Showing posts with label Stories. Show all posts
Showing posts with label Stories. Show all posts

Wednesday, 11 November 2020

KHUFIYA NETWORK Part-5

Maine churri ko achi terha chupa leya, bhaari qadmon ki awaz meri janib aati sunai de aur phir ruk gai, wo table per haat mar raha tha sat he us k gurraanay ki awazen bhi aarahi the, yaqeenan wo churri dhund raha tha, khair maine bhi himmat naa hari aur churri ko apni qalai k nechay chupa kar rakha.

Usne mera haat pakra, ab mere khof ka koi pemana na tha, yaqeenan wo mera haat uthata aur churri meri qalai me chuppi dekh leta, usnay mera haat uthaya, meri qalai me chuppi churri ko wo mehsoos kar chuka tha, per najaanay kyun usne mera haat wapis wese he rakh deya aur phir kamray se bahir chala gaya.

Maine tezi se churri chalana shuru kardi aur apni qalai me bandhi rassi ko khol liya.


To Be Continue....

Previous episode link is below:

https://www.rurdu.com/2020/11/khufiya-network-part-4.html?m=1

Sunday, 1 November 2020

KHUFIYA NETWORK Part-4

Churri mere haat se thoray faaslay per the, maine table ko himmat kar k is andaaz se hilaya k churri mere haat k qareeb aajaye, mujhe kuch samajh nhe aarahi the k main kis terha apne aap ko bachaunga bs jo dimagh me aaraha tha wo karna shuru kar deya.

Churri ab mere ungliyon tk aachuki the, churi ki nok mere ungliyon me the, main ungliyon k saharay churri ko kichta gaya k kesi bhi terha churri ki dhaar wala hissa meri qalai tk pohunch jaye jo k rassi se bandhi hui the.

Ab main churri ko apni ungliyon se pakar chuka tha aur us ki dhaar wala hissa rassi per tha.

Achanak jail ka darwaza khulnay ki awaz aai.

To Be Continue.....

Previous episode link is below:

https://www.rurdu.com/2020/11/khufiya-network-part-3.html?m=1

KHUFIYA NETWORK Part-3

Maine apni aankhain bnd karlen aur dil he dil me dua karne laga, qadmon ki awaz mere pas aa kar ruk gai, maine apni aankhain bnd kar rakhi then.

Usne mera haat pakra aur meri nubs check krne laga bohot he masboot aur sakth haat tha us ka, maine behosh hone ki acting kr rakhi the.

Us k bad wo meri table ko ghaseet kar kese kamray me le gaya, us k bhari qadmon ki awaz door jaati sunai den, maine halki se aankh khol kar dekh, wo thori dor khara churri tezz kar raha tha, usne bari se chadar urh rakhi the jis ki wajah se wo nazar nhe aaraha tha, maine kamray ka jaiza liya wo koi jail numa jagah lg rahi the, achanak wo mura maine aankhain bnd karlen, us k qadmon ki awaz meri janib barh rahi the, main dil he dil me dua kar raha tha, ab wo mere bilkul qareeb aachuka tha, usne meri aankhon per patti bandh de, achanak zor dar cheekhnay ki awaz sunai de.

Usne churri meri table per rakhi aur bhir ki janib gaya aur jail ka lock laga deya. Usay is bat ka andaza nhe tha k main hosh ne hun.

To Be Continue.....

Previous episode link is below:

https://www.rurdu.com/2020/10/khufiya-network-part-2.html?m=1

Saturday, 31 October 2020

KHUFIYA NETWORK Part-2

Kashif ki jb aankh khuli to wo aik table se bandha hua tha us ka munh, haath, aur poun rasi k saat masbooti se bandhay huay thay.

Tm yahan kesay pohunchay, aik aurat ki awaz aai wo dard se karrah rahi the, tm bhi maro gy ye log tmhin bhi mar dalen gy, wo takleef se bol rhi the us k bad us ki awaz ana band hogai.

Kashif soch raha tha k main khud ko kesay bachaun, achanak kesi k chalnay ki awaz anay lagi aur phir galiban usi larki ki zor dar cheekh ki awaz, kulhariyon k pe dar pe war kar k kesi ne us larki ki boti boti kardi the. Lag raha tha k koi us k aaza nikaal raha hai.

Us k bad meri barabar wali table per kulhari rakhnay ki awaz aai aur phir bhari qadmon ki awaz door jaati sunai de.

Maine himmat kar k apni baraber wali table ki trf dekha to kulhaari rakhi hui the jis ka sira mere haat ki taraf tha, maine socha k yehi moqa hai kesi bhi terha himmat kar k is kulhari k saharay se apni rasiyon ko kholun, magar kesay.

Abhi main ye soch he raha tha k phir wohi bhari qadmon ki awaz meri jaanib aati sunai de.

To be continue......


Previous Episode link is below:

https://www.rurdu.com/2020/10/khufiya-network.html?m=1

Friday, 30 October 2020

KHUFIYA NETWORK Part-1

Aadhi raat ko Kashif apnay dost k ghar se wapis apnay ghar aaraha tha, us k aur dost k ghar k rastay me aik qabarustan parta tha, jo k ghar janay k liye short cut tha,wese to din me bhi koi wahan se nhe guzarta tha per naajany kyun Kashif ne jaldi ghar pohunchnay k chakar me us raastay se janay ka irada keya.

Abhi wo qabarustan k gate k pas se guzur he raha tha k usay qabarustan k andar se keai aurat k cheekhnay ki awaz aai ye, Kashif ko dar to bohot laga per naa janay kyun usay laga k koi museebat me hai aur koi zabardasti kesi larki ko aziyat pohuncha raha hai, jaan bachanay ki khatir wo qabarustan k ander chala gaya.

Thori dor usay halki se roshni mehsoos hui,qareeb ja kar dekha to wo aik khuli qabar k ander se aarahi the.

Wo soch raha tha k qabar k ander jaun ya na jaun, achanak qabar k ander se dobara usi larki ki cheekhnay ki awaz aai, Kashif ko kafi dar lag raha tha per wo fi tha k aakhir ye insaani awaz qabar k ander se kyun aarahi hai.

Himmat kar k wo qabar me utra to usy ander aik raasta nazar aya, halki se roshni us raastay se nazar aarahi the jo k ander se aarahi the, Kashif jesy he agay barha usay nechay ki simth seriyan jaati hui nazar ayen, wo neechay utrnay laga.

Jesay jesay wo nechay utarta gaya roshni barhti gai.

Ab samnay us k aik bohot he khof naak manzr tha har taraf insani dhanchay pary huay thay aur jaga khoon bikhra hua tha, zameen per kesi k ghaseetay jana k nishaan mojood thay aur aik baray size k poun ka nishaan bhi saat saat tha.

Abhi wo ye sb dekh he raha tha k achanak koi zor dar chez us k sar per lagi aur wo behosh ho kar gir para

To be continue....

Wednesday, 24 June 2020

BHAI LOG AUR THUG

Malir kay bhai log jb apnay ghar se nikaltay to log apnay gharon me ghus jaatay, kesi ka zor naa chalta kay un kay aagay aa sakay, insaan to insaan janwar bhi un se khof khatay thay, kai log to us ilaqay se door kahen ja kar aabad hogaye.

Aik dafa un kay ilaqay me aik Thug aa kar rehne laga wo har kesi ko bewaquf bana kar loot leta tha us k pas aik freebox télé tha jo usne kesi Freebox TV shop se liya tha.

Thug ki aik hindu larki Aashirya bahgvanti se dosti hogai wo usay batati k is mehalay me kuch gunday rehty hain jo bhai log k naam se mashoor hain, wo un se bach kar rehne ka mashwara deti per Thug is bat ke parwah nhe karta aur hawa me ura deta.

Aik dafa Thug gali se guzar raha that aur us ka jaib kaatnay ka irada tha samnay se kuch log aarahy thay jo puri gali ko gher kar chal rahy thay, Thug ne socha in ko lootnay ka ye acha bahana hai k wo puri gali gher kar chal rahy hain, darasal wo gali k bhai log thay per Thug ko is bat ka pata nhe tha

continue........


Tuesday, 5 May 2020

QUAID-E-AZAM MOHAMMAD ALI JINNAH

Mera naam Quaid Azam Mohammad Ali jinah hai۔ Main 25 September 1876 main Karachi main paida hua. Mere waalid ka naam Jeena Ponja tha aur walida ka naam Muthi Bayi tha ۔Mai nay kuch arsay Christian Mission High School main phir London ki Oxford university main taleem haasil ki۔

Mujhe apni zahanat ki wajah se London kay markazi daftar main apprenticeship ka bhi mauqa mila۔ Meri walida mere England janay par raazi nah then, magar phir woh aik shart par maan gayeen k England janay se pehlay meri shadi kar de jaaye.

1893ء main meri shadi Aemi bayi se kar di gai۔

Is kay baad main England chala gaya. main nay apni saari zindagi taleem aur mehnat ko ahmiyat de England se wapas aanay kay baad waqalat shuru kar di۔ Is doraan main nay Congress main shamoliat ikhtiyar ki۔

Congress ka hissa ban'nay kay baad mujhe ehsas hua k musalmanoon kay haqooq ko koi ahmiyat haasil nahi۔

Sab cheezon ka ikhtiyar ghair Muslimon kay paas hai. Musalman in kay ehkamaat par amal karnay par majaboor hain.

yeh sab dekhnay aur mehsoos karnay kay baad meri soch main inqilab aaya k kyun nah musalmanoon kay liye aik alag jamaat qaim ki jaye aur in kay haq kay liye lara jaye۔ Maine Muslim League join karli phir maine do qaumi nazariya paish kia. Mai logon ko yeh ehsas dilana chahta tha k hindu aur musalman do alehda qoumain hain۔ Main nay musalmanon kay liye aik alehda aur naye mulk kay liye jad-o-jehed shuru kar di۔ Mujhe yeh sab kartay huway nihayat kathin halaat aur mushkilaat ka saamna karna para۔ 

Aakhir musalmanon ko 1947ء main Pakistan jaisa azeem tohfa mila۔ Meri arzoo poori ho chuki the۔ Pakistan ban'nay kay aik saal baad taq main zindah reh saka aur 11 September 1948ء me maine wafaat paai.

Aap sb Pakistaniyon se sirf itne guzarish hai kay is mulk ki hifazat karen aur jhoot uar khayanat se bachain.

Sunday, 3 May 2020

EMMA AUR SOPHIA KA RAMAZAN

Emma aur Sophia batain kar rahi then aur ye samajh rahi then k un ki ammi nhe sun rahen Emma keh rahi the k Aftaari kay baad raat ko sehri taq jaga karen gaye aur films dekhen gay. Sophia boli aur main nay mobile main kaafi games free download karliye hain rozay main games khelain gaye to achchhaa time paas ho jaye ga.

Bohat maza aeye ga aur Emma yaad aaya k tum kahin Nooriya ko nah bula lena mujhe bohat buri lagti hai bohat itraati hai jaisay kahin ki shehzadi ho. Lakin is se dosti hai aur woh ghar kay qareeb rehti hai agar is ka mood hua to hamaray sath mazay kary ge? Emma boli, isay ziyada lift nahi karwaen gay.

Roomi nay kaha ab ammi kay sabar ka pemana labraiz ho chuka tha woh uth kar baith gayeen, ammi aap jaag gayeen? Roomi aur panki back waqt bolein, main so nahi rahi the balkay tumahray program sun rahi the jo tum nay Ramazan kay mubarak mahinay kay liye banaye hain.

Tm logon kay abba Nisar Ahmed agar tm dono ki ye batain sun len to mujhe kahen gy kay tmne betiyon ki terbiyat thek nhe ki. Kia tumhe zara bhi Ramazan ki ahmiyat maloom nahi? Ramazan kay rozay ALLAH nay is liye farz kiye hain k hamari aadaat behter hon aur hamari aesi training ho jaye k buray kamon se bachchen aur tum aisay program bana rahi ho jis main Ramazan ko tum nay sirf tafreeh karnay ka maheena samajh liya hai.

Ammi ka gussa dekh kar dono aik dosray ko kehnay lagen pehlay tum nay kaha tha, nahi pehlay tum nay kaha tha, khamosh ho jao ammi bolein, meri baat ghor se suno, gheebat karna yani kisi ki ghair mojoodgi main is ki buraiee karna waisay he buri baat hai lekin Ramadan kay muqaddas mahinay main to aur ziyada buri baat hai aur tum dono apni dost ki nah sirf gheebat kar rahi ho balkay Ramazan main bhi us kay liye bura soch rahi ho, Ramazan sirf bhooka piyasa rehne ka naam nahi balkay har buraiee se bachney ka naam hai, Roza rakh kar time paas karnay kay liye free movies/films daikhna, music/songs sunna, gappay lagana sahih nahi, apnay andar har ghalat aadaat ko khatam karnay ka naam Ramazan hai, ibadat kay sath dusron ka ehsas karna, achi kitabon ka mutalea karna, apni taleemi kamzoree ko daur karna, maa baap ka kehna maanna yeh sab hona chahiye, Sophia aur Emma nay ammi se sorry kia k woh ghalat soch rahi then ab woh Ramdhan aisay he guzaraian ge jaisay ammi nay samjhaya hai aur ibadaat dil laga kar karengi.

Sunday, 15 September 2019

ZARURAT AUR LALACH


Aik badshah ney kisi shehri ki baat par khush ho kar usay yeh ikhtiyar diya kay woh Sooraj ghuroob hone taq jitni zameen ka daira mukammal kar le ga, woh zameen is ko day di jaye gi, aur agar woh daira mukammal nah kar saka aur Sooraj ghuroob ho gaya to usay kuch nahi miley ga.

Yeh sun kar woh shakhs chal para. Chaltay chaltay Zuhar ho gayi to usay khayaal aaya kay ab wapsi ka chakkar shuru kar dena chahiye, magar phir lalach ney ghalba pa liya aur socha kay thora sa aur agay se chakkar kaat lon, phir wapsi ka khayaal aaya to samnay kay khobsorat pahar ko dekh kar is ney socha is ko bhi apni jageer mein shaamil kar lena chahiye.

Algaraz wapsi ka safar kaafi der se shuru keya. Ab wapsi mein yun lagta tha jaisay Sooraj ney is kay sath musabiqat shuru kar di he. Woh jitna taiz chalta pata chalta Sooraj bhi utna jaldi dhal raha he. Asar kay baad to Sooraj dhalnay ki bajaye lagta tha pigalna shuru ho gaya he.

Woh shakhs dorna shuru ho gaya kyunkay usay sab kuch haath se jata nazar aa raha tha. Ab woh apni lalach ko koss raha tha, magar bohat der ho chuki thi. Dor’tay dor’tay is ka seenah dard se phataa ja raha tha, magar woh tha kay bas doray ja raha tha.

Aakhir Sooraj ghuroob hua to woh shakhs is terhan gira kay is ka sir us jagah ko choo raha tha jahan se usne apna safar shuru keya tha aur paon wapsi kay dairay ko mukammal kar rahay they, yun is ki laash ney daira mukammal kar dya.

Jis jagah woh gira tha isi jagah is ki qabar banai gayi aur qabar par kutba lagaya gaya, jis par likha tha:

"Is shakhs ki zaroorat bas itni saari jagah thi jitni jagah may is ki qabar hai"

Wednesday, 11 September 2019

QAYAMAT MAY HISAAB KESY HOGA


Aik shagird naay apne ustaad se poocha: Ustaad jee! Yeh aakhirat mein hisaab kitaab kaisay hoga?

Ustaad naay zara sa tawaquf keya, phir apni jagah se uthay aur saaray shagirdon mein kuch pesey baantey unhon naay pehlay larky ko soo (100) rupay, dosray ko pichatar (75), teesray ko saath (60), chouthay ko pachaas (50), panchway ko pachees (25), chhatay ko das (10), satwen ko paanch (5), aur jis larkay naay sawal poocha tha usay faqat aik rupiya diya.

Larka ustaad ki is harkat par dil giriftaa aur afsurda tha, usay apni tauheen mehsoos ho rahi thi k ustaad naay aakhir usay sab se kamtar aur kam mustahiq kyon-kr jana?

Ustaad naay muskuratay hue sab ko dekhte hue kaha: Sab larkoon ko chhutti, tum sab log ja kar un paison ko poora poora kharch karo, ab hamari mulaqaat haftay walay din bastii k nanbayi ke tanoor par hogi.

Haftay walay din saaray talib-e-ilm nanbayi k tanoor par poanch gaye, jahan ustaad pehlay se hi mojood sab ka intzaar kar raha tha. Sab larkoon k aa jany k baad ustaad naay inhen bataya k tum mein har aik is tanoor par charh kar mujhe apne apne paison ka hisaab dy k usne paison ko kahan kharch keya hai.

Pehlay walay larka, jisay soo (100) rupay miley thay, ko dehktay tanoor ki mundair par charha kar ustaad nay pucha k batao, mere diye hue soo (100) rupay kaisay kharch kiye thay.

Jaltay tanoor se nikaltay shulon ki tapish aur garam mundair ki hiddat se pareshan larka aik pair rakhta aur dosra uthata, kharch kiye hue paison ko yaad karta aur batata k: Paanch (5) ka gur liya tha, das (10) ki chaye, bees (20) k angoor, pachas (50) rupay ki rotiyan aur isi terhan baqi k kharchay. Larky k paon hiddat se jal rahay thay to baqi ka jism tanoor se nikaltay shulon se jhulas raha tha hatta k itni si der mein usay pyaas bhi lag gayi thi aur alfaaz bhi larkhrana shuru hogaye thay. Baa-mushkil hisaab day kar neechay utra.

Is k baad dosra larka, phir teesra aur phir isi terhan baqi larky, hatta k is larky ki baari aan pohanchi jisay aik rupiya mila tha.

Ustaad naay usay bhi kaha k tum bhi tanoor par chharh jao aur apna hisaab do. Larka jaldi se tanoor par charha, baghair kisi tawaquf k bola k mein naay aik rupiya ki ghar k liye dhaniya ki guddi kharidi thi, aur sath hi muskorata hua neechay utar kar ustaad k samnay ja kar khara ho gaya, jabkay baqi kay larkay abhi taq nidhaal baithy apne peeron par pani daal kar thanda kar rahay thay.

Ustaad naay sab larkoon ko mutwajjah kar k is larky ko khaas tor par sunaatay huay kaha: Bachcho! Yeh qayamat walay din k hisaab kitaab ka aik chhota sa manzar nama tha. Har insaan se is ko jis qader ataa keya gaya hai us k barabar hisaab hoga.

Larky naay ustaad ko mohabbat se dekhtay huay kaha k: Aap naay jitna kam mujhe diya, is par mujhe rashk aur aap ki ataa par pyar aa raha hai. Taham ALLAH ki misaal to bohat aala-o-arfah hai.

ALLAH hamein apne hisaab ki shiddat se bachaaye aur hamaray sath maffi aur dar guzar wala maamla farmaiye. Ameeen

Thursday, 5 September 2019

BIVI KE AQUALMANDI


Aik aurat ne apne shohar ki facebook dekhi to woh' “Shehzada” naam rakh kar aik aurat se gup shup kar raha tha is aurat ka facebook par naam Neelam Shehzadi tha phir us ne jab apne shohar ki posts dekhen to woh mohabbat bhari shairi aur pyar bhari baton se bhari hui thin aur nobat yahan taq poanch gayi thi k is larki se shadi k liye tayyar tha us aurat ko bohat gussa aaya aur apne shohar ko sabaq sikahnay ka socha phir usne facebook per aik naya account Abu-Alqaida kay naam se banaya aur is id per jaalao gheraao, qatal-o-ghaarat, maar dhaar se bharay post daalna shuru krdeye, khoon kharabay wali taswerain lagana shuru kar den kuch arsay baad is id se apne shohar ko msg keya k tum jis “Neelam Shehzadi” k naam ki larki se mohabbat lara rahay ho woh meri biwi hai aur mein ISIS ka aik khaas admi hun aur tumhe jaanta hon k tum kon ho phir uska naam uskay baap bhaiyon ka naam bta diya aur kahan rehta hai aur kahan kaam karta hai, yeh sab likh kar kaha k agar ab mein ne tumhe facebook par dekha to tujhy bakray ki terhan zibah kar dun ga “Ae kharishi bakray”. Woh aurat kehti hai aglay din mein ne dekha mere shohar k rang uray huay they, buray haal thay, unkay mobile se unhone Facebook, Instagram, Viber, Whatsapp, Twitter sab kuch delete kar diya aur mujh se baar baar pooch rahay they k Asar ki Azaan kab ho gi.

Wednesday, 7 August 2019

APNA KHANA KHUD GARAM KRLO

Aaj ke hamari behnon kay naam ek ahem paigam is kahani me chupa hai, zarur parhain or asal baat ko samajhne ke kosheh karain. Ek farzi kahani hai jis me Sarah nami larki ke zindagi kay mukhtalif dour ko lafzon me samaita gaya hai.


Sarah Shadi Se Pehlay:

Sarah: “Papa mein kisi ki ghulami nahi kar sakti."

Baap: "Beti koi kisi ki ghulami nahi karta balkay sb apnay apnay hissay ka kam krtay hain. Jo kaam aurton kay liye mushkil hain woh mard karte hain aur jo mardon kay liye mushkil hain woh aurtain krti hain ise terha ghar chalty hain.”


Sarah Shadi Kay Baad:

Sarah: "Mein khana garam nahi karoon gi, khud garam krlo jaa kay."

Shohar: "Mai sara din mehnat karta hun kamata hun kis k leye? Thmari zaruriyaat puri krta hun or tum mere leye khana tk garam nhe kr saktin. Tu apne baap k ghar wapas chali jao. Tum meri zaroorat poori nahi kar sakti to mujhe tumhari kia zaroorat, show case me sajane kay leye to nhe laya hun tmhain apne ghar."



Talaq Kay Baad:

Talaq ke baad (Islamabad ki sarkon par banner uthaye)

Sarah: "Apna khana khud garam kar lo, apna khana khud garam kar lo…….”


Baap Kay Marnay Kay Baad:


Bhai: "Dekho meri behan, mein ab family wala hon, meri biwi tumhe aur bardasht nahi kar sakti, tum koi nokari karlo ya apna bandobast kahin aur kar lo (yani shadi krlo)."


Nokari Ki Talaash Mein:

HR Manager: "Hamaray paas aik female receiptionalist ki jagah khaali hai. Aap khobsorat hain hamain aap jesi Sarahyon ke zarurat hai. Aap wahan kaam kar sakti hain."


Dhalti Umar:

HR Manager: "Bibi hum mazrat khuwa hain. Aap kay kaam mein ab pehlay jaisi bat nhe rahi hai. Aap kahin aur nokari dhunden. Hamein ab aap ki zaroorat nahi."


Zalim Burhapa:

Hotel Manager: "Mohtarma, aap ki itni umar ho gayi hai, ab mein aap ko kya nokari dun, ab to aap ko aaraam se apne bachon ki kamaai khaani chahiye."


Sarah: "Mere bachay nahi hain. Koi nahi hai mera."

Hotel Manager: "Oh acha, chalein mein kuch karta hon aap k liye, mera bees (20) logon ka staff hai jo khana serve krta hai aap khana garam krnay ka kaam karain. Main aap ko is k das-hazar (10,000) har maah pay kardunga.”

Sarah: "Das-hazaar(10,000)? Itne km”

Hotel Manager: "Mein jaanta hon ke das-hazaar (10000) mein aap ki zaroriyaat poori nahi hongi, magar mein majaboor hon, is se ziyada nhe day sakta."

Sarah: "Theek hai, mujhe manzoor hai." 

Is ki aankhon se ansoo zaar zaar beh rahay they aur soch rahi thi kay kash jawani mein hi khana garam kar deti.

Sabaq:


Bint-e-aadam kash kay ye baat tairay dil mein utar jaye k zindagi har dour me ek jesi nhe rehti, tanhai insaan ko jeetay jee mar deti hai. Insaan apnay maazi ko or apnay maazi kay logon ko yaad kar k sirf roota hai. Apni zindagi ko mushkil nhe balkay aasan banayen. Kese company ke nokar bannay k bajaye ghar ke malka bannen. Ise me sehat bhi hai or sukoon bhi.


Zara Samjhye!

Saturday, 3 August 2019

APRIL FOOL KA ANJAAM

Ek waqia hai k ek dost ne apne dusray dost ko achanak phone keya or usay bataya k us k bhai ka accident hogaya hai tm jaldi se falan jaga ponch jao. Maqsad ye tah k bewaqoof bana kr dost se mil bhi lengy or us se us kay pass hone ke khushi me treet bhi lengy. Magar galat kam ka hamesha galat he anjaam hota hai. Apne bhai ke khabar sun kr paglon ke terha bike chalata hua matlooba jaga pohonchna chaha magar rastay me he ek bari se bus se takra gaya or apni jaan se haar gaya.

Insaan ke zindagi itne gerzaruri nhe hoti k us se khela jaye, ek zara se galti bhi insaan ke jaan le leti hai, ye hamain sochna chahye kay humne khush hone k leye ya kese ko khush krne k leye jhoot ka sahara lena hai?

Logon ke fikar krna sikheye or choti choti baton ko ahemiyat degeye tabhi hm sahi terha ek dusray ka khayal rakh sakengay

Wednesday, 31 July 2019

BILLI KAY BACHAY

Ek billi kay teen (3) bachay thay wo har waqt apas me larty rehty thay, ek din billi ne unhain samjhaya k larna ghagarna achi bat nhe jo bachay apas me larty hain dushman unhain asani se nuqsaan poncha sakty hain. Bachay bat ko suntay or unsuni krdaty. Ek din bachay apas me lar rahy thay k ek kuttay ne unhain dekh lia wo pass aakr tamasha dekhne laga or un ke larai ke khub tareefain krne laga, unhain ubharta k or maro or maro. Kuttay ke niyat thek na the wo chah raha tha k bachay apas me lar lar k halqaan hojayen or ek dusray ko zakhmi krlen taaky wo unhain aasani se harap krsakay. Bachay ke darakht k saye me lar rahy thay uper darakht kay uper ek billa soo raha tha wo billi k bachon k larne ke awaz sun kr uth gaya, jb usne dekha k kutta unhain mazeed larne per uqsaa raha hai to wo kuttay ke chal ko samajh gaya. Billay ne socha k bachon ko sabaq milna chahye. Kuttay ko billay k darakht per bethnay ke khabar na tha. Jesy he bachay lar lar kr thak gaye, kuttay ne do (2) bachon ke dum per apna paun rakha or ek (1) ko apne munh se daboch lia, bachay is achank hamlay se dar gaye or rone lagy. Billay ne socha k ab bacho ko sabaq mil gaya hai ab un ke jaan bachani chahye, billay ne darakht se kuttay per chilang laga de, kutta is achanak hamlay se be khabar tha usne dono bachon ke dum per se apna paun hataya taaky is hamlay ke jawabi karwai krsaky. Billa ek tajurbekar laraka tha usne dusray he lamhay kuttay ke aankh per apna panja mara taaky wo teesray bachay ko bhi chor de, kutta jo pehle he is achanak hamlay se thora khofzada tha ab harbara gaya usne teesray bachay ko chora or forann wahan se bhaga. Jb wo bhag gaya to billa un daray sehmay bachon k pas aya or unhain samjhaya k apas me larna jagharna achi bat nhe, Itefaq me barkat hai, teeno apas me mil kr kuttay ka muqabla krsaktay thay. Teeno bachon ko billay ke bat samajh me aagaye or unhone wada keya k ab wo kabhi bhi apas me nhe larengay.

Tuesday, 30 July 2019

PAGAL KUTTA

Ek gali me ek pagal kutta ghumta rehta tha wo hr anay janay waly per bhonkta tha, ek din us gali se ek anjana shaks guzra wo kuttay ke is harkat se nawaqif tha usay bhonkta dekh kr usne usay pathar mara kutta dar gaya or bhonkta hua wahan se bhag gaya. Aglay din phir us shaks ka us gali se guzar hua magar wo kutta usay dekh kr dar gaya or door hogaya.

Ajeeb bat to hai magar sochnay ke k kuttay ne jis insaan se pathar khaya us per na sirf bhokna chor dia balkay us se darnay bhi laga lakin phir bhi apni bhoknay wali adat se baz nhe aya. Yehe mamlaat kuch hamary sat bhi hain, hm sari zindagi dusron per bhonkty rehty hain magar jahan koi agay se jawab dene wala aajaye to us k samne bhoknay se ghabraty hain. 

Tuesday, 23 July 2019

TAKKABUR KA ANJAAM

Ek jungle me ek bohat he magroor sher rehta tha jo har janwar ko apne se kamtar samajhta, ek dafa us ka guzar ek dariya k pas se hua wahan usne dariya se ek batakh ko nikalty huay dekha to guroor se bola k tm itne moti se ho or uper se choti choti or sookhi sookhi tangain, mujhe dekho ktne mazboot pair hain mere, batakh kuch na boli or pani me wapis chali gaye, sher bhi us ke pechay pechay gaya, dariya me ek magarmach bhi tha jo pehle se he batakh ke taq me tha, batakh k pani me jaty he magarmach us k taaqub me aya, batakh ne usay dekh lia or tezi se agagy barhne lagi, magarmach ne batakh ko door jaty dekha to mayoos hogaya k shikar hat se nikal gaya magar jald he usne pani me ek sher ko dekha jo batakh k pechay jane ke kosheh kar raha tha, magarmach dobara se pur-umeed hua or is dafa sher per hamla krne ke socha, sher ne bhi magarmach ko apni taraf aaty huay dekh lia magar jaldi jaldi tair na saka or magarmach ne usay pakar lia. Batakh door khari dekh rahi the usne sher se pucha k ab batao k kis kay pair achay hain, sher sharminda hogaya aur apni aankhain hamesha k leye band krlen.

Ise leye kehty hain kabhi takkabur nhe krna chahye kia pata ALLAH ne jo dusron ko deya ho wo un k leye aap se bethar ho, ALLAH janta hai hum nhe.

Sunday, 21 July 2019

BEHES KAY AAGAY BEEN BAJANA

Kesi mulk par aik zalim hukmaran musallat tha, is ny logon kay din ke ujalay ko raat ki tareqi mein badal diya logon ki neend haraam kar di. Din ko is k sataye hue raat ko ALLAH ke bargaah mein is kay khilaaf dast bazu utha kr bad-dua kartay. Kuch log is zamane ke aik buzurg k paas jaakar roye k is zalim ko Khuda ka vaastaa do ke zulm na kary, buzurg ny kaha: Mujhe sharam aati hai k is kay samnay apne Khuda ka naam lon kyun kay har koi ALLAH k paigam k laiq nahi hota. Jo Haq ko maanta hi na ho us k samnay Haq ka naam lia he na jaye. Yahi Haq, Haq walay k samnay hi kehna chahiye. Nadaan kay samne ilm k moti bekhairna banjar zameen mein beeg zaya karny k mutaradif hai. Jab is par assar hi nahi hoga to mujhe apna dushman jaan kar nuqsaan pohnchaye ga. Agar zalim mujh se khafa hai to taajjub nahi kyunkay woh chor hai aur mein chokidaar. Koshish sabhi karte hain lekin neki har koi nahi kr sakta.

AIK PEHELVAAN

Aik pehelvaan naay tang dast ho kar pusht par matti ke bori utha kr apna pait bherna shuru kar diya nihayat dil tang aur afsurda rehne laga k kahan barray barray bahaduron ko pachhara aur kahan yeh din? Log shehad peenay, murgh aur bakray khatay aur is be chaaray ki rootti saag paat ko taresti rehti. Kuttay billiyon ke jism per libas aur yeh be charah nanga. Hasrat se dua karta ke saari zindagi ka rizaq abhi mil jaye to chand din to aasani se guzar jayen. Aik din zameen khoud raha tha ke shoora ki haddi nazar aayi aur sath motiyon ka toota hwa haar paaya. 

Zamane ki gardish ka gilah nah kar ye to ghoomta hi rehta hai. pehelvaan ko thori tasalli hui ke jab anjaam sab ka aik hi jaissa hai to kya takhat nashen aur kya khaak nashen, haan naik Nami reh jaye gi. Malik, taaj takhat walay bhi chal diye aur gada or mohtaaj bhi, duniya se dhoka nah kha ye to bani he khatm hone k leye hai.

HAQ GOI

Aik darwaish ki haq goi se naraaz ho kar badshah ne mutkabbirana andaaz mein is ko jail mein daal diya. Wuzraa mein se kisi ne darwaish ko kaha badshah ko bharay darbaar mein is terhan nasiyaat karna munasib na tha. Darwaish ne kaha! haq baat kehna ibadat samjhta hon aur mujhe qaid khanaay ki koi parwah nhe k yeh chand lamho ki baat hai. Badshah ko darwaish ki wazeer se guftagu ka pata chala to is ne pegham bhijwaya kay chand lamhy nhe balky saari zindagi jail mein hi rehna paray ga. Darwaish ne wapas jawab diya ke kya to jaanta nahi duniya hai hi aik ghari. Darwaish kay liye khoshi aur‬ ghami barabar hai الحمدلله, to lashkar aur khazaanon mein khush hai to mein rang aur mehroomi mein bhi apne ALLAH se raazi hon. Jab hum dono ko mout aeye gi to chand dinon mein barabar ho jayen gay, koi nah pehchan sakay ga k darwaish kon hai aur badshah kon? Zalim badshah ko in baton se aur gussa aaya aur darwaish ki zuban kaat dene ka hukum diya. Go darwaish ne farmaya mujhe is se bhi farq nahi parre ga ke mera ALLAH baghair meri zabaan ke bhi jaanta hai ke mein kya kehna chahta hon mein zulm bardasht karoon ga jo meri akhirat behtar kar day ga balkay mujhe to khoshi hogi agar tujhe bhi martay waqt Imaan naseeb ho jaye.

Wednesday, 17 July 2019

MURGI KAY BACHAY

Ek murgi k char chozay thay wo apas me larty rehty or apni ammi ke bat nhe manty thay. Ek din murgi ne unhain mana keya k wo jangal me khelne na jayen kyun k wahan per kuch jangli billiyan aagaye hain jo murgi k bachon ko bohat shok se khati hain. Chozay pehle to apni ammi ke bat ko maan gaye magar phir bad me sochne lagy k agar hm jungle me nhe jayengy to phir khelengy kahan. Aakhir ek din wo jungle me chaly gaye, jungle me khelty kehlty bohat agay nikal gaye, thori der k bad unhone mehsoos keya k un k aas pass jhaariyon me koi mojood hai jo idher se udher horaha hai goya unhain chup kr dekh raha ho, ek choozay ko achanak apni ammi ke bat yad aye or usne sargooshi me baqi chozon ko bhi ammi ke bat yad delai. Ab to sb chozay parishan hone lagy k ab kia krengy ham to phans gaye, aakhir ye faisla keya k sb chozay khamoshi se khelty kehlty jhaariyon se door door apne ghar ke taraf barhengay, abhi wo ye soch he rahy thay k achanak ek bari se billi chelang (jump) mar kr un k samne agaye, chozay sehem gaye or apni ammi ko yad krne lagy, billi ne unhain khoon khowar nazron se dekhna shuru krdia, billi ne chozon per hamla krne ka irada he keya tha k achanak se ek or billi aagaye, us ke bhi chozon per niyat kharab hone lagi, pehle wali billi ne usay mana keya k ye sb us k shikar hain tm samne se hat jao, magar wo na mani, natijatan dono billiyan apas me larne lagyen, chozon ne moqa ganimat jana r wahan se bhag niklay, or ghar aa kr toba ke k ainda apni ammi ke bat ko nazar andaz nhe krengy.

To bachon hamain is kahani se ye pata chala k hamesha apny ammi abbu ke bat ko manna chahye chahy wo aap ko napasand he kyun na ho, unhain zada pata hota hai k aap k leye kia acha hai or kia bura.