Sunday, 29 December 2019

QAYAMAT ME AURAT KA HISAAB

Aik choti se misaal se bat samjhata hun k jo khawateen kesi company me job karti hain wo achi terha janti hongi k saal (year) k aakhir me un ki Apraisal banti hai jis me saal bhar k deye gaye Goals ka review keya jaata hai aur boss aap se us k baaray mesawal karta hai, k aap ne apnay goals complete keye hain ya nhe, agar complete hon bhi to us k bawajood us me keeray nikaaly jaaty hain aur aap apna defend karty huay sabit karti hain k aap ne apnay goals achi terha complete keye hain us waqt aap se dusron k goals ka nhe pucha jaata aur naa he aap dusron k goals ki jawab da hoti hain.

Qayamat waly din bhi aap se sirf wohi pucha jaaye ga jis ka hukum ALLAH ne aap ko Quran aur Hadees k zariye se deya hai, ye mardon k shana ba shana chal kar aur un k jesa ban kar aur apni zimadariyon ko chor kar aap sirf apna nuqsaan kar rahi hain. Dajjali fitnon se mutassir naa hon ye TV media k zariye se aap ko jo patti parhai jaati hai ye sb shaatani fitne kaa asar hai jo aap ko smajh nhe aaye ga jb tak aap Quran aur Hadees na parhain ge tb tk fitnon ka shikaar aasani se hoti rahengi.

Qayamat walay din mard ho ya aurat sbse un k faraiz k baaray me pucha jaaye ga, jo zimadariyan mardon ko de gaye hain wo us k jawab da hain aur jo aurton ko de gaye hain wo us ki jawabda hain. Har shaks ka apna alag hisaab hoga, koi kesi dusray ka hisaab nhe dega. Parday ka kaha jaaye to aap ki cheekh nikal jaati hai, darasal ye bhi dajjli fitnay ka aap per asar hai k aap ulta jawab deti hai, kia Qayamat walay din ye ulta jawab aap ALLAH ko de sakti hain jb k us ne Quran me Surah Noor me aap ko pardah ka hukum pehlay se he de deya hai, is k ilawah bhi ahekamat mojood hain jo phir kesi aur mozu me discuss karunga, albata ye zarur batata chalun k kuch log pardah ka hukum nazil honay se pehlay k waqiyaat suna suna kar quam ki aurton ko gumrah karnay ki kosheh kartay hain. Pardah ka hukum jb aya to sb se bina chun cha keye pardah keya hai.

Boss agar aap ko aur aap k saathi colleague ko koi kaam de aur us ki deadline aik month dy, agar aap apna kaam chor kar apnay colleague ka kam kar den aur jb aik month k bad aap ka boss aap se puchay k aap ko jo kaam deya gaya tha wo aap ne keya to kia aap jawab me ye kahengay k maine apnay colleague ka kam kar deya tha, boss ne palat kar aap ko aap ki is harkat per zero marks denay hain (imtehaan me kesi dusray ki copy bharnay se aap ko marks nhe miltay aap ka apna kaam reh jata hai jis ka aehsaas aap ko waqt khatam honay per hota hai).

Aap ki bila waja carrier banany wali soch aur apni zimadariyon se bhagnay wali soch aur mardon se muqabla karnay wali soch aik taraf to mardon ko berozgar kar rahi hai dusri taraf aakhrat me bhi aap k in kaamon ki koi value nhe k jis ki bina per aap khud ko ALLAH k samnay defend kar sakain.

Aakhir me mai ye wazy kardun k mera maqsad is article k zariye se aurton ko nokari karnay se rokna nhe balkay un khawateen ko samjhana maqsad hai k jin ko zarurat nhe bs apnay fazul k faishon k liye wo nokari karti hain ya carrier bananay k liye jis carrier ne duniya me he reh jana hai. Aap k carrier k chakar me zarurat mand log berozgar phir rahay hain. Apni taleem apnay bachon ki tarbiyat k liye bacha kar akhain kyun k aakhrat me un k baray me aap se zarur sawal hoga, ye aap k faraiz me shamil hai, agar aaj aik mard kesi aurat ki izzat nhe karta ya zulum karta hai ya galat nigah se dekha hai to kahin na kahen maa ki tarbiyat ki kami zarur hai ya us mard ki maa bhi apna carrier bananay k chakar me us ki terbiyat karna bhool gaye the.

Thursday, 5 December 2019

PAKISTANI LARKIYAN AUR LIBERAL SOCH

"Dear Pakistani Girls, do positive get positive"
Larkiyon k sat jb koi larka bura salook karay ya unhain rape karnay ki kosheh karay ya un ki videos bana lay, to sb larkiyan larkon ko he qasoor war tehraati hain, inhain jb Islam me parday ki koi baat batai jaaye to kehti hain k sara Islam sirf aurton k liye hai kia mardon k liye nhe, matlab k khud to Islam per chal kar apni hifazat nhe karten aur phir larkon se tawakka karti hain k wo in ki izzat ki parwah karain, aakhir kitnay larkay izzat kar lengay, 2 4 20 50 sb to nhe karaingay naa.

Sheron kay pingray me agar jaa kar beth jao gy to kia koi sher hamla nhe karay ga? Jo bhooka hoga wo hamla karay ga, aap ko apnay qareeb lanay ki kosheh karay ga aur jesy he aap us ki range me hongi wo aap per hamla karay ga, awara larkay bhi aesa he kartay hain, larkiyon ko mohabbat k jaal me phansa kar un ka faida uthaatay hain.

Qawaneen bananay ka kia faida, ulta shareef larkay he aesy qawaneen ki wajah se larkiyon se door bhagtay hain aur larkiyon ka wasta sirf awara larkon se he parta hai.

Jis larki ko khud apni izzat ki parwah nhe to koi dusra bhala kesay izzat karay ga? 

Aik taraf to larkiyon ka bas nhe chalta k larkon k samnay nangi ho kar aajayen, faishon aur behooda kapray pehen kar wo khud larkon se milti hain aur phir larkon se tawakka rakhti hain k wo un ki izzat karain, unhain achi nigah se dekhain. Aap ne khud to achi nigah rakhnay k liye apnay jism ka koi hissa nhe chora aur larkon se tawakka rakhti hain k wo apnay nafs per qaboo rakhain, koi namard he aesa kar sakta hai, aik mard nhe.

Aap se apnay zahri libaas per control nhe hota, apnay huliya ko durust nhe rakh sakten, phir aap ne aik larkay se ye kesay tawakka kar li k wo apnay baatin aur nafs per control kar le ga, aesa nhe hota han ye alag baat hai k larka dil chspi naa le aur us k pas apni zarurat pura karne ka dusra zariya mojood ho, is k ilawa koi wajah nhe ho sakte k jis ki bina per aap larkon se bach sakain.

Islam koi mazaq nhe ALLAH ne agar koi hukum aap k liye utara hai to us me aap he ka faida hai, agar aap is faiday ko hasil nhe karna chahten to phir nuqsaan ko bhi bardash karain zada shor naa machayen, kyun k ALLAH ap se bethar jaanta hai k aap k liye kia bethar hai aur kia nhe.

Wednesday, 4 December 2019

AZAADI YA HAWAS PARASTI

Aazad khayal log khud-garzi aur khud-pasandi ko aazadi ka nam detay hain, jb k haqeeqat ye hai k insaan aesa ban kar sirf apnay baray me he sochta hai, aur dusray ki baat sun'nay ka hosla us me nhe hota, yehi wajah hai k gustakhi karnay walay log aap ko aye din nazar ayen gy, kyun k wo kesi ki baat ko sun'na he nhe chahtay wo sirf apnay dil ki bharas nikalna chahtay hain apnay dil ki baat karna chahtay hain aur sirf apnay jasbaat ko samajhtay hain, chahay is se kesi ka bhi dil dukhay, wo ise ko aazadi kehtay hain.

Mai baat kar raha hun QURAN aur NABI Alay Salam k gustakhon ki. Jo toheen kartay hain, aakhir wo aesa kyun kartay hain, yaqeenan jahil hain aur apni jahaalat ka izhaar kartay hain. Aesy jahiloon ko support kaarnay k liye liberal mafia bhari pari hai, yahan in ki insaniyat ghass charnay chali jaati hai.

Asal me ye Islam se bugz rakhtay hain inhain Islam ki har baat se takleef hai, ye din raat sirf Islam k khilaaf he baat karaingay. "Insaniyat mazhab se barh kar" is fiqray kay zariye se sirf Islam k khilaaf he baat kartay huay nazar ayen gy.

Ye Islam ki lagai gaye hudood se khof zada hain, hawas parasti ka shikaar hain ya yun keh lo k hawas ki bemaari ka shikaar hain aur chahtay hain k wo apni marzi se zindagi guzarain unhain koi roknay wala na ho chahay kuch bhi karain, ye ise ko aazadi kehtay hain, jahan limitations ki baat aajaye to inhain bura lagta hai kyun k ye hawas ka shikaar hain insaniyat se in ka koi lena dena nhe.

Ya to Haq hai ya Batil, ab ye hum per depend karta hai k hawas k shikaar ho kar batil per chalain ya Haq ko qabool kar k Islam per chalain aur Islam k har hukum ko dil se maane.

ASAL TERRORIST KON

Asal deshat-gard to wo log hain jo dusron k jasbaat ubhartay hain unhain gussay me laatay hain aur phir kehtay hain k hum to insaniyat k thekay dar hain, hum per gussa kyun keya jaaraha hai.

Asal terrorist to ye log hain jin ko moqa chahye Musalmanon ki dil azaari karnay ka, ye jaan bujh kar aelaan kar k gustakhi kartay hain taakay Musalman planning kar sakain aur inhain roknay k liye inhain nuqsaan pohuncha sakain aur phir ise baat ka faida utha kar ye log Musalmanon ko deshat-gard karaar den.

Aesay logon ko hamain terrorist kehna chahye kyun k yehi asal terrorist hain.

MERI MARZI

Meri zindagi meri marzi k fiqray badqismati se hum Musalmanon ki zubanon per bhi pohunch gaye hain. Haqeeqat to ye hai k Kalma parhnay k bad meri zindagi aur ALLAH ki marzi kehna chahye tha. ALLAH ne QURAN me wazah kar deya hai k Emaan k badlay jaan maal aur izzat per ALLAH ka haq hai, magar yahan jahil log duinya me aanay ka maqsad he bhool gaye hain, inhain pata he nhe k ye zindagi ALLAH ki marzi se guzarni hai naa k apni marzi se, Kalma parha he ise liye hai, werna kafir aur Musalman me farq he kia reh gaya jb aap ne bhi ALLAH ki baat nhe man'ni. Maazi me bhi kafir Kalma ise wajah se nhe parhtay thay kyun k wo Islam per chalna nhe chahtay thay, Islam k aehkamat unhain bojh lagtay thay, magar aaj bad-qismati se hum ne ye soch liya hai k hum Islam per naa chal kar ALLAH ko razi kar lengay, aesa bilkul bhi nhe hai.

Islam ko parhain, Islam k aehkamaat per amal krain un ka ye keh kar mazaaq na urayen ALLAH ki ibadat k liye farishtay bhi kafi thay ya pardah to dil ka hota hai wagera wagera.

Ye baat achi terha yaad rakhain k ALLAH ko aap ki zarurat nhe aap ko ALLAH ki zarurat hai. Ise liye behas karnay k bajaye Islam k har hukum ko dil se man len, kyun k yehi asal Emaan ka hissa hai.

ALLAH ki de hui zindagi per sirf ALLAH ka haq aur ALLAH ki hai.

INSANIYAT KAY THEKAY DAR LIBERAL MAFIA

Aaj kal duniya me insaniyat k thekay dar bharay paray hain, ye wo log hain jo sharab pee kar car drive kartay hain aur nashay ki halat me club se nikal kar logon ko kuchaltay huay apnay ghar ko rawana ho jaatay hain, clubs me nashay ki halat me aurton ka rape kartay hain, magar phir bhi insaniyat k thekay dar hain.

In k nazdeek mazhab se barh kar insaniyat hai jis ki koi defination siray se in k pas mojood he nhe, kyun k ye kesi kitaab ko follow he nhe kartay to phir kia define karengay insaniyat ko. Asal me insaniyat k thekay dar liberal mafia he insaniyat k asal dushman hain kyun k wo chahtay hain k har shaks apni marzi se insaniyat define karay, taakay fasaad pehlay.

Yaad rakhain jb tk kesi ko follow na keya jaaye, system ya mashray me discipline qaim nhe hosakta, rules ko follow karna zaruri hai aur duniya me sb se zada behtareen rules Islam ne define keye hain, jabhi sharab noshi karnay walon ko Islam k usool hazam nhe hotay, aurton ka rape karnay walon ko Islam se takleef hai, najaiz taluqat rakhnay walon ko Islam koi bojhal mazhab lagta hai.

Mujh se agar puchtay hain to mai kehta hun k haan insaniyat ka mazhab hota hai aur wo hai Islam. Islam he asal insaniyat ka dars deta hai, Islam he zameen per fasaad pehlaanay se rokta hai, logon me insaaf karnay ki bat karta hai. Kamzaron ko un ka haq dilanay ki bat karta hai, faraiz per zor deta hai taakay dusron ka haq ada ho sakay.

ALLAH hum sb ko samajhnay ki tofeeq ata farmaye Aameen.