Showing posts with label News. Show all posts
Showing posts with label News. Show all posts

Sunday, 28 June 2020

WIRECARD AG FRAUD WITH PAYONEER ONLINE BANK

ENGLISH:

Is is to informed you all that Payoneer online bank facing the fraud from Wirecard AG. Wirecard AG company is a partner of Payoneer.

Some Payoneer bank freeze, some Payoneer bank not working. Payoneer fraud case in UK, this shocking news hearted payoneer employees as well as payoneer customers. Many Payoneer customers account block by Payoneer, Some Payoneer accounts still working. Payoneer starts inventigation about fraud. Wirecard CEO arrested.


ROMAN URDU:

UK ka online bank Payoneer Wirecard AG ne Payoneer kay saat fraud keya hai. Payoneer online bank hai jo Pakistan me bhi ba asaani chalta hai, Wirecard AG ne Payoneer kay saat fraud kar k na sirf Payoneer ko majboor kar deya hai k wo Payoneer customers kay account ko freeze ya Payoneer customers kay account ko block kar day.

Kuch account abhi bhi work kar rahy hain tahm investigation abhi jaari hai.

Payoneer ne investigation start kardi hai aur Wirecard kay CEO ko bhi gariftaar kar liya gaya hai

Wednesday, 6 May 2020

MOLANA TARIQ JAMEEL KI MEDIA SE MAFI

"Molana Tariq Jameel Ki Jhooton Se Mafi"

Wsay to is topic ka nam hona chahye tha, khair, jo salook media ne Molana Tariq Jameel k saat keya is se pata chalta hai, k kon sacha hai aur kon jhoota, jo jhoot bolnay walay hain aur lifafay lenay walay hain un ko molana ki baat se is qadar aag lagi kay unhone molana sahab ko media per bula kar un se mafiyan mangwai hain.

Andaaz chahy jo bhi ho molana sahab shareef-un-nafs admi hain werna yehi baat agar Khadim Hussain Rizvi kardain to media me kesi ke itne himmat nhe kay un se mafi mangwa sakay, ghar se nikalna mushkil kar dengy, ulta mafi mangna par jaye gi aesi demand per.

Media sirf shareef logon per he charhai kar sakta hai, apni badmashiyon me din raat jhoot bak raha hai.

Khabarain to PTV se bhi nashar ki jaasakti hain phir itne saaray channels ko chalanay ka kia maqsad, kia coronavirus in ko nhe lagay ga, jb tk corona hai agar mulk ki maishiyat ka paiiya jaam keya jaa sakta hai to phir channels ko bhi band keya jaasakta hai, sirf aik channel se kam chalayen.

Hm log sirf inhain naa dekh kar he in ki islah ka bais ban saktay hain, in ko in ki aokat per laa saktay hain

Hamid Mir aur in jesy dusray journalist jb khud sach sun'nay ki himmat nhe rakhtay to phir logon ko kyun jhoot batatay hain.

Sach waqai karwa hota hai aur wo sach he kia jo jhooton ki cheekhain na nikalwa de.

Haqiqat sb k samne wazy hai.

Sunday, 29 March 2020

CORONA VIRUS KIA ILLUMINATI SAZISH HAI?

Aaj poori duniya Corona Virus ko lekar is kay khauf main buri terha mubtala hai. China se lekar barr-e-azam America taq is waba-e-marz nay woh ant macha rakhi hai jis ki misaal nahi milti. Is khatarnaak marz kay hawalay se sahib-e-raye log mukhtalif qisam ki qayass aariyan kar rahay hain jin se ikhtilaaf is wajah se kia ja sakta hai k is marz kay phelnay ki wajah aur phelaanay kay zimma daaron ka sabooton kay sath taiyun abhi kisi nay nahi kia hai jo bhi qayass aariyan ab taq hui hain woh baghair kisi sabooton kay mehez andaazon ki bunyaad par hui hain, hatmi raaz se koi bhi ab taq waaqif nahi hai.

Is silsilay main China nay isay America ki saazish qarar day kar USA aur is ki army par ilzaam aed kia hai kuch log isay Multi-National companies ki saazish qarar day rahay hain kuch log isay Chineese logon ki khoraak ko is virus ki takhleeq ki wajah qarar day rahay hain jb k mere khayaal kay mutabiq is jaraseeme waardaat main nah America mulawis hai aur nah Multi-National companies kyun k agar is marz kay nuqsanaat ka bagor jaiza liya jaye to hamary samnay yeh baat aati hai k is mozi marz nay to America ko bhi apni girift main le liya hai aur is waqt is ki paanch riyasatain lockdown hain.

Har roz amwaat main izafah ho raha hai. New York main har ghanta kay baad aik mout report ho rahi hai USA ka nizaam zindagi maflooj ho kar reh gaya hai aanay walay dinon main isay China aur italy jaisi buri sorat e haal ka saamna ho sakta hai.

Yaad rahay k insaan woh aag kabhi nahi lagta hai jo kal ko mur kar is kay ghar ki taraf aye is liye yeh raye qaim karna sara sar ghalat hai k is saazish main America mulawis hai dosra is marz k wajah se saari duniya ki maeeshat ka bhata baith chuka hai srmaya daaron kay arbon kharbon dollar doob chukay hain aeroplanes se lekar sanatton (factories) taq har cheez khasaray main chali gai hai sayahat se lekar samaji tarz-e-zindagi bekar ho kar reh gai hai jis ki wajah se Multi-National companies ko billions kay hisaab se nuqsaan rozana ki bunyaad par ho raha hai is liye yeh kehna bhi ghalat hai k is aafat ki zimmay dar Multi-National companian hain kuch logon ka khayaal hai k yeh khatarnaak virus mukhtalif janwaron kay gosht khanay ki wajah se bhi ho sakta hai to yahan sawal peda hota hai k cheeni log to yeh sab kuch kayi so saal se kha rahay hain is se pehlay yeh virus kyun peda nahi hua tha ab kyun peda hua hai.

Mere khayaal kay mutabiq is jaraseemi hamlay kay peechay Illuminati hai jo log Illuminati tanzeem ko nahi jantay in kay liye is is tanzeem ka mukhtasir taaruf yeh hai k yeh log kisi kkhuda aur kisi mazhab ko nahi mantay hain yeh log shetan kay pairo kaar hain aur isi ki ibadat kartay hain is tanzeem main mukhtalif shoba zindagi ki bari bari Nami graami shakseyat shaamil hotein hain jaisay baray baray actors, film saaz, siyasatdaan, media house aur writers hazraat waghera Illuminati kay liye kaam kar rahay hotay hain agar is Corona marz kay nuqsanaat ka bagor jaiza liya jaye to mere khayaal kay mutabiq is mozi marz nay sab se ziyada nuqsaan mazahab ka kia hai is marz se ab taq sirf chand hazaar afraad he mukhtalif mulkon main maray hain jabkay sirf flow ki wajah se har saal Bartania main 60 hazaar kay lag bhag log mar jatay hain accident aur doosri choti mouti moti bimarion se to har saal duniya main lakhoon mar jatay hain magar woh khauf nahi phela jo is waba-e-marz ko lekar aik saazish kay tehet Media kay zariye phela rakha hai.

Aaj sorat e haal yeh hai k esaion ki sab se muqaddas jagah vatican city band hai poop video link kay zariye khitaab karta hai yahudion ki sab se muqaddas ibadat gaah veraan pari hai Heckle-e-Sulemani ko taaley par chukay hain Mecca madinah aur poooray Saudi arab ki Masjiden sunsaan ho gai hain ahl-e-tashiyo kay Imam Moosa Qazim kay mazaar main bhi ho ka aalam hai Pakistani zaireen is wabai marz ko Iran sy he lekar aye hain hinduo kay gaao mata kay moot aur gobar bhi is virus kay samnay be bas nazar aa rahay hain.

Pakistan aur hindostan ki bari bari zeyaraton aur dargahon par sawalia nishaan uth rahay hain tamam mazahab ki muqaddas jaghon aur muqamat ki veerani nay logon ko apnay apnay aqeedon se badzan kar diya hai aur woh ab apnay apnay khuda ki taraf dekhnay ki bajaye science ki taraf dekh rahay hain ulmaa peeron fakiron k bajaye science danon ki taraf dekh rahay hain Mecca Madinah, vatican city Deewar-e-Geriya aur Heckle-e-Sulemani k bajaye liboratories ki taraf be basi se dekh rahay hain, is liye is baat main koi do raye nahi hai k Illuminati apni saazish aur waardaat main 100% kamiyaab rahi hai aur is nay logon kay samnay in kay mazahab aur aqeedon ko mashkook bana kar apna maqsad poora kar liya hai.

Khudaara hamain sochnay ki zarurat hai k kia hum itna bhi ALLAH per emaan nhe rakhtay, aakhir virus ko takhleek karny wala kon hai, yaqeenan ALLAH, virus aik jandaar shey hai aur har jandaar ko sirf ALLAH takhleeq kar sakta hai, lehaaza wohi marz dene wala hai aur wohi shifa bhi, itna na daren ALLAH per bharosa rakhen. Aakhir jis mout se aap dar rahy hain wo kesi virus ne nhe dena balky ALLAH k ikhtiyaar me hai. Ye baat hamary emaan me shami hoti hai jb hum Emaan-e-Mufassal me shamil hai k kar achi aur buri taqdeer ka khaliq sirf ALLAH hai, koi aur shey nhe.

ALLAH hamain hidayat dy Aameen.

Thursday, 1 August 2019

VLOGGER FLUTTER KA DHOKA

China ki mashoor video vlogger k madah is waqt dang reh gaye jab live streaming kay douran aik takneeki (technical) kharabi ki wajah se aik larki k bajaye darmiyani umar ki khatoon dikhayi den.

Is haqeeqat k samnay anay kay baad yeh behas chal rahi hai k mulk me social media plate forms par khoubsurti ka miyaar kya hai. Kia bohat say chehray jo hamain khubsoorat nazar aaty hain kia wo waqai mojood bhi hain?

Vloggers jin kay ibtida mein followers ki tadaad aik laakh se ziyada thi un k baare mein yeh khayaal zahir kya ja raha hai k woh apne chehray par flutter istemaal karti theen aur woh apni meethi aur khubsoorat aawaz ki wajah se pehchani jati thi. Unhein suneney walon mein un k kuch chahanay walay aik laakh Yaan (china ke currency) bhi detay they.

Taham live streaming plate form Lachi News ka kehna hai k ye waqea 25 July ko paish aaya. Is waqt Doyu plate form par khatoon vlogger aik aur user King Zee k hamrah mushtarqa program kar rahi theen.

Global times ki reports k mutabiq sab kuch normal chal raha tha aur un k madahon ny un se israar keya k woh apna chehra dikhaayen taham khatoon vloggers ny aisa karne se inkaar kya. Is k bajaye un ka bazahir yeh kehna tha k mein apna chehra tab taq nahi dikha sakti jb taq mujhe aik laakh Yaan (china ke currency) k tohfay me nahi mil jatay. Aakhir ko mein aik khush shakal maizbaan hun.


Un k madahon ny unhein is k baad atiyat bhijwaanaa shuru kar diye. Reports k mutabiq is douran sab se barri raqam 40 hazaar Yaan ki thi.

Is douran vloggers ki janib se istemaal honay walay flutter ny kaam karna chore diya aur nazreen ko un ka asal chehra dikhne laga.

Khatoon maizbaan ko is waqt is baare mein pata chala jab madahon ny un se raabtey k liye makhsoos rasai k liye mojood VIP room se joq dr joq niklana shuru kar diya. Un ke bohat se haqeeqi followers mein khaas tor par mardon ny unhein follow karna tark kar diya aur unhein dee gayi transuctions bhi wapas le len.

Bohat say tabsera nigaron ka kehna hai k un k followers saada looh, zahir ko pasand karne walay log they aur woh isi qabil they k unhein dhoka diya jata kyunkay unhon ny un ki shanakht jaanay baghair unhein raqum bator tohfa den. Aik saarif ny youtube aur billi billi par vlogger ki footage bana li thi. Is k bad wo vlogger kabhi live screen per nhe ayen

Kuch logon ka kehna hai kay yeh acha hwa hai kyunkay woh dusron ko dhoka day rahi theen lekin deegar logon ka yeh bhi kehna hai k un mardon ki zahanat k miyaar par sawal hai jo un ko paisa day rahay they. Lekin kuch log un k hawalay se naram rawayya apnatay hue logon se keh rahay hain k woh unhein un ke zahir ki wajah se nah prkhin aur yeh dekhen k un ki shohrat ke waja un ki aawaz se thi aur shayad ab is qisam k rad-e-amal ki wajah se unhein sadmay se guzarna paray. Aur kuch deegar live streamers ki tareef kar rahay hain jinhon ny chehra zahir honay par koi rad-e-amal zahir nahi kya.

Yeh kahani china k tol-o-arz mein bohat mashhoor hui hai. Samaji rabton par 60 crore logon ny is post ko dekha hai.

China mein live streamers ki tadaad 40 crore se ziyada hai aur wahan social plate forms par flutter ka istemaal aik aam si baat hai.

China mein product media par to hakkaam ka bohat control hai lekin woh live streaming mein izafay par bohat pareshan hain. Mulki media khabron k ilawa TV mawaad ki tashheer se hafton is ki ijazat li jati hai.

Live streaming karne walon ki is baat se hosla shikni ki jati hai k woh awaami halqon mein kuch bhi nashar Karen. Unhein izhaar-e-raye mein bohat pabandion ka saamna karna parta hai. Unhein hakkaam ki janib se sakht rad-e-amal ka saamna karna par sakta hai agar un ki raye par mabni mawaad siyasi tor par sanjeeda noiyat ka ho ya phir hukoomat k khilaaf ho. Unhein is hawalay se bhi ahthyat bratni hoti hai k woh ghair mohazab nah lagen.

Bohat se live streamers show k aakhir mein apne bedroom mein gana ga rahay hotay hain ya phir kuch halka phulka kha rahay hotay hain.

Is bohat munafe bakhash industry mein bohat si nojawan khawateen bhi hain jo k izhaar k liye aakhri had taq jati hain.

Taham is waqeye ke baad un khatoon ne live streaming chor di hai lakin Doyu par un k followers ki tadaad chay (6) laakh pachaas (50) hazaar ho gayi hai.

Sunday, 7 July 2019

CRISPR TECHNOLOGY


Aisi duniya ka tasawwur karen jahan Huntington's or cystic fibrosis jaisay jeneati (Genetic) bimarion ka ilaaj kya ja sakta ho. crispr technology ka shukriya jis k zarye se jeneati bemari khatam ke ja sakti hai.

CRISPR Cas-9 (Clustered Regularly Interspaced Short Palindromic Repeats) ek gene-splicing tecnology hai jis mein DNA k tabdeel shuda hisson ko talaash karne aur hataane ke qabiliyat hai. aik baar jab yeh mawaad khatam hojaye to, crispr tecnology gair tabdeel shuda ke sath tabdeel shuda hisson ki jagah le sakta hai.

Natija ye k CRISPER me itne taqat hai k woh khoon ki naliyon se baaz aqsam ki jeneati (genetic) bimarion ko mustaqil tor par khatam kar sakta hai. kuch mareezon mein cancer ko khatam karne ke liye tecnology pehlay se hi istemaal ke ja rahe hai, aur ibtidayi nataij zahir karte hain ke yeh mumkina tor par jeneati (genetic) tabdiliyon per mukammal tor per uboor hasil krly ge.

Ab to sb ko pata chal gaya hoga k Crisper kya bala hai.