Saturday, 23 November 2019

MOUT KAY BAD ZINDAGI

Science ne bhi is bat ko man liye hai k mout k bad bhi zindagi hai, jb insaan mar jaata hai to us k bohat say Genes kaam karna shuru kar detay hain. Science ki ye tehkeek Professor Peter Noble ki zer-e-nigrani University of Washington me ki gai jis may hissa lenay waly mahereen ne is bat ko wazaeh keya k insaan k ander aesy beshumaar genes hain jo insaan k marnay k bad jaag jaatay hain.

Science ki ye tehkeek is bat ko sabhi karti hai k mout k bad bhi aik zindagi hai jo yaqeenan Quran se sabit bhi hai. Is bat k bad science ko man'nay walo per ye wazy hojana chahye k is duniya ki zindagi he sb kuch nhe is k bad bhi kuch hai aur unhain us per gor karna chahye.

Tuesday, 19 November 2019

ASAL TARGET KON

Is fitnay kay dour may Islam kay dushmanon ka target un waliden kay bachay hain jo apnay bachon k Deen Emaan ki fikar nhe kartay, unhain sirf apnay bachon ki duniya'vi taleem ki fikar hai. Hamaray mashray ka ye tabqa apnay bachon ki taraf se is la-parwahi ki wajah se unhain tezi se gumraahi me daal raha hai. Fitna school, colleges, universities hatta k un k mobile phones k zariye se un tk pohunch raha hai khas tor per ilhaad ka fitna jo din raat Islam ko badnaam karnay me laga hua hai, Islam ki baaton ko tor maror kar bayan kar k mukhtalif social media sites k zariye se logon ko gumrah kar raha hai.

Apnay bachon ki islah kejiye is say pehlay k wo gumrah hojayen, agar khud nhe kar saktay to km se km rehnumai he kardain, un k dil me uthnay walay sawalaat k ultay sedhay jawabat denay k bajaye kesi Aalim se rehnumai hasil karain.

ALLAH hum sb kay Emaan ki hifazat farmaye Aameen.

Sunday, 17 November 2019

KARTARPUR CORRIDOR (KIA FAIDA KIA NUQSAAN)

Kafiron ko khush kar k aur Musalmanon ko de kar takleef kabhi ALLAH ap se raazi nhe honay wala.

Aap ne hisaab apni awam ka dena hai dusray mulkon ki awam ka nhe.

Musalmanon k liye to aap se kuch ho nhe raha aur kafiron ko khush kar k aap samajhtay hain k wo aap ka sat dengay.

Aap itnay kamzoor ho chukay hain aur aap ki nazar me Islam itna kamzoor hai k ap usay apnay difa k liye sikhon ki zarurat paray gi?

Aakhir kab apni jahaalat say baahir niklengay gy aap, is mulk say soodi nizaam khatam karnay ki zarurat hai, ALLAH per yaqeen karain naa k apni calculations per.

Gareebon ka haq mar kar aur unhain insaaf na de kar aap un ki bad-dua k sat is mulk ko nhe chala saktay.

Musalmanon ko kafir apni talwaaron se kaat rahy hain aur yahan hum unhi k KFC, aur Mcdonalds jesy resturant me pizza aur burger khanay me masroof hain Food panda k mazay uraaye jarahay hain.

Musalmanon per zulm horaha hai aur wo hamain apni madad k liye pukaar rahay hain aur yahan hum online shopping me masroof hain.

Mazloom Musalman hamara intezaar kar rahay hain k hum kab un ki madad ko pohunchain aur hum christmas k online discounts ka intezaar kar rahay hain.

Mukhtasar ye k mazloom Musalman hamara intezaar kar rahay hain aur hum gaflat me paray huay hain aur hamaray hukumaran kafiron ko mananay me lagay huay hain.

Thursday, 7 November 2019

ISLAM VS LIBERALISM SOCH

Aaj kay dour may ubharnay wali do mukhtalif soch do mukhtalif nazariyaat, aik taraf belivers to dusri taraf non-belivers. Aik taraf Islamic soch to dusri taraf liberalism ka fitna.

Islam jo apnay faraiz ko pura karnay ka hukum deta hai, k tm apnay haq say zada apnay farz per tawajja do. Apna farz lazmi pura karo us may zarra baraber bhi kotahi mat karo, hatta k farz may kotahi per azaab say bhi daraya hai, us kay baad phir apnay haq ki baat karay ka hukum hai, yani pehlay dusron kay haqooq ada karo phir apnay haq ki baat karo.

Dusri taraf liberalism jis nay matlab parasti ko azaadi ka naam de rakha hai, yani sirf apnay baaray may socho. Liberalism ka sara zor insaan ko khudgerz bananay per hai, insaan ko sirf apnay haq k liye kuch is terha larna sikhata hai k "shor machao", "bol", "jo dil chahay karo", "meri marzi", "freedom of speech", "jesy chaho jeeo", "meri azaadi", "mai azaad hun", "mai baligh hun", "mai sab logon ko khush rakh kar apnay aap ko na khush nhe karsakta", "meri soch per kesi ka haq nhe", aur is terha k beshumar jumlay jo aap roz suntay rehtay hain mukhtalif advertisement, films aur dramon k zariye say. Aur ander he ander kafi had tk khudgerz bhi ban chukay hain.

Dono ka farq hm sada se misaal say samjha detay hain k miyan bivi agar shadi kay bad sirf apnay haq k liye apas may lartay rahen to yaqeenan wo zada arsay apna rishta nhe nibha saktay, yehi kuch aaj kal ho bhi raha hai jabhi bohat tezi say talaq ki shara may izafa bhi nazar aaraha hai. Agar miyan bivi apnay haq say zada apnay farz ko ahemiyat den, donon ki kosheh yehi ho kay un say apnay faraiz may koi kotaahi naa ho to yaqeenan aesa ghar duniya may kesi jannat say km nhe hoga. Ab chahay shadi mohabbat ki ho ya arrange marriage is say koi farq nhe parta.

Apnay mulk ka haal dekhain to aaye din koi naa koi apnay haq k liye sarkon per nikal parta hai raastay block kar deta hai, haqooq k naam per mulk ki maisheyat ko tabah kar deya hai, mulk din ba din kaarzon me dooba chala ja raha hai, waja sirf ye jahilaana soch kay "Apna haq agar mangnay say naa milay to cheen lo". Haq to kesi ko bhi nhe milta per mulk ki maisheyat ka diwaalia zaroor nikal jaata hai. Per Islam ye kehta hai k thora sabar kar lo aur agar sabar karnay k bawajood bhi duniya may tmhain tmhara haq nhe mila to aakharat may ALLAH say le lena, aur ALLAH to itna atta farmaye ga k insaan keh uthay ga k "bas bas ab may razi ho gaya". Per yahan afsoos is baat ka hai k hamari aesi soch he nhe, ye soch to hamari tb hoti jb hum Deen parast aur aakharat parast hotay, hamain to sb kuch ise duniya may chahye.

Mai ye nhe kehta kay haq k liye naa larain per pehlay apnay aap ko to thek kar len, kharabiyan to saari khud may hain phir jaan kis say churana chahtay hain.

Apni soch ko Islam k mutabiq banayen, sada zindagi, faraiz, aur khuda tarsi ko ahemiyat den, yaqeen janiye aap ki zindagi may aik zabardast theraao aaye ga, aur aap pur sakoon zindagi bohat araam say guzar dengay.

ALLAH is quam ko hidayat dey Aameen.

Tuesday, 5 November 2019

HASAAS MALOOMAT KI HIFAAZAT KARAIN

Aik aurat ka purse chori ho gaya، uskay purse may ATM mobile phone sub kuch tha. Is aurat nay ghanta bhar dhundnay kay baad apni dost kay mobile se apnay shohar ko cal ki aur bataya k iska purse chori ho chuka hai"

Shohar nay ghabra kar jawab diya k abhi adha ghanta pehlay tmhara message aya tha kay tm apna ATM card ka pin number bhool gaye ho, aur may nay jawab may pin number message kar diya tha". Bivi rootay huay boli k wo may nhe chor tha. 

Jaldi se woh dono bank pohunchay aur ATM card chori ki report karai. 

Bank nay jawab diya k abhi kuch he der pehlay ATM card say kesi nay sunaar ki dukaan say  bohat bhaari miqdaar may sona khareda hai.

Police ki madad se woh miyan biwi sunaar ki dukaan par pohunchay to CCTV camera se maloom hua do larkon nay unkay card se kaafi sara sona khareeda aur chalay gaye. 

Doston...!

Is waqiye se hamein ye sabaq milta hai k agar aapko apnay ghar ka koi fard ya qareebi dost message kar kay kisi hassas maloomat kay baray may sawal karay to usko message se maloomat faraham karnay ki bajaye cal karen. 

Aur isi terha agar achanak kisi dost ka "falan jagah fori pohunch" nay ka message aye ya raqam le kar pohunch nay ka message aaye to usko bhi laazmi cal kar kay confirm karen k message bhejnay wala aapka dost he hai ya koi aur.

Khas tor per ghareloo khawateen k bhai, baap ya shohar ka accident ho gaya hai aur woh falan hospital ya clinic may jaldi se pohnchain."

Meray is topic ko ghor say samjhain aur agay bhi pehlaayen.

Saturday, 2 November 2019

KAFIR KI TABLEEGH

Kufur ka nizaam din ba din media kay zariye say phelta jaraha hai, aur hum is ko khushi khushi qabool bhi kar rahay hain apnay gharon may apnay bachon ko saat betha kar unhain bhi kafir bana rahay hain.

Brain Washing:

Insaan bunyaadi tor per Deen-e-Fitrat yani Islam kay mizaaj kay mutabiq paida hota hai, magar halaat, logon ka rawaiya, aur tarbiyat usay badalnay per majboor kar deti hai. Yahi wajah hai kay fitrat say hat kar jo bhi hota hai us may sewaaye nuqsaan kay aur kuch nhe hota.

Magar aaj kal to television media aur social media kay zariye say jis terha ger-muslim apni soch ki tabligh kar rahay hain, hamari is mamlay may gaflaat hamari aulaad ki tabahi ka sabab ban rahi hai. Aik Musalman ko apna he Deen bojh lagnay laga hai.

Haseen ban'nay aur dikhnay ki khowaish nay insaan ko nanga karna shuru kar dia hai, ye brain washing nhe to aur kia hai, tang libaas khubsoorat lag raha hota hai jab kay mukammal libaas ko kesi gareeb ka libaas bana kar dekhaya jaata hai.

Khuwaish-e-Nafs:

Har baat may apni marzi chalana aur apni marzi ki zindagi guzarna kafir ki tabligh ka asal agenda hai. Ye soch insaan ko aakhir is satah per le aati hai jahan usay sab kuch mil to jaata hai per wo bechain rehta hai aur aakhir kaar khud kushi kar leta hai. Europe aur America may aesi misaalain bhari pari hain.

Kafir insaan ko ALLAH ki ghulami say zaad kara kar apnay nafs ki ghulami ka sabaq deta rehta hai aur insaan ko khudgerz ban'nay ki talqeen karta hua nazar aata hai.

Jab kay Momin insaan ko nafs ki ghulaami say azaad kara kar asal zindagi yani ALLAH ki ghulami ka sabaq deta rehta hai.

Bojhal Tabiyat:

Hamain duniya parast bana kar Deen ko tabiyat k liye bojh bana dia gaya hai, Deen may dil nhe lagta aur har waqt entertainment he entertainment ki baat ki jaati hai, aur entertainment may bhi kia sirf naach gana aur filmain dramay, is kay ilawah aur kuch nhe.

Aur is jahaalat ko asal zindagi kaha jaata hai k jhoomo gaao aish karo, yehi asal zindagi hai. Kia ye jahalaat nhe?

Fazool logon ki kitaabon ko to parhain gy aur parhnay may maza bhi aaye ga per Deen ka aik sabaq bhi parhna bhi bojh lagnay lagta hai, kia ye Musalman ki pechan hai? Kia aesy shaks ko Musalman kahengay? Kia aesa shaks sahi Islam per ho sakta hai?

Aakhir may mai to bas itna he kehna chahunga kay kafir apna kaam kar gaye, aap maanay ya naa maanay aap ki Deen say doori Quran say doori, Namaz say doori, filmon dramon may dil lagna, paisa kamanay may din raat masroof rehna, yehi asal saboot hai kay kafir ki tabligh apna asar kar gayi hai.