Showing posts with label Nasiyat. Show all posts
Showing posts with label Nasiyat. Show all posts

Tuesday, 26 January 2021

AURAT TARGET KYUN

Aaj kal ki larkiyon ko samjhana to na mumkin hai media ne un ki brain washing had se zada kardi hai, agar unhain QURAN me ALLAH ki nasiyat samjhao to unhain bura lagta hai, ab jb kafiron wali zindagi guzarengi to wasta bhi kafiron jesi soch rakhnay waly mardon se pary ga kesi naik shaks se to nhe, phir jb nuqsaan uthaati hain to sb mardon ko gali deti hain apna qasoor nhe dekhti k sahi raasty ko chor kr jb galat raasta ikhtiyaar keya to kaisay kesi sahi aadmi se wasta pary ga wo to aap ki izzat se khelna chahta hai aap ko mohabbat k jaal me trap kr k apna maqsad hasil karna chahta hai, naik larka nikkah ki dawat dega behayai ki nhe, magar in collage or university me parhnay wali larkiyon ko kon samjhaye, ALLAH inhain aqual de.

Agar koi mard unhain samjhata hai to ye ulta usay deen sikhana shuru krdeti hain, jo aap ki fikar kr raha hai usi ko target karna shuru

Samajhdar larkiyon ko bhi chahye k wo nasamajh larkiyon ko apni doston ko samjhayen, mardon ka samjhana to qabool nhe inhain aik samajhdaar larki hi lead kr sakti hai aur mashray se is burai ka khatma kr sakti hai

Larkiyon ko chahye k wo pardah karen. Parday ka sb se bara faida ye hai k koi larka mohabbat k jaal me nhe phansa sakta, kyun k usne dekha he nhe hota, agar phasanay ki kosheh bhi kary ga to us k pas sirf aik he option hoga k wo us larki k naik honay aur bapardah deen dar hone ki tareef kary is k bad to wo sirf nikah ki dawat he de sakta hai gunah ki nhe.

Aik khubsoorat car ho per us per kapra dala ho to koi bhi us ki tareef nhe karta aur na us car ki trf dekhta hai lakin wohi kapra us car se hata do to har aanay janay walon me bohot se log car ko dekhengy aur sb k dekhnay ka andaaz bhi mukhtalif hoga, koi dekh kr tareef kary ga, guzar jaye ga, koi paanay ki khuwaish kary ga, aur agar koi chor hoga to wo chori karne ki kosheh kary ga, koi hasad karne wala hoga to nuqsaan kr k chala jaye ga, algerz us car ka hr terha k logon se wasta pary ga.

Aaj ki ulti soch rakhnay wali larkiyon ka haal ye hai k koi larka agar unhain parday ki nasiyat kary to wo ulta usay hi bura samajhti hain jb k wo aik mard hai aur aik mard he dusray mard ki fitrat ko achi terha jaanta hai jabhi to aap ko nasiyat kr raha hai aap ki fikar kr raha hai k koi aap ko apni jhooti mohabbat k jaal me na phansa le, is k bar ask jo aurat k kapray utaar ne me lagy huay hain wo in larkiyon ko apnay saat mukhlis nazar aaty hain, ye kahan se mukhlis hain in k sat, in se pucho zara in ka rape kon karta hai, yehi mukhlis mard jo aurat k nangay pan ko support karty hain aur usay chupkay chupkay hawas ki nigah se dekhty hain phir mohabbat k jaal me phnsa kr zina kar k chor dety hain, magar phir bhi in jahil aurton ko samajh nhe aati.

100 mardon me se aik mard he darjano larkiyon ki zindagi kharab karnay k liye kafi hota hai, is ki wajah se saaray mard buray nhe hoty. Apni izzat ki khud hifazat karen werna ye dhokay baz mard ap ki zindagiyan ise terha barbaad karty rahengy.

Saturday, 5 December 2020

TERBIYAT KI KAAMI K ASRAAT

Aaj kal k bachon ki trf dekha jaaye to maa baap sara zoor taleem per dety hain aur terbiyat ko nazar andaaz kr dety hain, yehi asal wajah hai k hamara mashraa tezi se tabahi ki trf barhta jaraha hai.

Maa apni aulaad ko terbiyat dene ki bajaye apni job ko terje deti hai or bachon ko aaya k hawaly kr deti hai, jb k aaj kal k bachon ka haal ye hai k wo agay se seedha seedha jawab de dety hain k meri maa na bano ya mera baat bannay ki zarurat nhe hai.

Jo bacha terbiyat he kesi aur se hasil nhe karna chahta wo bhala bara ho kr kesay aik acha insaan banay ga.

Dusri trf ye baat bhi qabil-e-gor hai k maa baap bachon ki hr khuwaish ko pura karne ki kosheh krty hain, aik trf to terbiyat nhe to dusri trf khuwaish ko pura karne ki wajah se bachon k ander adam bardash paida hojaati hai, phir ye kesay mumkin hai k bachay bary ho kr apni khuwaish ko pura karne ki kosheh nhe karengy.

Khuwaish ko pura karne k chakar me galat raaston per nikal party hain, zaheri se baat hai jb controlling power he khatam hojaye to phir kesay mumkin hai k baray ho kr bachay behayai ki trf naa jayen. Bachon ki terbiyat aur un ki khuwaishaat per control kar k he unhain aik bethar insaan banaya jaasakta hai

Sunday, 29 November 2020

SUICIDE VS DEATH PENALTY

Survey se ye pata chalta hai k duniya bhar me zada ter log mohabbat me nakaami ki wajah se suicide karty hain, mohabbat me dokha kha kr ya phir jis k sat relationship me hoty hain wohi cheat kar raha hota hai.

Aik trf wafadaari is level ki hoti hai k dil me bhi kesi aur ka khayal nhe anay dety aur na he kesi dusray ki trf dekhty hain to dusri trf jis k sat itna mukhlis hoty hain wohe peet pechay dokha de raha hota hai aur phir dil brdash nhe karta phir nobat suicide ki aajati hai.

Aakhir kyun aik mukhlis shaks is duniya se gaya aur aik behaya shaks ab kise aur k sat relationship me hai.

Islam is bat ko oppose karta hai aur cheat karne waly shaks k liye death penalty tajwees karta hai, kyun k Islam naik aur pakeezah roohon ki qadar karta hai aur khudgerz roohon ko saza deta hai jo sirf apni zaat k bary me sochti hain aur dusron k jasbaat ki parwah nhe karten.

Islam insaani mashray ko jungle aur janwar bannay se rokta hai jahan jo taqatwar hota hai wohi badshah hota hai, aur hr koi apni marzi chalanay ki kosheh karta hai. Is k bar ask Islam faraiz aur commitment per zor deta hai, taakay mashra aik dusray k saat bandha rahy.

Saturday, 28 November 2020

INSAAN VS ROBOT

Jo kehtay hain k insaan khud ba khud bn gaye un se pucha jaaye k agar insaan hazaaron lakhon saal pehlay khud ba khud ban sakty thay to robot khud ba khud kyun nhe banay.

Insaan aur Robot dono k internal structure ko agar dekha jaaye to pata chalay ga k insaan ka banna robot se kahen zada mushkil hai, robot to aik Engineer bhi bana sakta hai per insaan banana aur us k ander rooh daalna kese insaan k bs ki baat nhe, aur naa he ye khud ba khud ho sakta hai.

Aaj k dour me atheist (mulhid) ALLAH ka inkaar kr k apnay bana'nay waly ko dhundnay chalay hain, mazhab ki pabandiyon se bachny k liye pehlay ALLAH ka inkaar karty hain phir kehty hain k is kainaat ko bana'nay wala koi aur hai, aur usne koi kitaab nhe bheji apni farmanbardari k liye.

Ye kesay mumkin hai is kainaat ko bana'nay wala itne zabardast makhlooq banaye aur usay apni pechan na karwaye.

Zara sochiye...

Monday, 2 November 2020

AAJ KAY MARD YA PHIR NAMARD

Aj kal ka dour ajeeb qism k mardon ka dour hai, shayed internet per behayai dekh dekh kar ander se namard ho chukay hain, apni aurton ko bepardah le kar ghomtay hain aur sharam bhi mehsoos nhe karty, jb toko to ajeeb ajeeb batain karty hain, kehty hain k dusron ki behnon ko bhi apni behen ki terha samjho, bhala in se pucho k agar aap ko koi kahy k apni behen se shadi karlo usay bivi samajh lo to kya ye mumkin hoga? Phir kesy mumkin hai kesi ko apni behen samajh lena.

Jo samajh lety hain un k liye lamha-e-fikriya hai, jaa kar apna ilaaj karwayen kahen aesa naa ho k kesi aur k bachay paal rahy hon apnay bachay samajh kar aur khabar bhi na ho.

Han aik baat hai k kese ke shakal dekh kar aap ka dil us ki trf maail na hota ho, lakin is ka matlab hargiz ye nhe k kesi ka bhi dil maail nhe hota hoga.

Ise liye Islam me aurat k liye pardah hai taakay mard apni bivi tk mehdood rahy naa wo kesi ko dekhay ga aur naa he us ka dil maail hoga, us ka dil bivi ki trf he jhukaa rahy ga.

Mardon se sirf itni guzarish hai k khuda k wastay apni aurton ko samjhayen werna ye europe ki terha apna libaas utaar phenk den gi aur aap se ye kahen gi k apni nazren nechay rakhon ya hata lo hm to nangi he phirengi aur nanga libaas he pehnengi.

Tights pehen kar agar aap ki behen ko sharam mehsoos nhe hoti aur aap usay nhe rooktay to ye us k saat saat aap k Emaan ki bhi mout hai.

Emaan nhe to phir bhool jao martay waqt Kalma naseeb bhi nhe hoga, or agar Kalman naseeb na hua to khatma bil kher nhe balkay kafir ho kr maro gy, hamesha ki jahannum.

Parh lo thora Islam ko taakay aqual aajaye.

Yaad rakho haya Emaan ki aik shaakh hai, jb tm haya naa karo to phir jo jee chahy karo.

Tuesday, 4 August 2020

KURULUS USMAN GHAZI

Kurulus Usman Ghazi ka session one mukammal hotay he logon ne session two ka intezar karna shuru kardeya hai

Tareekh per banaye janay waly ye dramay darasal Musalmanon ko un k asal Deen ki taraf lana aur alam-e-kufur k munh per tamacha hain

Usman Ghazi jo k Ertugrul Ghazi k betay hain un ki Islam k liye jad-o-jhed aur koshehon per mabni ye drama kafiron k liye kesi azaab se km nhe is k saat saat sooye huay Musalmanon k liye ik sabaq bhi hai.

Musalman kitna bhi akeela hojaye agar wo haq per hai to kabhi bhi akeela nhe hota ALLAH us k saat hota hai bs tawaqqal bhi zaruri hai.

Monday, 22 June 2020

WARGAMES AND PUBG

Wargames me tezi se maqbool honay wala game PUBG ko Pakistan me banned karnay ki kosheh samajh se bahir hai, ye kaha jaata hai k is k graphics aesay hain k nojawanon ko apni taraf mutawajah kartay hain aur unhain deshatgard bana rahy hain. Aesa kehnay walon ne kabhi zindagi me LUDO bhi nhe kehla hota aur batain aesi kartay hain k in se zada games ka kesi ko nhe pata.

PUBG na sirf aik game hai balkay paisay kamanay ka bhi aik zariya hai jis ne nojawanon ka carrier bana deya hai. Khud he kehtay hain k mulk me dollar lao, ab jab dollar aik game k zariye se aaraha hai to in ko takleef ho rahi hai.

Phir ye kehna k nojawan barbad horahy hain un ki taleem ka harj horaha hai, nojawan PUBG se nhe TikTok se barbad horahy hain, banned karna hai to TikTok ko karo jahan paisay kamanay k chakar me aurtain aur larkiyan tawaif ba chuki hain aur un ko is baat ka andaza bhi nhe hai.

Baraye meharbani wargames me aur bhi bohot se games hain jin per waqai me banned lagna chahye aur un games me to Islam ki toheen bhi ki jaati hai, lehaza un games ko foran banned karen.

INTERNATIONAL WOMEN'S DAY

International Women's day aurton ka aalami din lakin Pakistan me aurton ki badnaami aur toheen ka din, jahan aurtain sarkon per nikal kar apnay hakook mangnay k bajaye na sirf mardon ko zaleel karti hain balkay apnay liye aesay alfaaz istemaal karti hain jisay sun kar aik shareef admi ka sar bhi sharam se jhuk jaye.

Pakistan me kaam karnay wali chand NGOs jin ka maqsad sirf Pakistani larkiyon ko azaad khayal aur awarah banana hai.

Larkiyon ko shadi karnay se rokna aur un k ander carrier bananay ki soch ko parwaan charhana hai.

Mashray me mard aur aurat k darmiyan nafrat paida karnay k liye is qism k jumlon ka istemal keya jata hai k log sun kar kaanon per hat rakh lety hain, magar ye phir bhi baaz nhe aatay, social media aur mukhtalif TV daramon ki celebrities k zariye se jahilaana soch ko parwaan charhanay ki koshehshen din ba din tezi se barhti jarahi hain.

Aap logon se sirf itne guzarish hai k apni aqual khud istemal karen, apni aqual ko kesi ki soch aur nazariye ko bechnay ki galti mt karain. Shukariya

Thursday, 28 May 2020

METOO PAKISTAN ME

Jb tk aap chahen tb tk boyfriend jb aap na chahen tb rapest, jb tk aap ki piyaas bujhti rahy kaam nikaltay rahen tb tk best friend jb dil bhar jaye tb MeToo.

Jb Islam aap ko apni izzat ki hifazat ka hukum deta hai tb aap shor machati hain k khali Islam hamary liye hai kya, to nuqsaan bhi to aap he ka horaha hai aur aap he la parwah hain to mard kesay parwah kary ga, pehle khud to apni izzat ki hifazat karna sikh lo, phir agar koi mard najaiz kary tb blame karna.

Izzat ki khud ko apni parwah nhe phir jb nuqsaan uthayen to sara qasoor mard ka, kya khud ka koi qasoor nhe?

Islami ahekaamat ko nazar andaaz kar k aik anjaan namehram ko apni pictures aur videos bhejtay huay ye khayal nhe aata k is ka kya nuqsaan ho sakta hai, phir jb blackmail hoti hain to MeToo yad aata hai.

Agar Islam ko follow keya hota to is qism ki fazool chezon ki zarurat na parti.

Khudara Islam ki baat ko samjhain is me aap he ka to faida hai, apne hissay ka faida khud hasil karen koi dusra kyun aap k faiday ka sochay ga jb aap khud he serious nhe.

Zara Sochiye.

APNI SOUCH KO POSITIVE RAKHO

Aik mard ki souch ko badalnay ki kosheh kahan tk kamiyab hai ye to aap mashray ka haal dekh kar he andaza laga sakty hain, khas tor per Europe aur America ki taraf nazar doraai jaaye to andaza hojaye ga.

Sara zoor is bat per lagaya jaraha hai k jb aik mard apni behen ko achi nigah se dekhta hai to phir wo kesi dusri aurat ko kyun nhe dekhta, sawal ye paida hota hai kya koi normal mard apni behen se shadi kar sakta hai ya taluq qaim kar sakta hai, agar usay kaha bhi jaaye, aik normal insaan kabhi bhi apni behen ki taraf rukh nhe karay ga, aur naa wo is me khushi mehsoos kar saky ga. Aik mard ki fitrat me behen aur ger aurat ka farq qudrati tor per hota hai.

Jo aurtain behnon wali misaalen deti hain k dusron ko bhi apni behen samjho un se pucha jaaye k wo dost kyun ger larkon ko banati hain aur un se kyun hr waqt batain karti rehti hain, dost bhi apny bhai ko he banayen kesi aur ko nhe, apny bhaiyon se he hr waqt batain karen aur un k sat he hoteling karen, magar nhe, khushi to sirf ger mard k sat phirnay me hai, phir aik mard se shikwa kyun? Phir nuqsaan uthanay per khali mard kyun qasoorwar?

Aap ne apni limitations ko cross keya to aik mard ne apni limitations ko cross keya. Ye limitations kon define kary ga. Mazhab ki baat ko to aap ne manna nhe na follow karna hai, phir aurat ka rape hojaye to sirf aik mard he kyun qasoorwar, is liye k nuqsaan sirf aurat ka horaha hai? Jab aik aurat ne apni limitation ko cross keya tha to kya aik mard ka us waqt nuqsaan nhe horaha tha? wo behek raha tha, usay behkaya kis ne, pehli dafa me to usne rape nhe keya hoga na pehli mulaqat me, wo padaishi tor per to rapest nhe tha, usay rapest banaya kis ne? Us ki fitrat ko is satah tk laya kon, usay uksaya kis ne?

Koi mard apni fitrat ko control karne me kamiyab hojata hai koi nhe. Aur wo bhi hain jo chahtay he nhe apni fitrat ko qabu karna, un se kesay bachen gi?

Mera sb logon se sirf yehi sawal hai k koi mard bhi padaishi tor per rapest nhe hota phir agar koi mard rape karne ka irada karle to us ko is haal tk pouchnay walon ki kya saza hona chahye? Jinhone aik normal insaan ko rapest bana deya un ki kya saza hona chahye?

Aik aurat ko mard ki jo batain aadatain mutassir karti hain, aik mard ko us se zada aik aurat ki wo batain mutassir karti hain.

Kyun talaqen tezi se horahi hain, kyun aaj kal k shohar talaq deny me asraa nhe kar rahy? Zahri se baat hai aik bivi k jis wajood ne usay mutassir karna tha aur jis se mutassir ho kar aik shohar ne talaq deny se pehly 100 dafa sochna tha wo to usay aam dekhnay ko mil raha hai, aur wo bezaar bhi hochuka hai us se, to phir usay bivi me kya kasheh mehsoos hogi?

Aik asaan Misaal: Jb aap shuru se Land Cruiser dekh rahy hon, aur aap k walid aap ko Cultus dila den, Land Cruiser aap k bas me naa bhi ho to kya aap ko apne Cultus gari se pyar hojaye ga? Yehi farq hai bepardagi aur khubsoorat larkiyon se dosti k bad larkay kesi km shakal-o-soorat wali larki ko dil se nhe apnatay aur zada arsa khush bhi nhe reh paatay, ise liye Pardah Islam me zaruri hai, aur na mehramon se dosti wagera, aur un k samne saj dhaj kar jana mana hai, taakay shadi k bad jb wo apni bivi ki asli shakal dekhay to us se bezaar na ho, kyun k asal shakal to dekhna he shadi k bad naseeb hoti hai.

Larkay sb se zada shakal per martay hain aur sb se zada unhe ko shakal ka dhoka deya jaata hai, phir wo kesay mohabbat karengy, Land Cruiser laya tha, soo kar subha utha to Cultus ban gai.

Note farhayen: Is article me kamzoor aur namardon ki batain nhe ki gai hain. Jin kuwaray mardon ko nangi tangon wali aurton ko dekh kar bhi koi asar nhe hota, wo apni souch ko positive samajhne ki khush fahmi me na rahen, unhain chahye k apni shadi se pehly kesi achy hakeem ka intezam karlen, kyun k shadi k kuch dinon bad unhain shadeed zarurat parny wali hai.

Tuesday, 26 May 2020

RAMZAN JESA MAHOUL AAM DINO ME BHI MUMKIN HAI

Media kehta hai k hm wohi dekhatay hain jo mashray me hota hai.

Jb k mahool bananay se banta hai, kya Ramzan jesa mahool pura saal nhe dekhaya jaa sakta?

Aik Islami mashraa kesa hona chahye agar is per mehnat ki jaye to mashray ko bethar banaya ja sakta hai, ise terha fitnah pehlanay wali websites aur channels ko block kar k bhi mashray ki islah ho sakti hai.

Haqeeqat ye hai k kuch log ye nhe chahtay aur un ka sara daromadar chand fitna angeez ger mazhab log hotay hain jo khud bhe fitnay me mubtala hotay hain aur dusron ko bhi fitnay me mubtala karna chahtay hain.

Bethar yehi hai k aeso ko pechan kar in se bacha jaaye aur mashray ki islah ke kosheh per apni awaz ko kesi bhi platform per na roka jaaye.

Saturday, 23 May 2020

ERTUGRUL GHAZI DRAMAY PER LIBERAL MAFIA KA AYTRAAZ

Is dramay ki cast me jin logon ko liya gaya hai wo khud liberal soch k malik hai, to phir sawal ye paida hota hai k Pakistan me mojood liberal mafia ko is se kya takleef hai? Kya liberals me bhi mukhtalif souch rakhnay waly log hain? 

Agar souch kaha jaaye to Pakistan me mojood liberals darasal liberals nhe balkay wo hindu hain jinhone liberalism ka libada urh rakha hai taakay khul kar apni marzi chala saken. Kyun k ye kabhi bhi Pakistan me hindu culture ko resist nhe kartay, lakin jb bhi Islami nizaam ki bat ki jaaye to un k paiton me marour uthna shuru hojati hai aur phir hawa kharij hone lagti hai jaga jaga se. Marvi Sarmad ko he dekh lo, us k libaas aur bindiya se saaf pata chalta hai k wo hindu hai.

PTV per urdu zuban me Ertugrul Ghazi nashar hotay he is mafia ko takleef uthna shuru hogai, yahan tk molviyon k pas fatwy lenay pohunch gaye, is k sat sat ye kehna shuru kardeya k ye hamaray culture ka hissa nhe.

In se pucha jaaye k hamaray culture ka hissa kya hai? munh bnd hojaye ga usi waqt, kyun k ye yahan hindu culture ko promote kar rahy hain.

In k apnay dramon ka hashar dekha jaaye to aurat ko nafsiyati mareezz bana kar rakh deya hai, sewaye badgumani k kuch nhe sikhaya, aik aurat ko hr roop me mazloom tabqa jb k aik mard ko hr roop me zalim dekhaya jaata hai.

Buniyadi sawal ye hai k akhir is dramay se itne takleef kyun hai?

Kyun k ye Musalman nojawanon k ander jasba-e-jehaad ko bedaar karne ka sabab bn raha hai. Liberal mafia ki kai saalon ki mehnat zaya hoti nazar aarahi hai, guzishta kaai saalon se ye hamari nojawan nasal ko aashiqi maashoki k chakaro me uljhaa kar un k zehnon ko tabah karne me lagay huay hain, khas tor per mardon ki zehni salahiyaton ko to in logon ne tabah kar k rakh deya hai.

Kashmir ki in ko koi fikar nhe kyun k Kashmir ka masla hal karne ka matlab hinduon ko naraz karna, aur ye wo kesi soorat nhe chahtay kyun k ye khud hindu hain. Dialogue dialogue ki rat laga rakhi hai aur hamari fouj ko jehaad-e-hindh (jesay Ghazwa-e-hindh be kehay hain) se rok rakha hai. Musalmanon k khoon ki inhain koi parwah nhe.

Pakistan me jitnay bhi masali hain un ki jarh inhi liberal mafia tk jaati hai, ye kabhi nhe chahtay k mulk k masail hal hon, phir jb duniya jahan se Musalman hamain madad k liye pukartay hain to ye shor machatay hain k hm apne mulk k masail hal karen ya dusron ki madad karen, jb k ye khud masail me uljhaye huay hain taakay hm kabhi bhi ummat-e-Muslima ki madad na kar saken aur apny he jahgron me uljhay rahen, aurat march k nam per khara keya jaanay wala fasaad bhi ise ki aik shakal hai js me aurat k dimagh me bs yehi bhar deya hai k wo mard se muqabla karay hr maidan me aur us se agay nikalnay ki kosheh kary kyun k wo us se zada bethar aur samajhdar hai (is bat ka prove ye hai k ap kesi bhi larki se puch len wo khud ko mardon se zada samajhdar samajhti hogi).

Mukhtasir ye k Ertugrul Ghazi drama Ummat-e-Muslima ki tareekh per banaya gaya hai aur is me Musalmanon ki asal zindagi ki taraf ishara mojood hai, Islami nizaam ki bat ki gaye hai aur us ko practice kar k dekhaya gaya hai, jabhi sirf kafiron ko marour hai, Musalmanon ko nhe. Is dramay ko dekh kar aap ko bhi apne baray me pata chal jaye ga k aap kafiron wali ravish rakhtay hain ya Islami, agar aap ko is dramay se takleef hai to aap ander se kafir hain, aur agar aap ko psand hai to yaqeenan aap k ander abhi Islam zindah hai.

x----------------------------------------------------------x



eurtugal, artugurl, artugurl drama, irtugral, irtugral drama, 

Friday, 22 May 2020

FAHASH VIDEOS KA FITNA

Fahash videos ki wajah se duniya me jo tezi se behayai phel rahi hai, us k asraat ab Musalmanon me bhi dakhil hona shuru hogaye hain. Ye jaantay huay bhi k haya Islam ki shahkhon me se aik shahkh hai, aik Musalman jo behayai ka shikaar ho khud ko is fitnay se bacha nhe paata.

Aakhir is fitnay se naa bachnay ki wajohaat kya hain:

1. Waqt per shadi ka na hona.
2. Na umeedi ki kefiyat.
3. Behaya doston ki sohbat.
4. Aurton ki bepardagi aur fashion.
5. Fashion k nam per aurton ka chust aur phata hua libaas pehenna.
6. Net per fahash mawaad ka dekhna.

Kuch logon kay ayterazaat:

1. Mard hawas ka shikaar hai usay apni soch badlna hogi.
2. Mard bura na sochay na dekhay na sunay.
3. Dusri aurton ko bhi apni behen samjhay.

Ayterazaat karne walon se sawal:

1. Asaan kaam kon sa hai, souch ko badalna ya libaas thek karna?
2. Aap apni libaas durust karne wali souch ko nhe badal sakten to phir mard se tawkka kesi?
3. Air mard pedaishi tor per hawas parast nhe hota usay kon hawas parast banata hai?
4. Agar aurat apna libaas urust karlay to is me faida kis ka hai?

Nuqsaan aik aurat ka hota hai to phir souchna bhi aik aurat ko he pary ga k aakhir ye nobat kyun aati hai k aik aurat hawas ka shikaar hoti hai.

Jb aurat is sanjida nhe aur wo apne aap ko badalna nhe chahti to phir ye kesay mumkin hai k aik mard khud ko badal lay ga.

Aakhri bat ye k kuch logon ka ye bhi manna hai k pardah honay k bawajood aurat hawas ka shikaar hoti hai, mera un se ye sawal hai k agar jang ki soorat me aap k samnay 2 hikmat-e-amali paish ki jayen jin me se aik me 100 jaanain janay ka khadsha ko aur aik me 10 jaanain janay ka khadsha ho, aap kis ko ikhtiyar karengy?

Zahri se bat hai jis me km jaanain jayen, pardah karne me bhi km nuqsaan ka khadsha hai, bepardagi me zada.

Saturday, 16 May 2020

AURAT KAY LIYE PARDAH KYUN

Aaj kal larkon ka shadi kay liye khubsoorat larkiyon ki demand ka barh jana, aur jo shadi kar bhi letay hain wo aik do saal me apni biviyon se bezaar hojatay hain, kya kesi ne gor keya k is k pechay wajah kya hai?

Wajah khubsoorat chehron ka demagh me beth jaana.

Islam ne aurat ko parday ka hukum ise liye deya hai kay koi mard kesi k husun ko dekh kar apni bivi se bezaar naa hojaye, ya jb shadi ka intekhab karay to us me khubsoorti ko sb baaton per tarjeh naa de.

Ab ye kehna kay mard apni soch ko badlay ye naa mumkin baat hai. Kya ye kaam aurat kar sakti hai kay wo apna makeup chor de?

Jo kaam wo khud nhe kar sakti us ki demand dusray se kyun?

Aakhir nuqsaan kis ka hai ye bhi sochna chahye, bohat se larkiyan rishton k intezaar me bethi hui hain aur koi un ka sirf un ki km shakal-o-surat ki wajah se pasand nhe karta.

Yahan soch ko badalnay ki zarurat nhe balkay apnay character ko badalnay ki zarurat hai.

Aik mard jis ne aurat ko naa dekha ho aur phir us k samne koi km shakal-o-soorat wali bhi laai jaaye to wo usay pasand karly ga, shirt ye hai k us ne kesi namehram ko na dekha ho.

Ab ye hmne sochna hai, agar larkiyan chahti hain k un ki km shakal-o-soorat wali doston ki bhi shadi achay gharanay me ho to phir unhain is baray me sochna hoga, unhain pardah karna hoga.

Sunday, 10 May 2020

ERTUGRUL GHAZI DRAMAY KI HAQEEQAT


Aik waqt tha jb duniya kay behtareen dramas Waris, Dhuwan, Alpha Bravo Charlie, Manchalay ka Soda, Andhera ujaala, aur jangloos jesy dramas Pakistan me bana kartay thay, jin me koi na koi moral zarur hota aur insaan ki nasiyat ka sabab banta log in dramon kay dialogue ko aaj tk yad rakhtay hain.

Phir zamana badal gaya dramon ka trend bhi badal deya gaya aur fazool wahiyat qism k dramas ban’nay lagay jin ka na to koi moral hai na maqsad bas aurat ko har roop me mazloom dekhana aur mard ko har roop me zalim

Magar haal he mai PTV per urdu dubbing me Ertugrul Ghazi nashar keya gaya hai jo kay aik Turkish drama hai jisay hamaray Prime Minister Imran Khan ne bhi Pakistani awam ko dekhne kay liye recommend keya hai.

Is dramay main Musalmanon ki apnay mazhab se mohabbat, mili gairat, falah-e-insaani, Musalmanon ka tarz-e-zindagi, Musalman aurton ka libaas aur andaaz bhi acha dekhaya gaya hai

Is dramay ki khas bat is kay dialogue hain jin me aesi taseer hai jo Musalmanon ki zindagi ko badal kar rakh saktay hain.

Europe, Middle East me is per tanqeed ki jarahi hai, India me is dramay ko dekhanay per pabandi hai. Egypt me to fatway tk lag gaye hain.

Zajiri se bat hai kay jis terha duniya-e-kufur ne hamari naslon ko Batman, Spiderman, Superman, Thor, Ironman aur is jesy bohot se farzi kirdar dekha dekha kar asal kirdaron ko gumnaam kar deya hai aur hamaray bachon kay zehnon me aik tasawarati duniya qaim kardi hai jis ka haqiqat se dor dor tk koi wasta nhe, ab jb haqiqi kirdar samne aya hai to kesay hazam hoga.

Is dramay main Kayi (Qayi) qabilay k chand Musalman ka zikar hai kay jin kay pas Emaan tha aur wo apnay Emaan kay bal bootay per puri duniya per cha kar hukumat karne lagay.

Chand dialogue aap ki khidmat me paish kar raha hun jinhen parh kar aap ko andaza hoga kay ye drama Musalmanon kay esaar aur quarbaniyon se bhara para hai.

“Agar tmne apne dushman ko apna watan he nhe balkay aik pathar ka tukra bhi rakhne deya, to takleefain hm per aan parengy.”

“Jis ka koi khowab nhe us ka koi mustaqbil nhe.” 

“Hamaray dushman ki taqat hamari bahaduri ki alamat hai.” 

“Agar hm gir jaatay hain to puri Islami duniya gir jaye gi, jb tk hm apne aquiday aur riwayaat se masbooti se wabasta hongy hamara sar nhe jhokay ga, aur Islami parcham nhe giry ga.”

“Jb tk hm ALLAH k rastay per chalengy koi bhi hamain ghutnon k bal nhe gira sakta.”

“Agar aap ka dil khalis aur pakiza hai to duniya ki koi shaitani qowat aap ka mahasra nhe karsakti.”

“Zulfiquar se achi naa koi talwar hai aur na Ali A.S se bara koi bahadur zameen per.”

“Asal hero wo hota hai jo nechy girtay he uthta hai.”

“Do taqaten hain aik talwar dusri aqual, aaj tk koi aesi talwar ejaad nhe hui jo aqual ko hara sakay.”

“Mujhe mout ka dar nhe magar wo aakhri saas mere liye haram hogi jis se pehle mai hathiyar dal dun.”

“Hamaray aslaaf ki dastaanain bachon ko sulanay k liye nhe, balkay mardon ko jaganay k liye sunai jaati hain.”

“Jahan insaan jata hai wahan is ka rizq pehlay se pohunch chuka hota hai.”

“Hum khayanat aur dhoka dahi se koi kamyabi hasil karne ke bajaye mout ko tarji dety hain.”

“Haq ki rah per chalnay walon ko mera RAB kabhi tanha nhe choray ga.”

“Jad-o-jehed hamari hai, magar fatah ALLAH ki hai.”

“Hm ya to ghazi banengy ya Shaheed, magar hamari talwaron ki jhankaaren hazaron saal tk sunai daingi.”

“Maiyusi hamary liye haram hai. Hamain ALLAH ki rehmat se maiyous na hone ka hukum deya gaya hai.”

“Agar humne aaj dar k maray busdili ki churiyan pehen len, to hamari naslain zalimon se kampain gi.”

“Tamam jahan bhi agar zalim hojaye to bhi hum zulm se darne waly nhe.”

“Us ghoray per kabhi sawar hone ki kosheh na karo jis per kabu na pa sako.”

“Talwar usi k hat me sajti hai jisay chalani aati ho.” 

“Mai gaddar ko maaf nhe karunga chahay wo mera bhai ho.”

“Mai mazloomon ki hifazat karunga chahay wo mery dushman he kyun na hon.”

“Hamaray dilon me kya hai, hm apne alfaaz aur apni mout se zahir karengay.”

“Haq k raastay me agar sari kaynaat bhi tmharay khilaaf ho to bhi tm ye yaqeen rakho k ALLAH tmharay saat hai.”


Yaad rakhain Qaumain kamyab he apnay nazariye se hoti hai aur jo dusron ko follow karti hain wo hamesha pechay rehti hain, kabhi taraqqi nhe karsakten.

Monday, 4 May 2020

DHOOP MAIN LOO LAGNAY SE MOUT KYUN HOTI HAI?

Hum sab dhoop main ghumte hain lekin kuch logon ko dhoop lag janay ki wajah se achanak mout kyun ho jaati hai?


Hamaray jism ka darja hararat hamesha 37°C hota hai, is darja hararat par he hamaray jism kay tamam aaza sahih tariqay se kaam kar paate hain.


Paseenay kay tor par pani bahar nikaal kar jism k darja hararat ko 37°C tk barqarar rakhta hai, musalsal paseena nikaltay waqt pani peetay rehna intehaai mufeed aur zarori hai.


Is kay ilawa bhi pani bohat kaar'aamad hai, jism main pani ki kami honay par hamara jism paseenay kay zariye honay walay pani kay ikhraj ko rokta hai (yani band kar deta hai).


Jb bahar darja hararat 45 ° degree se zaaid ho jaata hai aur jism ka cooling system thap ho jaata hai, tab jism ka darja hararat 37°C se ziyada honay lagta hai.


Jism ka darja hararat jb 42°C taq poanch jaata hai tab khoon garam honay lagta hai aur khoon main mojood protein paknay lagtay hain.


Pathay karak lagtay hain is doraan saans lainay kay liye zarori pathay bhi kaam karna band kar detay hain.


Jism ka pani kam ho janay se khoon gaarha honay lagta hai, blood pressure low ho jaata hai, ahem uzoo (khas kar dimagh) taq khoon ki rasaai ruk jaati hai.


Insaan coma main chala jaata hai aur is kay jism kay aik kay baad aik uzoo dheeray dheeray kaam karna band kar detay hain, aur is ki mout ho jaati hai.


Garmi kay dinon main heat stoke se bachnay k liye musalsal pani peetay rehna chahye, is se hamaray jism ka darja hararat 37°C tk barqarar reh paye ga is baat par hamein tawajja dena chahiyey.


Aanay walay kuch dinon main Equinox (اكونكس) kay gehray asraat kayi ilaqay is ki zad main hon gye.


Baraye meharbani dopehar 12 se 3 kay darmiyan ziyada se ziyada ghar, kamray ya office kay andar rehne ki koshish karen.


Darja-e-hararat 40 degree centigrate kay aas paas hoga.


Mausam ki yeh sakhti jism main pani ki kami aur loo lagnay wali sorat-e-haal peda kar day ge.


Baraye meharbani khud ko aur apnay mutaleqeen ko pani ki kami main mubtala honay se bachayen.


Bilaa nagha km az km 3 letter pani zaroor istemaal karen. Gurday ki bemari walay fe din km az km 6 se 8 letter pani peenay ki koshish karen.


Jahan taq mumkin ho blood pressure par nazar rakhen. Kisi ko bhi lo lagna yani heat stroke ho sakta hai.


Thanday pani kay sath nahayen. Gosht ka istemaal band ya km  karen. Phal aur sabzian khanay main ziyada istemaal karen.


Garmi ki lehar koi mazaq nahi hai. Aik ghair istemaal shuda mom batii ko kamray se bahar ya khulay main rakhain, agar mom batii pighal jaati hai to yeh sangeen soorat haal hai.


Sonay kay kamray aur deegar kamron main 2 nisf pani se bharay uper se khulay bartano ko rakh kar kamray ki nami barqarar rakhi ja sakti hai.


Apnay honton aur aankhon ko num rakhnay ki koshish karen. Aur mafaad-e-aama main is pegham ko ziyada se ziyada nashar karen. Shukariya

Monday, 27 April 2020

GENDER EQUALITY YA DISRESPECT

"EQUALITY FOR ALL WILL DESTROY RESPECT"

Equality ya phir disrespect. Kesi kay saat agar barabari nhe ke jaati to yaa to phir us ki izzat ki jaati hai ya phir usay zaleel samjha jaata hai.

Agar Eurpoe aur America ka haal dekhen to wahan Equality ki baat sb se zada ki jaati hai, magar wahan izzat ka janaza nikal chuka hai, naa buzargon ki koi izzat naa Maa Baap ki koi izzat, mard aur aurat tk ki koi Respect nhe.

Islam kehta hai kay agar tmharay Maa Baap ya un me se koi bhi aik apne burhaapay ko pohunch jaaye to unhain uff tk naa kaho. Europe aur America ka haal ye hai k Maa Baap apni jawan aulaad ko uff tak nhe kar saktay, unhain koi Right nhe.

Hamaray mulk me bhi bad-qismati se ye jahalat Gender Equality kay naam se aam karne ki kosheh ki jaarahi hai, jis ki wajah se Respect khatam hoti jaarahi hai.

Guzray zamanon mai agar koi aurat ghar se nikalti to mard usay raasta detay thay us ki izzat karty thay ab jab se aurat ne khud apni izzat karna chor de hai aur mard kay muqabalay per utar aai hai, natija ye nikla kay mardon me aahista aahista un ki izzat khatam hoti jaarahi hai.

ALLAH naa karay k wo waqt aaye k koi aurat ghar se bahir parishan ho aur koi mard us ki madad karna wala naa ho.

ALLAH hamaray mashray k logon ko aqual de Aameen.

Sunday, 26 April 2020

QUARANTINE RAMAZAN 2020 IN PAKISTAN

Media ke hat dharmi aur dogla pn wazay, media ka dhanda khub chal raha hai aur inhain dekhnay walon se guzarish hai kay aakhir aap log kyun in ka shikaar hotay hain apni aakhrat ki kyun nhe fikar kartay.

COVID-19 kia sirf masjidon kay liye hai, masjid jaanay walon ko to danday paren aur jo logon ka melaa muftay (muft inaam) kay chakar me TV channels kay bahir laga hua hai ye kia hai?

Inaam taqseem horahay hain yahan jis jis ko Corona taqseem hoga us ka naa to koi zikar kary ga aur naa he koi post bana bana kar social media per share kary ga.

In TV media walon se pucha jaaye kay itna shor machane kay baad kia ye melaa lagana zaruri hai, ab kidhar bhag gaya Corona?

Ya business karne ka time aagaya hai is liye Corona wali khabron per thora halka haat rakho.

Ab koi funded NGOs waliyon ko aur liberal partiyon ko takleef nhe hogi, jin ka saara zor he Masjid band karany per tha.

LOG DEKHNA CHAHTAY HAIN

TV aur social media per barhti hui behayai aur jb in logon se pucha jaaye ya mana keya jaaye to agay se kehty hain k log dekhtay hain log dekhna chahtay hain. In ko jawab sirf itna sa hai kay behayai sirf behaya log dekhna chahtay hain aur aap un ko sudhaarnay kay bajaye ulta baqiyon ko bhi kharab kar rahy hain.

Shaitan behayai ki taraf bulata hai, aur ye log bhi shaitan ka kaam kar rahay hain, in se khud bachain aur apne bachon ko bhi bachayen werna ye log aap kay bachon ko aap se he begana kar dengy.

Agar burai ki jagah achai ko pehlaaya jaaye to log khud burai ko chor kar achai ki taraf aana shuru kar dengy.

Kia tabligh kay kaam ki barkat kesi ne nhe dekhi? Kitnay log Namaz parhna shuru hogaye hain kitnay actor actresses khud ko badal chukay hain, ye sb badlay he naik aur deen dar baaton ki wajah se hain.

Haq baat logon tk pohunchti hai tb he log badalty hain aur ye media waly kehty hian kay log behayai dekhna chahtay hain. Aur mai kehta hun log nhe dekhna chahtay aap dekhana chahtay hain logon ko. Logon ka kaam he dekhna hai aap jo dekhayen gy log wohi dekhengy.

Har urooj ko zawal hota hai aap kay is shar aur fitnay ko bhi zarur zawal aaye ga.

Ertugral ki badolt aap ka bhanda bhi phoot gaya aur aap ki nikalnay wali cheekhain bata rahi hai k jo dekhaya jaata hai wo logon per asar andaaz bhi hota hai.

#SNL #Kim #john

DARING PERSON YA NAFSIYATI MAREEZ

Aap ne mukhtalif daring or reality shows dekhay hongy aur un me anay waly ajeeb-o-gareeb qism kay log bhi, samajh to ye nhe aati kay jo log in shows me aatay hain unhain daring persons kaha jaaye ya nafsiyati mareez. Jb un logon ka interview hota hai ya un se koi baat puchi jaati hai to un ki baaton se pata chalta hai k wo mentally disturbed hai. Phir nasha karne waly aur behaya qism kay logon ki selection hojaati hai show k liye.

Samajh to ye bhi nhe aati kay aesy logon ko select kar k ye kia sabit karna chahty hain kay ALLAH ko naraz karne waly log daring persons hain?

Is per gor karne ki zarurat hai hamain werna hum ne apni anay wali nasal ki soch ko tabah karne kay liye koi kasar nhe chor rakhi.