Showing posts with label Health (Sehat). Show all posts
Showing posts with label Health (Sehat). Show all posts

Monday, 4 May 2020

DHOOP MAIN LOO LAGNAY SE MOUT KYUN HOTI HAI?

Hum sab dhoop main ghumte hain lekin kuch logon ko dhoop lag janay ki wajah se achanak mout kyun ho jaati hai?


Hamaray jism ka darja hararat hamesha 37°C hota hai, is darja hararat par he hamaray jism kay tamam aaza sahih tariqay se kaam kar paate hain.


Paseenay kay tor par pani bahar nikaal kar jism k darja hararat ko 37°C tk barqarar rakhta hai, musalsal paseena nikaltay waqt pani peetay rehna intehaai mufeed aur zarori hai.


Is kay ilawa bhi pani bohat kaar'aamad hai, jism main pani ki kami honay par hamara jism paseenay kay zariye honay walay pani kay ikhraj ko rokta hai (yani band kar deta hai).


Jb bahar darja hararat 45 ° degree se zaaid ho jaata hai aur jism ka cooling system thap ho jaata hai, tab jism ka darja hararat 37°C se ziyada honay lagta hai.


Jism ka darja hararat jb 42°C taq poanch jaata hai tab khoon garam honay lagta hai aur khoon main mojood protein paknay lagtay hain.


Pathay karak lagtay hain is doraan saans lainay kay liye zarori pathay bhi kaam karna band kar detay hain.


Jism ka pani kam ho janay se khoon gaarha honay lagta hai, blood pressure low ho jaata hai, ahem uzoo (khas kar dimagh) taq khoon ki rasaai ruk jaati hai.


Insaan coma main chala jaata hai aur is kay jism kay aik kay baad aik uzoo dheeray dheeray kaam karna band kar detay hain, aur is ki mout ho jaati hai.


Garmi kay dinon main heat stoke se bachnay k liye musalsal pani peetay rehna chahye, is se hamaray jism ka darja hararat 37°C tk barqarar reh paye ga is baat par hamein tawajja dena chahiyey.


Aanay walay kuch dinon main Equinox (اكونكس) kay gehray asraat kayi ilaqay is ki zad main hon gye.


Baraye meharbani dopehar 12 se 3 kay darmiyan ziyada se ziyada ghar, kamray ya office kay andar rehne ki koshish karen.


Darja-e-hararat 40 degree centigrate kay aas paas hoga.


Mausam ki yeh sakhti jism main pani ki kami aur loo lagnay wali sorat-e-haal peda kar day ge.


Baraye meharbani khud ko aur apnay mutaleqeen ko pani ki kami main mubtala honay se bachayen.


Bilaa nagha km az km 3 letter pani zaroor istemaal karen. Gurday ki bemari walay fe din km az km 6 se 8 letter pani peenay ki koshish karen.


Jahan taq mumkin ho blood pressure par nazar rakhen. Kisi ko bhi lo lagna yani heat stroke ho sakta hai.


Thanday pani kay sath nahayen. Gosht ka istemaal band ya km  karen. Phal aur sabzian khanay main ziyada istemaal karen.


Garmi ki lehar koi mazaq nahi hai. Aik ghair istemaal shuda mom batii ko kamray se bahar ya khulay main rakhain, agar mom batii pighal jaati hai to yeh sangeen soorat haal hai.


Sonay kay kamray aur deegar kamron main 2 nisf pani se bharay uper se khulay bartano ko rakh kar kamray ki nami barqarar rakhi ja sakti hai.


Apnay honton aur aankhon ko num rakhnay ki koshish karen. Aur mafaad-e-aama main is pegham ko ziyada se ziyada nashar karen. Shukariya

Saturday, 31 August 2019

APNI SOCH SE APNA WAZAN KM KARAIN


Log aksar kehty hain k tambaku noshi tark karna mushkil hai. Latt tark karna aik mushkil cheez hai. Agar aap wazan kam karne ki koshish kar rahay hain to aap ko maloom hoga k yeh karna mushkil kamon mein se aik ho sakta hai.

Museebat yeh hai k jismani halaat ko chore kar wazan k masail aam tor par tarzay zindagi ki pasand ki taraf nahi atay hain. Kisi hadd taq aik tarzay zindagi aik nasha hai. Bator insaan hum un intekhabon ka intikhab karty hain jo asaan tareen hain. Fitrat mein hum usay har waqt dekhte hain, bijli hamesha mukhtasir tareen rasta ikhtiyar karti hai.

Bijli ke yeh aik achi cheez hai lekin jahan taq hamari sehat aur sehat k lehaaz se taiz tareen aur asaan tareen ikhtiyarat hamesha lainay ka behtareen intikhab nahi hota hai.

Hum mein se bohat se logon ne pehli baar werzish karna shuru kya hai, socha hai k" mein yeh kyun kar raha hon?". Jab hamari koshisho k nataij fori nahi hotay to hamaray paas is wajah se dastbardar honay ki kaamil wajah hoti hai.

Kya yeh aawaz aap ko waaqif hai? Bunyadi tor par hamaray dimagh hamein khush karne aur usay jaldi karne ke kosheh karte hain. Agar werzish aur sayhat mand zindagi guzarnay se lutaf andoz honay ki hesiyat se register nah ho to zeli shaoor wala dimagh aik behtar ikhtiyar k jo kaam karne ki zaroorat hai woh kere ga.

To sawal yeh hai k kon ikhtiyar (control) mein hai? Aap ya aap ka dimagh?

Aap apne dimagh main hain ya aap ka dimagh aap mein hai. Is ka jawab ho sakta hai, lekin yeh haqeeqat se daur hai. Hamara zeli dimagh hi woh hai jo la-shouri dimagh aur hamari jablaton, khwahisaat aur aadato ko janam deta hai. Yeh khushi ki talaash mein hai aur is ka assar-o-rasookh bohat mazboot hai.

Chahiye yeh k sabaq haasil karne k liye apni khushi ko kis terhan shikast di jaye. Apne ahdaaf k husool k liye apny aap ko yaksaa zehniat pasand logon se ghairna aik behtareen kaam kar sakta hain. Usay akailey mat karain.

Friday, 9 August 2019

BISMILLAH SE BIMARI DOOR

Zindagi Bhar Bemaar Na Honay Ka Raaz:

Pichlay dinon aik film ki location ki selection kay liye Falj (فلج) mila jana hwa jo Sharjah se Imleeq (املقین) kay rastay Fjera (فجیرا) jatay hue rastay mein parta hai. Yahan oont (camel) farmng kay sath bohat wasee race course bhi hai.Ye 
hai to gaon, lekin jadeed sahuliyaat se aaraasta. 

Hum 11 bajye puhanche to guide se race course ka rasta puchh kay is kay sath ho liye, rastay mein aik qadeem masjid dekhnay ko mili aur is kay sath hi chaey ka hotel tha. Jis kay bahar bench par kayi arabi baithy chaey pi rahay they. Un mein aik kaafi boorha shakhs bhi tha jo shakal se blochi lagta tha, mein ilm ki talaash mein sargardan khud se shart baandhi k is boorhay kay sath chaey to lazmi peni hai. Apne staff ko daur bithaya aur chaey laikar un kay paas jaakar Salam keya to khadsha durust nikla woh blochi hi they. Apne anay ka maqsad bayan keya to unhon ne paas bitha liya aur phir mere israar par oonton par nihayat mufeed aur tafseeli maloomat faraham keen. Lekin aik dilchaps baat kahay benaa nahi reh sakta kay nasli oont mein anaa ka bara masla hota hai.


Kher baat khatam karte waqt mein ne apni umar batayi aur un ki poochi to maloom hwa 95 baras kay they aur un ki walida ka intqaal 105 baras ki umar mein hwa tha. Kehnay lagey tum to mere agay abhi jawan ho. Maine baat ko palat-tay hue aur zara hichkichahat se poocha k is sehat ka raaz to bitayen. Kehnay lagey bas bemaar nah parro. Maine kaha yeh to hamaray bas ki baat nahi to wo hanstay hue kehnay lagey bohat arram se hamaray bas ki baat hai. Maine kaha aap batayen mein zaroor amal karunga. Mere qareeb aakar aahista se kehnay lagey munh mein kabhi koi cheez BISMILLAH kay baghair nahi dalni chahiye, pani ka qatra ho ya channay ka dana. Main khamosh sa hogaya phir kehnay lagey ALLAH ne koi cheez be-maqsad aur bilaa wajah nahi banai, har cheez mein aik hikmat hai aur is mein faiday aur nuqsaan dono posheeda hain. Jab hum koi bhi cheez BISMLLAH parh kar munh mein daaltay hain to is mein se nuqsaan nikal jata hai or sirf faida reh jata hai.

Hamesha BISMILLAH parh kar khaao aur dil mein baar baar Khaliq-e-kainaat ka shُukar ada karty raho aur jab khatam karlo to bhi haath uttha kr shukar karo, kabhi bemaar nah padogy.

Meri ankhain tarr (geeli) hochuki theen, hamari masjidoon kay mُolvion aur aalemon se yeh kitna bara aalam tha.

Khair der horahee thi mein Salam karkay utney laga to mera haath pakar kar kehnay lagey, khanay kay hawalay se aakhri baat bhi suntay jao, mein jee keh kar phir baith gaya. Kehnay lagey agar sath baith k kha rahay ho to kabhi bhool kay bhi pehal nah keya karo chahay kitni hi bhook lagi ho pehlay samnay walay ki plate mein daalo aur woh jab taq luqmah apne munh mein nah rakh le tum shuroo nah keya karo. Meri himmat nahi par rahi thi kay uska faida pouchon lekin woh khud hi kehnay lagey yeh tumahray khanay ka sadqa ada hogaya, aur sath hi ALLAH bhi razi hogaya k tum ne pehlay is kay bande ka khayaal kya.


Yaad rakho jism ke apni gizayen hain lakin BISMILLAH rooh ki ghiza hai, ab batao kya tum aisay khanay se bemaar par satky ho?

Meine be-sakhtaa un kay dono haath par boosa dia or sochne laga k deen ki chhoti chhoti baton se hum aur hamari nasalen kitni mehroom hain.

Sunday, 7 July 2019

CRISPR TECHNOLOGY


Aisi duniya ka tasawwur karen jahan Huntington's or cystic fibrosis jaisay jeneati (Genetic) bimarion ka ilaaj kya ja sakta ho. crispr technology ka shukriya jis k zarye se jeneati bemari khatam ke ja sakti hai.

CRISPR Cas-9 (Clustered Regularly Interspaced Short Palindromic Repeats) ek gene-splicing tecnology hai jis mein DNA k tabdeel shuda hisson ko talaash karne aur hataane ke qabiliyat hai. aik baar jab yeh mawaad khatam hojaye to, crispr tecnology gair tabdeel shuda ke sath tabdeel shuda hisson ki jagah le sakta hai.

Natija ye k CRISPER me itne taqat hai k woh khoon ki naliyon se baaz aqsam ki jeneati (genetic) bimarion ko mustaqil tor par khatam kar sakta hai. kuch mareezon mein cancer ko khatam karne ke liye tecnology pehlay se hi istemaal ke ja rahe hai, aur ibtidayi nataij zahir karte hain ke yeh mumkina tor par jeneati (genetic) tabdiliyon per mukammal tor per uboor hasil krly ge.

Ab to sb ko pata chal gaya hoga k Crisper kya bala hai.