Showing posts with label Stories. Show all posts
Showing posts with label Stories. Show all posts

Tuesday, 16 July 2019

BILLI SHER KE KHALA HAI

Ek jangle me ek din billi r sher ka amna samna hogaya, sher ne billi ko dekha to kehne laga tm dikhne me to hamari jesy ho per ho ham se bohat choti, tmhain dekh kr dusray janwar hamara mazak uraty hain, billi ne koi jawab na dia r munh pasaar kr chali gaye. Achanak ek din us sher ka samna apne purany dushman yaak se hogaya wo bohat he tagra tha, kai sheron ko usne apna seengh mar kr zakhmi keya tha, dono ka jb samna hua to sher ne socha k agar mai pechay hata to ye r bhi zada bahadur hojaye ga, chunacha sher ne hamla krne ka faisla krlia, dusri trf yaak ne bhi soch lia tha k agar sher ne us per hamla keya to wo is per apna wazan rakh kr beth jaye ga take wo bebas hojaye r kuch na kr saky, or aesa he hua, sher ne jesy he hamla keya r us ke gardan ko dabocha yaak ne apna pura wazan sher per de dia sher yaak ka wazan bardash nhe kr paya r gardan ko chor dia lakin yaak phir bhi na hata, ab to sher ka dam nikalne laga, pass he se billi guzar rahi the usne jab ne majra dekha to sher ke madad krne ko ponch gaye r yaak ke gardan per char gaye r apne panjay us ke gardan me garh deye, yaak ne bohat sir hilaya per wo billi ko apna seengh na mar saka, billi us ke gardan se chipki rahi r us k kaan per katna shuru krdia, ek panja wo yaak ke aankh per bhi mar deti, is ajeeb-o-gareeb hamly se yaak parishan aagaya r uth kr khara hogaya, yaak ka uthna tha k sher ne dobara hamla keya r us ke gardan ko tor dia. Yaak ko marne k bad sher ne billi ka shukriya ada keya r apne raviiye ke mafi mangi. Billi ne usay maaf krdia or wahan se chali gaye.

BADSHAH KA GHADON PER QABZA

Ek badshah bohat he zalim tha wo gareeb kisanon k ghaday cheen leta tha r un se kam leta, wo zalim unhain khane ko bhi nhe deta r had se zada bojh lad deta tha jis ke waja se ghaday do(2) char(4) din me mar jaty.

Ek dafa badshah apne darbariyon k sat sair ko nikla r door kese gaon ka rukh keya wahan poncha to kia dekhta hai k ek dehati apne ghaday ko danday se mar raha hai, badshah ne apne darbariyon se kaha k ja kr is se pucho k ye apne ghaday ko kyun mar raha hai, jb darbariyon ne ja kr waja puchi to us ne kaha k is me is gadhay ke he bhalai hai k ye mere haat se mar khaye darbariyon ne ye bat ja kr badshah ko batai to badshah ne kaha k us se is bhalai ke wazahat mango. Darbari dobara us dehati k pass gaye r us se wazahat mangi, jis per us ne bataya k badshah tandrust ghaday dekh kr unhain le jata hai r phir un se itna kam leta hai k wo mar jaty hain, mere pass ye ek he ghada hai jis se mai kam leta hun agar ye bhi badshah le gaya to mera guzara bohat mushkil hojaye ga. Darbariyon ne ye bat ja kr badshah ko batai to badshah apni harkat per dil he dil me sharminda hone laga or sochne laga k ainda wo aesa nhe kry ga.

Saturday, 13 July 2019

HAJJAAJ BIN YOUSF

Kaha jata hai k ek dafa kese naik shaks ne Hajjaaj-bin-Yousf ke tazeem na ke. Hajjaaj ne usay aziyat naak tarikay se qatal krne ka hukum jari kardia, kyun k jb zalim k pass daleel nhe rehti to wo phir zulm he krta  hai, wo mard-e-mujahid ye hukm sun kr pehle to hansa phir roo dia. Hajjaaj ne hairaat zada ho kr pehle hasne r phir ronay ka sabab pucha to is naik mard ne jawab dia k mai roya is leye hun k chaar(4) bachon ka baap hun wo bechary kia krengy r hansa is leye hun k Khuda ka shukar hai mazloom ho kr mar raha hun zalim ho kr nahi. Darbariyon ne is ke jaan bakshi ke darkhasten ken k masoom bachon ke bad-duayen na lo, mazloom ke bad-dua se bacho, magar Hajjaaj ne ek na suni r usay qatal krwa dia. Ek buzurg ne us maktool ko khuwab me dekha or haal pucha to is ne jawab dia k Hajjaaj ka zulum to mere uper ek mint k leye tha, magar mere qatal ka gunah sari umar is k sir per rahy ga aur is ke saza se wo bach na saky ga.

Friday, 12 July 2019

EK BADSHAH KE APNE BAITON KO NASIYAT

Ek badshah ney marnay se pehlay apne dono parhay likhay baiton ko bulaa kar kaha ke mein ney apna mulk do hisson mein taqseem kar ke aik aik hissa tmhain day diya hai taa ke mere baad tum aapas mein jung na shuru kar do. Badshah ke marnay ke baad aik beta jo lalchi bhi tha is ko khazana bharne ki fikar la-haq hogayi chunancha is ney reaya se zalimana tax wusool kar ke khazana barhana shuru kar diya. Is k zulm se tang aa kar logon ne mulk chorna shuru krdia, tajiron ney dukanen aur kisanon ney zameen chore di aamdani jab khatam hogaye to khazana khaali hogaya. Mulazmeen ki tnkhwahin bhi nah day saka. Mulk ka intizam beggar gaya, fouj ney baghaawat kar di, dosray ilaqay k badshahon ney yeh soorat-e-haal dekhi to hamla kar k is k mulk par qabza karliya aur is ko qaid
karliya. Jabkay dosra baita sakhi aur reham dil tha is ney tax kam kar diye aur khazana zaruratmandon mein baant diya. Is k husn-e-sulooq aur rehem dili ki wajah se kisanon aur zamindaron k hauslay barhay, taajiron ney dil khol kar paisa lagaya banjar zamenay abad hogayi, khait lelehane lagey, tajir khush huay, khazana bhar gaya lashkar aasooda ho kar is par jaan chiraknay lagy. Chhote chhote ilaaqon k raees is ki hukoomat mein shaamil ho kar is kay dast-o-baazu ban gaye.

Thursday, 11 July 2019

PATHAR DIL INSAAN


Ek raat baghdad shehar mein aag lag gayi aur aadha baghdad jal gaya. Ek shakhs ise dhowen mein ALLAH ka shukar kar raha tha ke meri dokaan to bach gayi. Ek sahib dil wahan se guzra aur is se kaha kya tujhe sirf apna hi gham hai ya kisi aur ka bhi? Tu chahta hai sara shehar jal jaye magar tera ghar bach jaye. Woh kitna sang dil hota hai ke log pait par bhok ki wajah se pathar bandhay hue hon aur is ka maida kha kha kar phatnay k qareeb pouncha hwa ho. Adil badshah lakarhaaray k gadhay ko kichar me phansa dekh kr bechain hojata hai. Tujhe apne bhai k gham ke fikar nhe to ALLAH tere gham ke kesy fikar kry ga.

DAMISHK ME QEHET


Ek martaba Damishk mein aisa qeht para ke aashiqon ko ishq bhool gaya. Kheteyan khushk hogyen, dariya sookh gay sirf yateem ke aankh mein pani ka qatra aur bewa ki aah ka dhuwan nazar araha tha, darakht murjha gaye, barq aur qowat walay kamzoor ho gay, na pahar par sabza aur na baagh mein phool rahy makari nay baagh kha leya aur insanon nay makari kha lee, is douran mere samne ek shakhs aaya jis ki sirf haddiyan aur khaal hi nazar aa rahi thi halaank woh bohat aasooda haal tha mein naay is se is kamzoree ka sabab poocha to is naay ghusse se kaha! yeh kya mazaq hai k jantay hue bhi sawal kar rahy ho? daikhta nahi hai na aasman baras raha hai aur na museebat zada k dil ka dhuwan oopar ja raha hai. Mein nay kaha k tujhay kia gham? Usne mujhe ghazab se dekha aur kaha! Mein be sar-o-samani se pareshan nahi hon balkay logon ki ye halat dekh kr mera dil zakhmi hai. Mein naa to apne aap ko pareshan daykhna chahta hon aur naa hi dosray ki pareshani dekh sakta hon. Bemar ko dekh kar dil rakhnay waly tandurust bhi bemar ho jaty hain. Jab kisi maskeen ko bhooka piyasa daikhta hon to mere halq mein bhi luqma zeher ban jata hai jis ka dost qaid khanaay mein ho is ko baagh (park) ki sair kahan sojhti hai.

Wednesday, 10 July 2019

EK BUZURG OR ZALIM HUKMARAN


ALLAH k aik bande k paas Khalq-e-Khuda ka Tantaa bandha rehta tha log apni hajat aur salah mashwaray k liye un ke paas atay. Aakhir hujoom se ghabra kar unhon ne door daraaz aik jungle mein deera lagaya lekin log wahan bhi un ke paas jaanay lagey is ilaqay ka badshah bara zalim shakhs tha, wo bhi buzurg k paas aata magar buzurg is ki taraf bilkul tavajja nahe karte jabkay wo badshah in k samnay un gareebon aur mazdooron se mohabbat ke sath paish aata. aik din badshah ne kaha! maana ke aap ko badshah ka koi dar nahi lekin badshah aap ki tavajja ka itna to haq daar hai jitna aik ghareeb mazdoor? buzurg ne farmaya! haan yeh is waqt mumkin tha k jab to bhi in jesa ghareeb mazdoor hota jabkay tm hakim ho r ye mehkoom tum zalim ho or ye mazloom, tum jantay nhe k makhlooq Khuda ka kumba hai. Jab tu ALLAH k kumbay per zulm karta hai to mein tujh se pyar kaisay kar sakta hon. Jao yahan se dafaa ho jao agar meri tavajja chahtay ho to makhlook per zulm karna band kro idhar dobarah anay ki koshish na karna.

SHAH ROME OR EK DERVAISH


Rome ka badshah aik martaba kisi ALLAH walay ki bargaah mein haazir hwa aur apna dukhra sunaate hue ronay laga ke dushman ney mulk par qabza karliya hai sirf ek soobah meri malkiat mein reh gaya hai beher-haal mein to apni zindagi guzaar betha hon ALLAH janay mere marnay ke baad mere betay ka kya banay ga. ALLAH walay ko badshah ki baaten sun kar gussa agaya aur farmaya! tu apni fikar kar tera beta agar is qabil hwa to apna mulk khud hasil krly ga werna apni fikar khud krly ga. Zameen ALLAH ki hai woh jis ko chahay chand dinon k liye day deta hai. Jo is ki sahi hifazat kry ga ALLAH is ke madad farmaye ga basorat deegar is k liye zillat-o-ruswai he munasib hai.

TAKHT-E-SHAHI OR PERHAIZGARI

Jb shahzada "Takla" sultan zangi k takht per betha to is ne bari kamiyab hukumat ke. Ek dafa wo kese sahaib-e-haal se kehne laga k mai to apni zindagi barbad kr betha. Us ne pucha, wo kese? to shahzady ne jawab dia! Jb itne bari hukumat me se qabar k ander kuch bhi mere sat nhe jaye ga to phir badshah se faqeer he acha hua, jo apni kamai (jo is ne aakhrat k leye ke hai) saat to le jaye ga. Is leye maine faisla kr lia hai baqi zindagi gosha nasheen hojaun. Jb is ALLAH Waly ne ye bat suni to shahzaday ko dant kr kaha, khabardar! tu ne kia samajh rakha hai k duniya se be-taluq hojane se ALLAH razi hojaye ga? Nhe nhe balky makhlook-e-Khuda ke khidmat ka nam he raza-e-Elahi hai, na k sirf tasbhi parhna. Tu hukumat bhi kr r khalq-e-Khuda ko khush bhi rakh, Ibadat bhi kr r makhlook-e-Khuda ke madad bhi kr un k sat adal-o-insaaf ka mamla bhi kr, yun ALLAH ke raza bhi hasil krta rahy ga r ALLAH ke makhlook ke duayen bhi leta rahy ga.

HAZRAT UMER BIN ABDUL AZIZ (R.A)

Hazrat Umar Bin Abdul Aziz ke anghooti me ek aesa nagina tha jis ke johri bhi qeemat lagany se aajiz thay. Ek dafa mulk me sakht qehet para, aap ne wo nagina bech dia r jo us k badlay maal mila usay apni reaya per kharch kr dia. Baz logon ne kaha k ab aesa nagina ap ko dobara nhe mily ga. Aap ne farmaya k jb awam is qadar parishan hon to badshah ko zaib nhe deta k wo s qadar qeemti nagina pehne, mera guzara to mamooli anghoti pehen kr bhi hojaye ga, lakin makhlook-e-Khuda ke parishani mujhse dekhi nhe jati.

Tuesday, 9 July 2019

EK FAQEER KE BADSHAH KO NASIYAT

Iraq me ek badshah k mehal k nechay kese faqeer ne sada lagai k tu or mai dono apne Rab ke bargah k faqeer hain is leye is bargah ke paishi ko yad rakhna or apne darwazy per anay walon ke hajat puri krna, dukhi insaniyat ke khidmat krna k kal k dukhon se tu bhi bach jaye. mazloomon ke ah badshah ko takht se takhat(palang) per poncha deti hai. Tu dophair ko aaram se soo raha hai r faqeer tere der pe garmi me jal raha hai, agar tu ne aj hamain insaaf na dia to ALLAH to zaroor insaaf kry ga.

IRAN KA BADSHAH OR CHARWAHA

Iran ka badshah ek dafa shikaar ko nikla to lashkar se juda hogaya, thak haar kr ek darakht k saaye mai beth gaya or apne sathiyon ka intezaar krne laga. Achanak ek admi door se aata hua is ko dekhai deya, ye samjha k koi mera dushman aaraha hai. Badshah ne foraan apna teer nikal kr kamaan per rakh dia, wo shaks zor se bola k badshah salamat mai to aap k ghoron(horse) ka rakhwala hun r kai martaba ap k darbaar me hazri de chuka hun, hairat ke bat hai k mai ap k hazaar(1000) ghoron me se hr ek ko pechanta hun, agar ap hukum kren to jo ghora ap kahengy wohe la k dunga, is k rang, chal, shakal, hr chez se waqif hun r mai samajhta hun k is me mera koi kamal nhe, balky mera farz hai, lakin gustakhi maaf! aap bhi to meri terha awam k rakhwaly hain, ap ko is se zada awam ka khayal rakhna chahye, kyun k mai to ek nokar hun. Or yaad rakhen k jis badshah ko apne r paraye ke pechan na ho wo hukumat krne k qabil nhe hota.

Sunday, 7 July 2019

BURHAPY KA SADMA

Jb Badsha ne apne burhay ahelkar ko mazool krdia, to usne badsha ko ek khat likha.

Ae badsha salamat! agar me kese kam ka nhe raha to Khuda kry tu nikamma ho, jb maine apni jawani teri khidmat ke nazar krdi to ab burhapy me mujhe kyun duthkar raha hai? Fitna baz musafir ko mulk se nikal dena he kafi hai, is se dushmani krne ke zarurat nhe k is ke buri adat he is ke asal dushman hai. Or agar wo tere mulk ka rehne wala hai to is ko dusry mulk me bhej kr apne mulk ko badnam na kr (k wo kahen k is mulk k tamam log he aesy hongy) kyun k wahan k log bad-dua krengy k ye musibat hamary sar dal de. Zimadari ka bojh dalne k leye muflis ke bajaye khushal shaks dhund, kyun k muflis to pehle apna pait bhary ga r jb pakra jaye ga to sewai rone k kuch na kry ga. Agar bara afsar bhi bad-dianti pe uter aye to is pe kese choty ko nigrani sonp dy, r agar wo dono apas me sazbaz krlen to phir dono ko farig krdy. Khazanchi kese khof-e-Khuda rakhne waly ko rakh, na wo k jo tujh se derta ho, aesy log talash-e-basera k bad tujhe ek(1) feesad bhi nhe milengy, do(2) puranyhm mehella r hm ehad shaks ek jaga mutaiyan na kr! ho sakta hai ek chor bn jaye r dusra us ka muhafiz. Or jb chor apas me ek dusray se darengy to kaaflay ko un se koi khatra nhe. Jis ko tune nokari se nikal dia hai kuch arsy bad us ke galti maf krday, kyun k umedwaar ke hajat puri krdena hazroon qadiyon ke rehai se bethar hai. Parhay likhon ko kam sonp take tera maqsad hasil ho. Insaaf pasand badsha apne karindon pe aesy he ghussa krta hai jesy ek bap apne baity per, kabhi is ko mar bhi leta hai take is ke islah hojaye r kabhi is k ansoo bhi khud he saf krta hai, agar to sirf narmi he kry ga to dushmen delair hojaye ga r agar sakhti he sakhti kry ga to hr koi tujhe pe sher hojaye ga k begunahon ko bhi saza ka khatra paida hojaye ga. Sakhti or nrmi dono zaruri hain. Jb ALLAH tujh per meharban hai to tu us k bandon per meharban hoja. Agar tujhe pehle badsha yad ayen to tu apne ap ko is bat per qayas krly k wo nhe rahy to tu bhi nhe rahy ga, duniya fani hai sirf naik nami he baqi rahy ge. Is shaks ka nam hamesha zinda rehta hai jo logon k leye achy kam krta hai. Jo koi apni achi yadgar na chor gaya wo kabhi bhi duayen na le saky ga, log usay bhool jayen gy, r jo koi apni buri yad ko chor gaya log usay us k marne k bad bhi bad-duayen dengy. Kese ke chughli khush ho kr na sun r agar sun le to is ke tehkeek kr, qasoor war ke mafi qabool krly, kyun k is ko pehle khata per he saza dena insaaf nhe han! agar ek bar is ko nasiyat ke r is ne na suni to phir beshak is ko qaid krde r agar qaid krne se bhi baz na aye to is ko qatal bhi keya ja sakta hai. Sazaa daitay huay souch samajh se kam le.


x-------------------------------------------------x



ehelkar mazool, parhay lekhoun

GAIR MULKI OR DAKOO

Ek gair mulki tajir per us mulk k dakuon ne hamla krdia to us ne kaha! jb dakoo is qadar bahadur hojayen to intezamiya k log chahy mard hon ya aurtain is se koi farq nhe parta, jo badsha sodagaron ka tahafuz nhe krsakta wo apne mulk per bhalai ka rasta band kr leta hai, kyun k jb la-qanooniyat ka raj ho to gair mulki wahan jane se r karobar krne se gerez krty hain. Lehaza agar badsha ko naik nami chahye to qasidon r tajiron ko tahafuz dy.

Achy log musafiron ka aehteram krty hain r un ke rehnumai krty hain unhain jahan jana ho un ke madad krty hain take wo jb apne mulk me wapis jaye to ap ke naik nami ko sat le kr jayen. R wo mulk barbad hojaty hain jahan musafiron se acha salook nhe keya jata. Sari duniya me un ke badnami hone lagti hai.

Aesa nhe hai k hr musafir ap k sat mukhlis ho, is ke janch partal krna bhi zaruri hai us per nazar rakhi jaye magar us ko galat na samjha jaye, sirf shak ke bunyad per us k sat bura salook krna ye sra sar galat hai ap k pas saboot hona chahye k jo shaks bhi ap k mulk me dakhil hua hai us k irady ap k mulk k sat thek nhe hain phir ap duniya ko saboot dekha kr usay apne mulk se nikal sakty hain, usay tang krna ya usay nuqsaan ponchany se ap k mulk ko bhi nuqsaan ponch sakta hai, kyun k ho askta hai k wo ap k kese dushman mulk ka jasoos ho phir bhi apne us k sat apna raviya acha rakhna hai, take duniya k samne ap ka ek acha tasawoor(image) jaye.

Bat ko yahan per khatm krty hain k bahesiyat-e-qaum hamain duniya me apna ek acha tasawoor qaim krne k leye inhe musafiron r tajiron k sat acha salook krna hoga ye log he agay ja kr apne mulk me ap k haq me ap ke aawaz banangy chahy wahan jane per ap k leye pabandi he kyun na ho.


x----------------------------------------------------x


germulki daku, germulki dakuu, grmulki, grmulki daku, germulki sodagar, germulki tajir, germulki awam, germulki awam, germulki kaam, germulki tel, germulki tale, germulki tail

BADSHAH KE BAITAY KO NASIYAT

Badsha ne marty waqt apne baitay ko nasiyat ke k ae baita! sirf apne he aram ka khayal na rakhna balky gareeb ke dil joi ke bhi fikar krna, kyun k agar tu apne he aram ke fikar me laga raha to phir tere mulk me koi bhi aram se nhe reh saky ga. Koi bhi aqual mand is bat ko jaiz nhe samajhta charwaha soo raha ho r apni bakriyan behreyon k supurd krdy. Awam ka khayal rakhna is leye k badsha agar darakh(Tree) hai to awam is ke jarain(roots) hain r darakh jarh he se mazboot hota hai. Jo awam k dil ko setata hai wo apne he paun per kulhari chala raha hai. Seedha rasta wohi hai jo perhaizgaron ka hai r wo umeed or khoff ka darmiyan ka rasta hai.

Jo badsha chahta hai k mere mulk ko koi nuqsaan na ponchay, wo makhlook ko setana kabhi pasand nhe kry ga, agar kese badsha me ye sift na ho to phir is k mulk me aman kahan se aye ga?

Tu jis ka banda hai us ke raza hasil krne ke kosheh kro, r agar tu khudsr hai to phir ye tere tabahi k siwa kuch nhe. Khushaali is mulk me nhe aati jahan ke awam apne badsha ke waja se tang ho, jahan badsha apne taqat ka muzahira krta ho awam per wahan ke awan apne hunar or salahiyaton ko kabhi bhi thek terha istimal nhe kr pati. Mazdoor khushal hoga to apne mulk k leye zada se zada kam kry ga. kese bhi bhalay admi ko nuqsaan ponchana mulk me nafrat r dushmani ko janam deta hai.

Har hal me ALLAH k bandon k bhalay k bary me socho take wo zada se zada hukumat ka sat den r hr mushkil waqt me bhi wo hukumat k sat khary hon.

Naumeedain na rakho.

CHEETAY PER SAWARI

Maine cheetay per sawar ek shaks ko aaty huay dekha to khoff k mary mera paun chalne se jawab de gaya. Is shaks me muskra kr mujhe kaha k ghabrane r hairaan hone ke koi bat nhe mai bhi ALLAH ka he ek banda hun, kyun k maine sari zindage ALLAH k hukum se apna munh nhe mora r apne aap ko ALLAH k hukum k agay jhuka dia, ise leye aaj ALLAH ke makhlook mere taby hai, tm bhi khud ko ALLAH k hukum k taby krdo phir dekho k kis terha ALLAH ke makhlook tmhari taby hojati hai.

Jb banda ALLAH k ahkamat per amal pera hota hai to ALLAH us ke madad farmata hai, phir ye kese hosakta hai k wo tujhy dushman k rehm-o-karam per chor de, bs yehe sachai ka rasta hai r asal maqsad bhi is zindagi ka yehe hai k apne ALLAH ko razi krlo.