne se qasir hai r samajhna bhe nhe chahta balky sirf paisa kamane ke dour me laga hua hai or dusron se agay nikalne k chakar me gerzaruri chezon me apna paisa baha deta hai, yehe be-barkati ka sabab banta hai.

Ek mashoor kahani hai k kese shaks ne khawab me ek buzurg ko dekha jo usay bata rahy thay k falaan darakht k nechay kuch ashrafiyan hain, us shaks ne pucha kia usme barkat hai to buzurg ne nafi me sir hila dia, phir jb aankh khuli to sara waqiya apne bivi ko sunaya, bivi ne kaha k aap ko wo ashrafiyan jaa kay le lena chahye, magar us shaks ne jawab dia k kia faida jb usme barkat he nhe hai. Ise terha dusri raat bhi khawab dekha wohi jawab mila. Phir teesri raat jb khawab dekha to buzurg ne kaha k us darakht k nechay ek machli hai or us me barkat bhi hai. Wo shaks subha utha r us darakht k pas gaya r khudai ke to wahan se ek machli nikli, wo usay ghar le aya r phir kaata, kia dekhta hai k machli k pait me se ek nayab pathar nikalta hai, wo usay sunaar k pass le jata hai, sunaar us pathar ko dekh kr hairaan hota hai r usay khareednay se mazrat krleta hai kyun k us pathar ke qeemat sunaar ke dukan me mojood sony (Gold) se bhi zada hoti hai, phir wo us pathar ko badshah k pass le kr jata hai, badshah wo pathar dekh kr khush hota hai r puchta hai k us k pass ye nayab or qeemti pathar kahan se aya to wo badshah ko sara waqiya sunata hai, jis per badshah bara khush ho kr usay pathar k badlay sona chandi deta hai.

Ye hai barkat jo is kahani k zariye se samjhai gaye hai.

Saturday, 13 July 2019

DUNIYA FANI HAI

Is duniya se wafa ke umeed na rakhni chahye, dekho ALLAH k Nabi Hazrat Suleman Alay Salam ka takhat hawa me chalta tha, aakhir kahan gaya wo takht, kahan gaye Hazrat Suleman Alay Salam. ALlAh k azeem Nabi hoty huay bhi aaj na to wo hain or ne he un ka takht, aesi beshumar misalen hain jo ALLAH k naik bandon ke hain magar un k leye bhi is duniya ke naimat aarzi hai. Babarkat hai wo shaks jo samajh gaya or apne saat insaaf krne laga. Wo badshah dolatmand hogaya jo ALLAH ke makhlook k aaram ke fikar me lag gaya, kaam wohi aya jo makhlook-e-Khuda per kharch krdia, jo jama keya sb zaya hogaya. Bas samajhne ke bat hai k ham ne is duniya ko sab kuch samajh leya hai, jabhi to sara waqt ise me lagaty hain, aakhrat sirf umeed per chor de hai halankay aakhrat ke tiyari k leye he to duniya me bheja hai, ajeeb bat hai jis ke tiyari karne k leye duniya me aye thay usay umeed per chor dia or jis (duniya) ke taqdeer likhi hui hai k kitna milna hai kitna nhe, kia milna hai kia nhe, ktne zindagi hai, ktna rizq hai, afsoos k hm din raat ise k leye mehnat krty rehty hain. Fana hone wali zindagi ko baqi rehjane wali zindagi per terji dety hain. Sirf or sirf apna he nuqsaan kr rahy hain.

BAAP KE BAITAY KO NASIYAT

Ek shaks apne baitay ko bary dard-e-dil k sat nasiyat kr raha tha k kamzooron per zulm na kr werna kese din koi taqatwar tujh per aapary ga. Kia tu is bat se derta nhe k kese din koi cheeta aakar tujh ko cheer phaar day? Mai bhi apne bachpan me jab mere bazuon me bara zor tha kamzooron per baras jata tha or wo becharay mujh se bohat ranjeeda thay, ek din ek taqatwar ka aesa mukka khaya k is kay bad kabhi kese kamzoor per haat nhe uthaya.

Dusri nasiyat ye hai k jo qaum ka sardar hota hai wo gaflat ke neend na soye, apne maateheton ka gham khana lazim hai, or zamanay k chakar se darna chahye, jis nasiyat k pechay lalach na ho wo karvi dawai ke terha hoti hai.

HAJJAAJ BIN YOUSF

Kaha jata hai k ek dafa kese naik shaks ne Hajjaaj-bin-Yousf ke tazeem na ke. Hajjaaj ne usay aziyat naak tarikay se qatal krne ka hukum jari kardia, kyun k jb zalim k pass daleel nhe rehti to wo phir zulm he krta  hai, wo mard-e-mujahid ye hukm sun kr pehle to hansa phir roo dia. Hajjaaj ne hairaat zada ho kr pehle hasne r phir ronay ka sabab pucha to is naik mard ne jawab dia k mai roya is leye hun k chaar(4) bachon ka baap hun wo bechary kia krengy r hansa is leye hun k Khuda ka shukar hai mazloom ho kr mar raha hun zalim ho kr nahi. Darbariyon ne is ke jaan bakshi ke darkhasten ken k masoom bachon ke bad-duayen na lo, mazloom ke bad-dua se bacho, magar Hajjaaj ne ek na suni r usay qatal krwa dia. Ek buzurg ne us maktool ko khuwab me dekha or haal pucha to is ne jawab dia k Hajjaaj ka zulum to mere uper ek mint k leye tha, magar mere qatal ka gunah sari umar is k sir per rahy ga aur is ke saza se wo bach na saky ga.

WAQT KE QADAR

Kamyabi k leye zindagi per control krna zaruri hai. Zindagi per control hasil krne k leye waqt per control krna zaruri hai. Waqt per na sirf control zaruri hai balky isy bethar andaaz se istemal krna bhi bohat zaruri hai. Kamyab log apne waqt ko bethar andaaz se istemal krty hain. Kamyab logon k pas apne kamon ko krne ka hamesha waqt hota hai. Jb k nakam log hamesha apne waqt ke kami ka rona roty rehty hain, jb k waqt ke kami jesy koi chez mojood nhe. Ek kamyab insaan ko bhi utna he waqt milta hai jitna ek nakaam insaan ko, farq sirf itna hai k ek kamyab insaan apne waqt ko sahi terha istemal krta hai, jb k ke nakaam insaan apne waqt ko na to sahi terha istemal krna janta hai balky ger zaruri kamon me zaya bhi krta rehta hai.

Waqt ke qadar k leye sb se pehle zaruri hai apni neend k aukat ko durust keya jaye, raat raat bhar hotel me beth kr jagne waly log sirf Croron (10 Million) ke haaqty zarur hain per us k leye kosheh nhe krty r na he apna dimagh istemal krty hain, bs shortcut dhundty rehty hain. Jb k mehnat krne waly r apne dimagh ko istemal kr k sahi rasta dhundne waly log na sirf kamyab hoty hain balky apni kamyabi ko tahayat bhi banana janty hain.

Apne ley rasty ko chunain k kon sa kam hai jo aap dil r dimagh dono se kr sakty hain r usay krne me thakan ka ahsas bhi nhe hota, aesy kam ko apne rozgar ka zariya banayen.

Apne kamon ko tez raftaari se kren, kam ko jaldi shuru krden, thory waqt me zada kam krne ke kosheh kren. Apne kamon ke tarteeb (list) banayen or phir un ko hissay (categories) banayen us k bad apne kamon ko terteeb se kren pehle ek hissay k kam ko karain phir dusray hissay k kamon ko karain. Apne waqt ko dolat ke terha istemal karain, yani apni dolat ko kese bekar or be-maqsad chez per zaya na karain. Kaam k doran 5 ya 10 mint ka waqfa bhi karain. Sirf wohi kaam karain jis ka keeya jana zaruri hai. Fursat k waqt aesy kaam na karain k jis ko karne ka koi faida na ho.

Apne waqt ko qeemti samjhain or isay zaya hone se bachayen.

ACHAY LOG OR BURAY LOG

Achay log to dhundne se bhi nhe milty, magar kia dhundna zaruri hai, ham khud kyun nhe kese k leye acha ban jaty, bura banna to sb ko aata hai, achay bhi to ban kr dekho kabhi. Kia ALLAH ke pargah me bury ban kr jao gy, kesa lagy ga jb ALLAH ke bargah me log tmhara taruf duniya me ek buray insaan k tor per karayengy.

Acha insaan banna bhala kon sa mushkil kam hai bas ALLAH per tawakkal rakho r us ke makhlook k sat narmi ka mamla rakho, ye formula har jaga apply kro, ghar me, apne dafter (Office) me, apne doston me, rishtedaron me, parosiyon k sat, gairon k sat, hatta k dushmanon k sat bhi.

Achy log hamesha dusron ka khayal krty hain, dusron ke fikar krty hain, sab ka bhala sochty hain, ek khubsoorat mashra bhi in jesy logon ke badolat he mumkin hai. In me qurbani ka jasba mojood hota hai r ye aksar apni sari zindagi kese k leye bhi qurban kr dety hain or silay ke umeed sirf ALLAH se he lagaty hain, kese insaan se nhe. Achay logon ke pechan ye bhi hai k wo aap k sat mukhlis hoty hain to aap ko rokty hain or samjhaty hain aap ko sahi galat me farq bataty hain. Jo shaks aap ke haan me haan milaye wo kabhi bhi ap k sat mukhlis nhe hosakta. Jo aap k har amal me sat de chahy wo sahi ho ya galat wo aap k sat mukhlis nhe, mukhlis wohi hai jo sahi me sat de r galat se rokay. Achay log kabhi bhi aap ke parishani me aap ko akela nhe chorty.

Jb k khudgarz log sirf apne bary me sochty hain, un k nazdeek apni bat ke zada ahmeyat hoti hai, aesi soch waly log r sirf apni fikar krne waly log he mashray k asaal fasaadi hain. Dramo r filmon me to ye chez aam hai k jis me sirf apne bary me sochne ka paigham (message) nojawan logon me khubsoorat andaz se phelaya jaraha hai, ya koi waqiye ko daleel bana kr paish keya jaraha hota hai, aksar jasbati taqreeren bhi ke jati hain, rona dhona dekhaya jata hai or logon k dil-o-dimagh ke tabdeli (washing) krdi jati hai r pata bhi nhe chalta. entertainment k nam per sirf dil-o-dimagh ko tabdeel keya jaraha hai. Algaraz insaan ko khudgarz banany k har harbay ko apnaya jata hai, in filmon r dramo me ya to payar mohabbat k kissay kahaniyan hoti hain ya phir maar dhaar, r yehe dono chezen hamaray mashray me tezi se phel rahi hain.

PATA NHE KYUN

Pata nhe kyun bachpan burhaba ek jesa nhe hojata
pata nhe kyun mai phir pehle jesa nhe hojata

Kamzoor iraday, jism sust, be-maqsad zindagi, adhoori khwahishen. Kia ye hai asal zindagi? Pata nhe hamain kia hogaya hai, hm kia kha rahay hain jo is qadar be-his hochuky hain, bilkul he la-parwah kese bat ke fikar nhe k hm kis terf ja rahy hain, jb pata hai k aakhir me marna he hai to phir mout se ghafil kyun? Duniyavi maal-o-dolat ka to aesa shok hai k shadi tb he hoti hai jb sary jahez ka intezam hojata hai.

Pata nhe kyun Deen ke samajh kuch nhe hai hamain r jahil logon se Deen sikhtay hain, khud nhe parhtay per filmo or dramo me jo nazriya bhi paish keya jaye usay sahi samajh lety hai k yehe Deen me hoga koi tazdeek nhe krta.

Pata nhe kyun namazen qaza krty hain halankay janty hain k is ka azaab ktna bara hai phir bhi la-parwah hain. Samajh se bahir hai aakhir itne la-parwahi kyun. Namaz ko chor kr hamne baqi chezon ko zindagi k leye zada ahem samajh leya hai. ye to tb pata chaly ga jb is zindagi ka chapter close hojaye ga.

Pata nhe kyun hm ek kaam chor quam hoty ja rahy hain, sirf shortcut k chakar me rehty hain, mehnat se dil bhaagta hai, apna kam dusron per dalne k fun me mahir hain. Apni khwahishen had se zada barha le hain or jaib me photi kori nhe, kia zindagi ise ko kehty hain, bas zada se zada paisy kamao. Paisay ko kharch krne ka koi saliqa nhe ham me. Khas tor per is qaum ke aurton me.

Pata nhe kyun hm khane peenay ke chezon me itne la-parwah hain, koi bhi apne mulk se bahir ka product dekha r usay istemal krna shuru krdia bina jane k halal hai bhi ya nhe, ye bhi achi terha jantay hain ham k dushman hamary bohat hain or un ky leye sb se bara hathiyar yehe hai k wo hamain haram khilayen, phir bhi ham la-parwa, koi fikar nhe halal r haram ke, koi tehkeek-ke-kaam (research work) nhe hamara is hawaly se.

Pata nhe kyun firqa parasti hm per galib hai, Islam to ek he aya tha r ek he rahy ga, ye hamara tmhara, apne paraye, ek dusray per fatwa bazi, ye sb kia hai kon hain ye log jo hamain firqon me bant gaye hain. Mera Aquida to QURAN-O-HADEES hona chahye, jo usme hai wohe mera aquida hai or jin baton ko mai nhe janta ya jin baton per ikhtalaf hai un baton per mai kese behas krsakta hun mera to bas yehe jawab hona chahye k ALLAH r ALLAH k RASOOLﷺ he bethar janty hain, na k kese r ke daleel per mai ghagra krun, lazmi bat hai koi r daleel dega to ikhtalaaf to hoga. ALLAH r ALLAH k RASOOL k ilawa to koi hujjat nhe.

Hamain sochna hoga k hamari direction kia hai, hamara maqsad kia hai, hm kia krrahy hain r hamain kia krna chahye. Khali sochne se bhi kam nhe bany ga us k bad krna bhi hoga, apni apni kosheh har koi karay.

Friday, 12 July 2019

NAKI OR BADI KA ANJAAM

Ek pehelwaan kese kuyen me gir gaya, r faryad krne laga lakin kese ne bhi is ko kuyen se nhe nikala, ek shaks wahan se guzra r ek pathar is k sir per mara r kaha k kabhi tu ne bhi kese ke madad ke hai jo aaj logon ko madad k leye pukar raha hai, jo tu ne beejh boya hai is ka phal tujhe mil gaya hai, aaj tere zakham per koi marham nhe rakhay ga, kyun k beshumar log tere lagaye huay zakhmon ke waja se ro rahay hain, tu hamari rah me kuyen khodta tha aaj khud he kuyen me gir gaya hai. koi shaks kuyen logon ke piyaas bujhane k leye khudwata hai to koi logon ko is me girane k leye, badi krne wala naki ke umeed na rakhay, dusron ko nuqsaan ponchane waly kabhi faiday me nhe rehty.

Dusron ko takleef dene se pehle hamesha soch lena chahye k kabhi khud ko bhi takleef ponch sakti hai, insaan yehe sochta rehta hai k wo achay haal me hai to usay kuch nhe ho sakta wo ise terha acha rahy ga, yehe us ke khush fehmi hai jo usay le dubti hai.

APNI JAAN KA DUSHMAN

Ek shaks darakht ke us tehni ko kat raha tha jis per wo betha tha, darakht k malik ne us ko dekha r kaha k tu apna nuqsaan khud kr rahah hai. Agar ALLAH ne tujhe qowat-e-bazu aata ke hai to is k sat kamzoor ko na gira werna wo kal ALLAH ke bargah me tujh se badla le ga, us din wo taqatwar hoga r tu kamzoor. Agar tu kal qayamat k din sukoon se rehna chahta hai to phir kamzoor ka khayal rakh. Agar tu kamzoor ko soo(100) bar bhi giraye ga to is ka tujhe ek dafa girana he tere leye sharmindegi ka bais hoga, sahibaan-e-dil k nazdeek giray huay k haton ek dafa girna he bohat bura hai.

Ye na samjho k hukumat se bara koi martaba nhe, balky dervashi jesi hukumat kese k pas nhe, jis ka bojh km ho wo tez chalta hai. Faqeer ko sirf apni roti ke fikar hai, r badshah ko sary jahan ke.

EK BADSHAH KE APNE BAITON KO NASIYAT

Ek badshah ney marnay se pehlay apne dono parhay likhay baiton ko bulaa kar kaha ke mein ney apna mulk do hisson mein taqseem kar ke aik aik hissa tmhain day diya hai taa ke mere baad tum aapas mein jung na shuru kar do. Badshah ke marnay ke baad aik beta jo lalchi bhi tha is ko khazana bharne ki fikar la-haq hogayi chunancha is ney reaya se zalimana tax wusool kar ke khazana barhana shuru kar diya. Is k zulm se tang aa kar logon ne mulk chorna shuru krdia, tajiron ney dukanen aur kisanon ney zameen chore di aamdani jab khatam hogaye to khazana khaali hogaya. Mulazmeen ki tnkhwahin bhi nah day saka. Mulk ka intizam beggar gaya, fouj ney baghaawat kar di, dosray ilaqay k badshahon ney yeh soorat-e-haal dekhi to hamla kar k is k mulk par qabza karliya aur is ko qaid
karliya. Jabkay dosra baita sakhi aur reham dil tha is ney tax kam kar diye aur khazana zaruratmandon mein baant diya. Is k husn-e-sulooq aur rehem dili ki wajah se kisanon aur zamindaron k hauslay barhay, taajiron ney dil khol kar paisa lagaya banjar zamenay abad hogayi, khait lelehane lagey, tajir khush huay, khazana bhar gaya lashkar aasooda ho kar is par jaan chiraknay lagy. Chhote chhote ilaaqon k raees is ki hukoomat mein shaamil ho kar is kay dast-o-baazu ban gaye.

ZULM KA ANJAAM

Hindustan k kai badshahon ne apni reaya par zulm ka bazaar garam kya magar na un ka zulm raha aur na he badshahi. Zalim kaisi ghalti karta hai k zulm khatam ho jata hai. Roz-e-mashar adil badshah arsh ke saaye mein hoga. Jab ALLAH ki qoum par rehmat karna chahta hai to is ko adil badshah day deta hai aur jab kisi qoum ki barbadi chahta hai to is ko zalim k qabzay mein day deta hai. Naik log is zalim se bachao ka samaan karte hain kyun kay woh azaab-e-ILAHI hota hai. Lehaza ALLAH ki Nemat ko ghanemat jaan aur shukar ada kar kay is se naimat me izaafa hota hai. Naimat ka shukar krne se lazawal hukumat melay ge aur badshahi me zulm krne se teri hukumat ko zawal aye ga. Badshah per neend haram hai jabkay kamzoor zulm seh raha ho. Agar charwahay k hathon hi bakriyan zulm dekhen to un ki hifazat kon kere ga? marnay ke baad agar laanat se bachna chahta hai to zindagi mein neki ko apna shaar bana.

Thursday, 11 July 2019

MADAD KR DIA KRO

Aap ne aksar dekha hoga askar bechary gareeb log bahir jb nazar aaty hain, kuch na kuch bech rahy hoty hain, wo ye umeed lagaaye phir rahy hoty hain k koi shaks un ke chez kharid le ga wo har shaks k pas ja rahy hoty hain or apni chez jo bech rahy hoty hain samne kr dety hain. Us waqt un ke aap se jo umeed hoti hai wo us umeed se kai gunah zada hoti hai jo aap Namaz k bad dua me ALLAH se lagaty hain.

Asey logon ke dil joye krdia kren agar ap ko wo chez na bhi leni ho tb bhi agar aap ahal hon to un ke madad krdia kren. Apne samne se unhain mayoos na bhejein. Haqeeqat me aap k sadqa, khairat k ye log haqdaar hain jo kese majboori ke waja se is haal per ponch jaty hain or phir apne ghar se door kese ilaqay me jahan in ka koi jannay wala na ho wahan ja kr ye chota mota karobar krty hain jis ke unhain koi khas aamdani nhe hoti. Per is se un k ghar ka choolha zaroor jal jata hai r ghar me mojood masoom bachon ko kuch khane ko mil jata hai.

Meri bat ko zara samjheye ga zarur.