Showing posts with label Technology. Show all posts
Showing posts with label Technology. Show all posts

Sunday, 14 June 2020

iPhone 12 Series 2020

Coin investment bank ki report kay mutabiq  iPhone 12 series ki launching ki taqreeb mazeed 2 mah takheer ka shikaar ho gai hai. Ab is ka ineqaad September kay bajaye November kay aakhir main hoga. Is se pehlay aik report main bataya gaya tha k iPhone 12 series aalimi waba coronavirus kay bais aik mah takheer se launch keya jaye ga.

Nayi report main bataya gaya hai k 2020 iPhone kay 35 million unit taiyar keye ja saken gay.

Yeh production pichly saal kay muqablay me 13 feesad kam hai.

iPhone 12 series main 4 model paish keye ja saktay hain. Yeh sab 5G ko support karen gay aur choti noch kay sath OLED panel par mushtamil hongay. In ka display size 5.4 inch, 6.1 inch aur 6.7 inch hoga. Is series kay 2 models ka display size 6.1 inch hoga.

Apple is baar iPhone 12 series main TSMC kay 5 NM Pross based E14 chip set istemaal kar sakta hai. Entry level main 5.4 inch aur 6.1 inch model main RAM 4GB se shuru hogi jabkay premium 6.1 inch aur 6.7 inch model main 6GB RAM aur 512GB internal storage hogi. Sunnay main aa raha hai k mojooda 64GB bunyadi  storage option ko is baar 128GB  kia ja raha hai.

Sunday, 7 June 2020

FACEBOOK AB MAQBOOL ACCOUNTS KI TASDEEQ KARY GA

Facebook mukhtalif pages shanakht ki tasdeeq to karta rehta hai per ab social media plat form infiradi account ki tasdeeq bhi kary ga. Yeh tasdeeq sirf un accounts ki hogi k jin ka bartao kaafi mashkook hoga aur un ki post yak dam viral hongi. Is feature ko  abhi sirf USA tk mehdood rakha jaaye ga. Is terha facebook ye pata laga sakay ga k  koi account kisi bhi qism k propangada muhim ka hissa to nahi hai.

Agar kisi sarfeen ki shanakht  munsalik account se mutabeqat nahi rakhay ge to facebook viral post ki pohunch ko mehdood kar day ga. Facebook aisay afraad ko pages par post karnay se bhi rok day ga. Aisay sarfeen apni tasdeeq kara kar he apnay pages par post kar saken gy. Facebook ka kehna hai k jin afraad ki shanakht ki jaye gai, in ki IDs mehdood rakhi jayen gi aur logon kay profile par share bhi nahi ki jayen gi.

KYA GOOGLE PLAY STORE SEARCH ENGINE CHANGE HONAY WALA HAI

Google apnay sarfeen kay liye Play Store par ab naye tariqay se search nataij dikhaane kay tajurbaat kar raha hai. Ab scroll honay wali app ki list kay bajaye aap ko har app kay liye card ki tarz ka interface nazar aeye ga, is main app kay woh screenshot bhi hongay jo asal Play Store kay indraaj main record hongay. Scroll ki tarz ka yeh interface bhi keya ja sakay ga lekin ab sarfeen aik waqt main 7 apps ki bajaye 3 apps dekh saken gy.

Is kay ilawa indraaj main 3 dots k nishaan bhi nahi hongay, jinhein tap karnay par install ya app ko wish list main shaamil karnay ka option aata tha. Is naye interface main sarfeen fori tor par app kay download ki tadaad bhi dekh saken gy.

Google is interface kay mehdood peymanay par tajurbaat kar raha hai. Sarfeen ki taraf se musbat rad-e-amal aanay par isay tamam sarfeen kay liye jari kia jaye ga.

Wednesday, 3 June 2020

G SUITE KAY USER AB GMAIL ME REHTY HUAY GOOGLE VOICE CALL KAR SAKENGY

Google jald he G Suite sarfeen kay liye aik naya feature paish karnay wala hai, jis se sarfeen Gmail main rehtay huway he Google voice calls sun aur kar saken gay. Yani ab aap ko cal karnay aur wosool karnay kay liye alag tab nahi kholni hogi.

Is feature se aap kay browser main aik voice icon zahir hoga. Yeh Gmail main dayen taraf dosray G Suites Add-ons kay sath hoga yeh feature 3 June ko mutaarif karaya jaye ga.

Tamam sarfeen kay paas zahir honay main isay chand din mazeed lagen gay yeh feature web, iOS aur Android sarfeen kay liye paish kia jaye ga.

Is feature se Google voice mobile aur web app istemaal kartay huway call transfer bhi kar saken gy۔ Google ap ko woh tajaweez bhi day ga k kin afraad ko cal transfer karni chahye. Agar ap tajaweez istemaal karna nah chahain to ap khud se contact ko search kar saktay hain ya khud he phone number likh saktay hain.

Abhi tak wazeh nahi ho saka k dosray Google voice sarfeen Gmail main calls wosool karnay ya forward karnay kay features ko kab istemaal  kar saken gay taham Google ki aadat hai k woh pehlay tamam feature G Suites sarfeen kay liye paish karta hai phir inhen aam sarfeen kay liye bhi jari kar deta hai.

NETFLIX NE SPEED TEST MUTARIF KARA DEYA

Netflix nay internet ka saada tareen speed test mutaarif karaya hai. Fast.com nami test bohat halka phulka hai aur bohat taizi se load hota hai. Is ki wajah site per ishtiharaat ka na hona hai.

Yeh speed test aap ki ISP ki taraf se faraham ki gai download speed zahir karta hai. Chand second kay test me he nataij samnay barray size kay adaad main likhay nazar atay hain.

Sab se ahem baat yeh hai k netflix apni web site kay speed test ko speedtest.net kay speed test se mawazne ki sahoolat bhi deta hai.

GOOGLE INTRODUCING NEW TOOL "SODAR"

Google ne aik naya tool "SODAR" k nam se mutarif karai hai. Jo social distancing k liye hai. Jo aap k mobile camera k zariye se aap ko 2meter ka aik daira aap k gird dekhaye ga.

Is link per click kar k aap apne Android mobile k chrome k zariye se is website tk rasai hasil kar sakty hain, wazy rahy k ye tool sirf Android mobile k chrome per he chal sakta hai.

IMPROVE BATTERY PERFORMANCE UP TO 20 PERCENT

Uninstall Facebook application, je haan facebook aap ki battery ka 20% khaa jata hai. Ye kaam mushkil zarur hai  per aap facebook ki jagah Messenger istemal karen aur facebook ko Google Chrome per he login karen.

Is k ilawah aap mukhtalif 3D Launchers ko istemal karne se bhi gurez karen aur simple km space waly Launchers he istemal karen.

Kesi bhi qism k Cleaner ki zarurat nhe, is k ilawah faltu application bhi hata kar ya disable kar k aap apni battery ki timings ko bacha sakty hain.

VIDEOS KI NEVIGATION KAY LIYE YOUTUBE ME "CHAPTERS" MUTARIF KARA DEYA

Videos ki aasaan navigation kay liye Youtube nay aik naya feature "Chapters" k naam se mutaarif karaya hai. Testing kay doraan he musbat feedback milnay par Youtube nay isay 28 May se baqaida tor par paish kar diya hai. Youtube nay bataya hai k "Chapters" desktop kay ilawa Android aur iOS par bhi dastiyab hoga. Sarfeen "Chapters" par click kar kay video kay makhsoos hisson taq aasani se rasai haasil kar saken gy.

Chapters video player kay neechay hongay aur video description time stamp zahir karen gay. Chapters ka feature aik ikhtiyaari feature hai. Yeh tab he zahir hongay jb videos banany waly Vloggers apni videos main isay shaamil karen gay۔ Vloggers apni videos main Chapters sirf is soorat main shaamil kar saken gay jb pehla Chapter 0:00 par hoga aur km az km 3 time's stamp ya Chapter hongay aur har aik ka dorania km az km 10 sec ho ga.

Chapters ka feature Youtube kay haal he main paish keye gay features ki series main se aik hai. Kuch din pehlay Youtube nay bed time reminder kay liye bhi aik feature paish kia tha.

Sunday, 7 July 2019

CRISPR TECHNOLOGY


Aisi duniya ka tasawwur karen jahan Huntington's or cystic fibrosis jaisay jeneati (Genetic) bimarion ka ilaaj kya ja sakta ho. crispr technology ka shukriya jis k zarye se jeneati bemari khatam ke ja sakti hai.

CRISPR Cas-9 (Clustered Regularly Interspaced Short Palindromic Repeats) ek gene-splicing tecnology hai jis mein DNA k tabdeel shuda hisson ko talaash karne aur hataane ke qabiliyat hai. aik baar jab yeh mawaad khatam hojaye to, crispr tecnology gair tabdeel shuda ke sath tabdeel shuda hisson ki jagah le sakta hai.

Natija ye k CRISPER me itne taqat hai k woh khoon ki naliyon se baaz aqsam ki jeneati (genetic) bimarion ko mustaqil tor par khatam kar sakta hai. kuch mareezon mein cancer ko khatam karne ke liye tecnology pehlay se hi istemaal ke ja rahe hai, aur ibtidayi nataij zahir karte hain ke yeh mumkina tor par jeneati (genetic) tabdiliyon per mukammal tor per uboor hasil krly ge.

Ab to sb ko pata chal gaya hoga k Crisper kya bala hai.